Posts in ‘គ្រប់អត្ថបទជាខេមរភាសា’ Category

ក្ដីស្នេហ៍ពិត និងការលះបង់ បានកើតឡើងឲ្យឃើញ នៅពេលដែលមាន គ្រោះអាសន្នមកដល់។ បុរសម្នាក់​នេះ បានយកទ្រូង មកពាំងគ្រាប់កាំភ្លើងដ៏ឃោឃៅ របស់ឃាតករ ដែលបានបាញ់រះ សំដៅក្រុមទេសចរណ៍ រហូត​បណ្ដាលឲ្យស្លាប់មនុស្ស អស់៣៨នាក់ (តុល្យភាពបណ្ដោះអាសន្ន) កាលពីព្រឹកថ្ងៃសុក្រ ទី២៦ ខែ​មិថុនា កន្លង​មក​នេះ នៅលើឆ្នេរសមុទ្រ នៃប្រទេសតួនេស៊ី។

គូដណ្ដឹងជាតិអង់គ្លេស ទាំងពីរនាក់ នាង សារ៉ា វីលសុន (Sarah Wilson) អាយុ២៦ឆ្នាំ និងលោក ម៉ាតជូ ជេម (Matthew James) អាយុ៣០ឆ្នាំ មានបំណងចង់ធ្វើវិស្សមកាល កំសាន្ដសប្បាយ តែពីរនាក់ (មិនយក​កូន​មក​ជា​មួយ​ទេ) នៅក្នុងប្រទេសស្ថិតក្នុង ទ្វីប​អាហ្វ្រិកខាងជើងនេះ រហូតរយៈពេលពីរសប្ដាហ៍។ ប៉ុន្តែ​«ក្ដី​សប្បាយ» ​បំណង​របស់​ក្រុមអ្នកទេសចរណ៍ ដែល​មាន​វត្តមាន នៅលើឆ្នេរទាំងអស់នោះ បានក្លាយ​ជា​សោកនាដកម្ម​ដ៏​ធំ​ធេង តែក្នុងរយៈពេល​ប៉ុន្មាន​នាទី​ប៉ុណ្ណោះ។

នាង សារ៉ា បានថ្លែងរៀបរាប់ករណីនេះ [...]

រហូតមកដល់ម៉ោងនេះ រដ្ឋាភិបាលកម្ពុជា នៅមិនទាន់មានប្រតិកម្មជាផ្លូវការ ឬចេញជាសេចក្ដីថ្លែង​ការណ៍​អ្វី​នៅ​ឡើយ ទាក់ទងនឹងការប៉ះទង្គិច វាយតប់គ្នា រវាងពលរដ្ឋកម្ពុជា និងវៀតណាម កាលពីថ្ងៃអាទិត្យ ទី២៨ ខែ​មិថុនា ឆ្នាំ២០១៥ ក្នុងចំណុចភូមិឆ្លក ឃុំត្នោត ស្រុកកំពង់រោទិ៍ ខេត្ត ស្វាយរៀង ខណៈពេលពលរដ្ឋកម្ពុជា ប្រមាណ​ជាង​១០០នាក់ បានប៉ុនប៉ង ចូលទៅមើលបង្គោលព្រំដែន លេខ២០៣។

ដើម្បីតបនឹងការរិះគន់ ដែលនិយាយថា រដ្ឋាភិបាលកម្ពុជា ហាក់ដូចជានៅស្ងៀមស្ងាត់ នៅចំពោះករណីនេះ លោក ផៃ ស៊ីផាន រដ្ឋលេខាធិការ និងជាអ្នកនាំពាក្យ ទីស្តីការគណរដ្ឋមន្រ្តី បានថ្លែងពន្យល់ថា រដ្ឋាភិបាល​បាន​ត្រៀមដំណោះស្រាយ ចំនួន៣រួចជាស្រេច។ លោកបានថ្លែងប្រាប់ទស្សនាវដ្ដីមនោរម្យ.អាំងហ្វូ នៅព្រឹកថ្ងៃ​ទី​២៩ ខែមិថុនា ឆ្នាំ២០១៥នេះ ថាដំណោះស្រាយទាំងបីនោះ រួមមាន៖

ទី១) កម្ពុជាមិនឲ្យបូរណៈភាពរាងកាយ របស់ប្រជាពលរដ្ឋខ្លួន ត្រូវបានទទួលការវាយដំ [...]

បន្ទាប់ពីហេតុការណ៍ប៉ះទង្គិច បានកើតឡើង កាលពីថ្ងៃអាទិត្យថ្ងៃទី២៨ ខែមិថុនា រហូតមកដល់ពេលនេះ រដ្ឋាភិបាលកម្ពុជា នៅមិនទាន់ចេញសេចក្តីថ្លែងការណ៍ ឬសេចក្ដីប្រតិកម្មអ្វីនៅឡើយ ដោយរង់ចាំការអង្កេត ពីហេតុការណ៍នេះជាមុនសិន។ ប៉ុន្តែយ៉ាងហោចណាស់ រដ្ឋាភិបាលកម្ពុជា បានសម្ដែងការសោកស្ដាយ ដោយ​សារហេតុការណ៍ នៃអំពើហិង្សានេះ បានកើតឡើង ដោយមិនបានយកច្បាប់ជាតិ និងអន្តរជាតិ មក​ដោះ​ស្រាយ តែបែរជាមាន ការប្រើនូវកម្លាំងបាយ បង្ករបួសស្នាមដូច្នេះ។

អ្នកនាំពាក្យទីស្តីការគណរដ្ឋមន្រ្តី លោក ផៃ ស៊ីផាន ក្នុងកិច្ចសម្ភាសជាមួយ ទស្សនាវដ្តីមនោរម្យ.អាំងហ្វូ នា​ព្រឹកថ្ងៃទី២៩ ខែមិថុនានេះ បានអះអាងថា រដ្ឋាភិបាលកម្ពុជានឹងបន្តធ្វើការសិក្សាស្រាវជ្រាវ ដើម្បីស្វែងរក​ដើម​ហេតុចំបង ដែលនាំឲ្យមានការប៉ះទង្គិចគ្នា រវាងប្រជាពលរដ្ឋនៃប្រទេសទាំងពីរ។ លោកបានឲ្យដឹងថា៖ «យើង​កំពុងតែតាមតានមើល ហើយស្វែងរកថា តើហេតុដូចម្តេចបានកើតរឿងហ្នឹង? ។ [...]