Posts in ‘គ្រប់អត្ថបទជាខេមរភាសា’ Category

ការវិវត្តន៍ឡើង នៃវិស័យទេសចរណ៍ពិភពលោក បានធ្វើឲ្យមនុស្សកាន់តែច្រើនឡើងៗ ចង់ធ្វើដំណើរទៅកំសាន្ត និង​ចង់ទៅរកឃើញអ្វីដែលប្លែកៗ ឬអ្វីៗ ដែលមានជាប់មកជាមួយ នូវប្រវត្តិសាស្ត្រដ៏រំជួលចិត្ត។ ហើយដើម្បីជាជំនួយ ដល់​ការស្វែងចង់ដឹងចង់ឃើញ ពីសំណាក់អ្នកទេសចរណ៍នោះផង គេហទំព័រមួយដែលបង្កើតឡើង ដោយជនជាតិ​ប៊ែលហ្សិក​ពីរនាក់ បានបង្កើតនូវគំនិតមួយ គួរឲ្យចាប់អារម្មណ៍៖ នោះគឺប្រមូលនូវប្រវត្តិត្រួសៗ នៃរាជធានីបូរាណអង្គរ មកដាក់បង្ហាញជារូបភាពមានចលនា សម្រាប់ពន្យល់ឲ្យដឹងជាគោលៗ ពីការវិវត្តន៍នៃអតីតរាជធានីដ៏ធំមួយនេះ រវាង​ពីឆ្នាំ១១៤០ មកទល់នឹងឆ្នាំ១៤៣២។ ពោលគឺចាប់ពីពេល ដែល អង្គរ បានក្លាយជារាជធានីនៃចក្រភពខ្មែរ រហូតមក​ដល់​ពេល ដែលអង្គរបានដួលធ្លាក់ ដោយការឈ្លានពានពីបរទេស។

គេហទំព័រ របស់អ្នកស្រី វ៉េរ៉ូ (Vero) និងលោក អេឌី (Eddy) ដែលមានអាស័យដ្ឋាន veroeddy.be បានបញ្ចេញ​រូបភាព​មានចលនានេះ នៅលើទំព័ររបស់ខ្លួន កាលពីថ្ងៃទី១៧ [...]

ការផ្សាយពាណិជ្ជកម្ម ជារឿយៗ ត្រូវ​បង្កឲ្យមានភាពទាក់ទាញអារម្មណ៍។ ប៉ុន្តែសម្រាក់ការទាក់ទាញ នៅក្នុងការ​ផ្សព្វ​ផ្សាយពាណិជ្ជកម្ម ឲ្យក្រដាសជូតតុ (ឬជូតអ្វីផ្សេងៗ) បានធ្វើឡើងនៅក្នុងអត្ថន័យមួយដ៏ពិសេស រហូតធ្វើឲ្យអ្នក​ទស្សនា ទប់មិនផ្ទុះសំណើចមិនបាន។

នោះជាការៀបចំឈុតឆាកសមញ្ញមួយ នៅក្នុងផ្ទះរវាងប្ដីប្រពន្ធពីរនាក់ និងបង្ហាញពីទម្លាប់ដ៏អាក្រក់ របស់មនុស្ស​ប្រុស​ភាគច្រើន៖ នោះគឺបុរសយើង ចូលចិត្តធ្វើអ្វីមិនប្រយ័ត្ន ហើយដល់ទៅពេលធ្វើឲ្យកំពុប ឬធ្វើឲ្យប្រលាក់អ្វីមួយ បុរស​យើង​មិនសូវជាចាប់អាម្មណ៍ នឹងរឿងសំអាតតាមក្រោយនោះទេ។ ម្យ៉ាងទៀត នៅពេលរស់នៅជាប្ដី​ប្រពន្ធ​របៀប​នេះ បុរសៗតែង«អាង»ជានិច្ចថា ខ្លួនមានមនុស្សចាំសំអាតតាមក្រោយ ទើបមិនសូវខ្វល់ ហើយចង់ឈានទៅធ្វើអ្វី តាម​តែ​អំពើចិត្តនោះផង។

នៅចំពោះភាពខ្ជីខ្ជារ និងដើម្បីចង់ឲ្យស្វាមីខ្លួន យល់ពីរឿងសំអាតនេះម្ដង ស្ត្រីជាភរិយា មានវិធីដ៏ពិសេសមួយ ដើម្បីឲ្យ​បុរសជាប្ដីយល់ថា [...]

គណបក្សហ្វុនស៊ីនប៉ិចថ្មី ដែលទើបនឹងធ្វើសមាជវិសមញ្ញរបស់ខ្លួន កាលពីមួយខែមុន ដើម្បីប្រគល់តំណែង ជា​ប្រធាន​គណបក្សឡើងវិញ ថ្វាយទៅសម្ដេចក្រុមព្រះ នរោត្ដម រណឫទ្ធិ នោះ ទើបនឹងឆ្លងកាត់«ព្យុះ»មួយ ដែល​កើត​​ឡើងពីការមិនត្រូវគ្នា រវាងអគ្គលេខាគណបក្សចាស់ លោក ញ៉ឹក ប៊ុនឆៃ និងអគ្គលេខាគណបក្សថ្មី ក្រោម​ឈ្មោះ​«អគ្គលេខាប្រតិបត្តិ» លោក ហាយ សាក់។ ការមិនត្រូវគ្នានេះ បានឈានទៅដល់ ការចេញ​លិខិតឆ្លើយ​ឆ្លង​ដាក់គ្នា រវាងក្រុមមនុស្សទាំងសងខាង ដែលធ្វើឲ្យគេយល់ថា គោលការណ៍បង្រួបបង្រួម នៃអ្នករាជានិយម របស់​សម្ដេចក្រុមព្រះ មានសភាពដូចទឹក ទើរលើស្លឹកឈូក យ៉ាងដូច្នេះ។

ពាក់ព័ន្ធនឹងហេតុការណ៍ដ៏ស្រួចស្រាវ ដែលអាចធ្វើឲ្យប្រេះឆាជាថ្មីនោះ ព្រះប្រធានជាថ្មីនៃគណបក្ស សម្ដេច​ក្រុម​ព្រះ នរោត្ដម រណឫទ្ធិ បានចេញមកបកស្រាយថា មិនមានការបែកបាក់ផ្ទៃក្នុងនោះទេ។ នៅចំពោះសមាជិក​ប្រមាណ​ជាង ៣០០០នាក់ នៅពហុកីឡាដ្ឋានក្រុងតាខ្មៅ ខេត្តកណ្តាល [...]

ដង្កូវដែលមានប្រវែង ១សង់ទីម៉ែត្រ មួយក្បាល ត្រូវបានគ្រូពេទ្យវះយកចេញ ពីខួរក្បាលរបស់បុរស ជនជាតិអង់គ្លេស វ័យ៥០ឆ្នាំម្នាក់ បន្ទាប់ពីបុរសនេះ បានទៅពិគ្រោះជាមួយគ្រូពេទ្យរបស់ខ្លួន ពីអាការៈចុកចាប់ក្នុងក្បាលជាខ្លាំង។ គ្រូ​ពេទ្យ​បានរកឃើញថា ដង្គូវប្រភេទ Spirometra erinaceieuropei បានចូលទៅរស់នៅ ធ្វើរូងនៅ៥សង់ទីម៉ែត្រ និងធ្វើ​ការ​ផ្លាស់ទី ពីឆ្វេងមកស្ដាំ និងពីស្ដាំមកឆ្វេង ក្នុងខួរក្បាលរបស់បុរសអ្នកជំងឺ តាំងពីជាង៤ឆ្នាំមកហើយ។

ករណីដ៏ចម្លែកនេះ ទើបតែមានកើតជាលើកទីមួយ នៅក្នុងចក្រភពអង់គ្លេស។ ប៉ុន្តែបើគេរាប់ ចាប់តាំងពីឆ្នាំ១៩៥៣មក ករណីរបៀបនេះ បានកើតឡើងចំនួន៣០០ដងហើយ នៅក្នុងពិភពេលោកទាំងមូល។ ដង្កូវនេះ នឹងធ្វើឲ្យរលាក​ប្រព័ន្ធ​ប្រសាទ ហើយប្រសិនជាវាចូលទៅដល់ខួរក្បាល វានឹងបង្កឲ្យមនុស្សនោះ បាត់ការចងចាំ និងមានការចុកចាប់​យ៉ាង​ខ្លាំង នៅក្នុងក្បាល។ ដោយសារអការៈរបស់សត្វចង្រៃនេះ មិនសូវសម្បូរកើតនោះ ភាពអាថ៌កំបាំងរបស់វា [...]

លោក ឈឹម ផលវរុណ អ្នកនាំពាក្យគណបក្សប្រជាជនកម្ពុជា ក្នុងកិច្ចសម្ភាសជាមួយ​ទស្សនាវដ្តី​មនោរម្យ.អាំងហ្វូ​នាព្រឹកថ្ងៃទី២១ ខែកុម្ភៈនេះ បានលើកឡើងថា មិនចំពោះតែលោក អេឡិច ដែលជាជនជាតិអេស្ប៉ាញនោះទេ បណ្តា​ជនបរទេសទាំងអស់ ដែលស្នាក់នៅកម្ពុជា ហើយហួសសុពលភាព នៃការស្នាក់នៅនោះ ចាំបាច់ត្រូវ​ធ្វើការ​ស្នើសុំជាថ្មី។ តែនេះជាការ«ស្នើសុំ» មិនមែនជាការ«ទាមទារ»នោះឡើយ។

ដោយឡែកចំពោះការស្នើសុំនោះ ជាការសម្រេចរបស់រាជរដ្ឋាភិបាល ដែលជា«ម្ចាស់»ប្រទេស ថាតើគួឲ្យបន្ត ឬ​មិន​គួឲ្យបន្ត។ ករណីនេះ ក៏ត្រូវធ្វើការផ្អែកលើគោលការណ៍ជាក់លាក់មួយ នៃជនបរទេសនោះ ដែលត្រូវបនុ្ត​និង​ស្នាក់នៅកម្ពុជា ស្របតាមច្បាប់អន្តោប្រវេសន៍ និងច្បាប់នានារបស់ប្រទេសកម្ពុជានោះដែរ។

អ្នកនាំពាក្យរូបនេះ បានបញ្ជាក់ដូច្នេះថា៖ «អេឡិច ជាជនបរទេសឯកជនធម្មតាម្នាក់ មិនមែនជាជនបរទេស ដែល​តំណាងឲ្យប្រទេសអេស្ប៉ាញ មកធ្វើការនៅកម្ពុជាឡើយ។ (...) [...]