មេធាវីព្រះសង្ឃខ្មែរក្រោម៖ ជាគោលការណ៍ ត្រូវដោះលែងកូនក្តីខ្ញុំ
អ្នកស្រី សាម សុគន្ធា ជាមេធាវីមកពីអង្គការលីកាដូ ដែលការពារក្តីឱ្យព្រះសង្ឃ ដែលជាជនជាប់ចោទ ឃិត វណ្ណៈ និង ថាច់ សាង (ហៅ សាន កុសល) បានឱ្យដឹងពីមូលហេតុ ដែលតុលាការសម្រេចមិនឱ្យជនជាប់ចោទទាំងពីរ នៅក្រៅឃុំថា ដោយតុលាការសម្អាងរឿងក្តី ស្ថិតនៅក្នុងការស៊ើបអង្កេត និងដោយសារតែការសុំនៅក្រៅឃុំ របស់កូនក្តីលោកស្រីមិនមានហេតុផល។
ប៉ុន្តែការសម្រេចរបស់សាលាឧទ្ធរណ៍ មិនឱ្យកូនក្តីលោកស្រីនៅក្រៅឃុំនេះ ជារឿងមិនសមហេតុផល។ មេធាវីការពារជនជាប់ចោទរូបនេះ អះអាងថា ជាគោលការណ៍កូនក្តីរបស់អ្នកស្រី គួរត្រូវបានឲ្យនៅក្រៅឃុំ ព្រោះវាជាបទមជ្ឈឹម។ មួយវិញទៀត មានវិមតិសង្ស័យជាច្រើន ទាក់ទងនឹងការចោទប្រកាន់ ពីបទចូលរួមជាមួយសមាគមជនទុច្ចរិតនេះ។
អ្នកស្រី សាម សុគន្ធា ពន្យល់ថា៖ «ដោយសារតែមិនមានសកម្មភាពណាមួយ [...]