ចំណាប់ខ្មាំងជាតិបារាំង ត្រូវបានក្រុមជីហាដអ៊ីស្លាមនិយមជ្រុល កាត់«ក» (vdo)
ក្រុមភេវរជន ដែលហៅខ្លួនឯងថា ជូដ អាលឃីឡាហ្វា (Jund al-Khilafa) និងមានមូលដ្ឋាននៅក្នុងតំបន់ កាប៊ីលី (Kabylie) ភាគខាងជើងនៃប្រទេសអាល់ហ្សេរី (ទ្វីបអាហ្វ្រិកខាងជើង) បានសម្លាប់ចំណាប់ខ្មាំងជាតិបារាំង ដែលមានឈ្មោះ អ៊ែរវេ ហ្គួរដេល (Hervé Gourdel) ដែលទើបនឹងចាប់ពង្រត់ទៅ នៅថ្ងៃអាទិត្យមុននេះប៉ុណ្ណោះ។ ការសម្លាប់ដោយកាត់ ក នេះ ត្រូវបានថតជាវីដេអូ យកមកផ្សាយតាមបណ្ដាញអ៊ីនធើណែត កាលពីយប់ថ្ងៃពុធទី២៤ ខែកញ្ញា ម្សិលម៉ិញ។
វីដេអូ ត្រូវបានផ្សាយជាលើកដំបូង នៅគេហទំព័ររបស់ក្រុមជីហាដ (jihad) ដោយមានដាក់ចំណងជើងថា «សារប្រកបដោយឈាម សម្រាប់រដ្ឋាភិបាលបារាំង»។ ចាប់ផ្ដើមពីនាទីដំបូង ដោយដាក់រូបភាពប្រធានាធិបតីបារាំង ហ្វ្រង់ស័រ ហូឡង់ (François Hollande) ដែលបានធ្វើសន្និសិទការសែត បដិសេធមិនចុះញ៉ម ការគម្រាមរបស់ពួកអ៊ីស្លាមជ្រុលនិយម ដែលបានធ្វើលើប្រទេសបារាំង ជាថ្នូរនឹងការបញ្ឈប់យុទ្ធនាការយោធាបារាំង [...]