Posts in ‘គ្រប់អត្ថបទជាខេមរភាសា’ Category

រកបានគ្រាប់បាល់ដូចគ្នា នៅក្នុងការប្រកួតរវាងក្រុមទាំងពីរ គឺក្រុម អាសឺណល់ (Arsenal) និងក្រុម​ប៉ារីស​ហ្សាំងហ្សែរម៉ាំង (Paris Saint-Germain-PSG) ប៉ុន្តែក្រុមប៉ារីស បានដណ្ដើមចំណាត់ថ្នាក់លេខមួយ ពី​ក្រុម​អាសឺណល់ របស់អង់គ្លេស ដែលជាចំណាត់ថ្នាក់មួយ ត្រូវគេចាត់ទុកថា ងាយស្រួល​សម្រាប់​ឡើង​ទៅ​វគ្គ​បន្ត​បន្ទាប់​ទៀត។

នោះ ដោយសារតែលក្ខន្តិកៈ នៃការប្រកួតធំៗ នៅក្នុងក្របខណ្ឌ «Champions League» និង«Europa League» របស់សហព័ន្ធបាល់ទាត់អ៊ឺរ៉ុប បានចែង​រួចជាស្រេច ផ្ដល់អាទិភាព ទៅឲ្យ​ក្រុមណា​ដែល​រក​គ្រាប់​បាល់ នៅក្រៅផ្ទះខ្លួន បានច្រើនជាង។ នៅក្នុងការប្រកួតវគ្គ «ទៅ» កាលពីថ្ងៃទី១៣ ខែកញ្ញា គឺក្រុម​​ប៉ារីស​ជា​ម្ចាស់​ផ្ទះ បានទទួលក្រុមអាសឺណល់ ហើយទទួលបានពិន្ទុស្មើរដូចគ្នា តែក្រុមនីមួយៗ រកបាន​គ្រាប់​បាល់​ម្ខាងៗ បានតែ១គ្រាប់​ប៉ុណ្ណោះ។ ប៉ុន្តែ នៅក្នុងវគ្គ«មក» នាយប់ថ្ងៃទី២៣ ខែវិច្ឆិកានេះ ក្រុម​អាសឺណល់​ម្ចាស់​ផ្ទះ [...]

បន្ទាប់ពីការ​រៀបចំ ដែលប្រើរយៈពេល​បីឆ្នាំកន្លះនោះមក លោក ប៊េន ហូភើរ (Ben Hooper) ជាតិអង់គ្លេស​អាយុ​៣៨ឆ្នាំ បានហក់ប្រូងទៅក្នុងទឹកសមុទ្រ នៅចំពោះ​អ្នក​សារព័ត៌មាន​ច្រើន​នាក់ កាលពីព្រឹក​ថ្ងៃអាទិត្យ​ទី១៣ ខែ​វិច្ឆិកា​កន្លង​មក ដើម្បីឆ្លងមហាសមុទ្រអាត្លង់ទីក ដោយ«ការហែល»។ បុរស​ដ៏​ក្លាហាន នឹង​ត្រូវ​ហែល​​ទឹក​​សមុទ្រ ក្នុង​រយៈ​ចំងាយ​ប្រមាណជា ៣០២៧គីឡូម៉ែត្រ រវាងរដ្ឋធានី ដាកា នៃប្រទេសសេនេហ្គាល់ (ទ្វីប​អាហ្វ្រិក​ខាង​លិច) ឆ្ពោះ​ទៅ​កាន់​ឆ្នេរ​ខាងកើត នៃប្រទេសប្រេស៊ីល។

ការចេញដំណើរនេះ ទទួលការខកខាន​ជាច្រើនដងហើយ បើធៀបនឹងគម្រោង ដែលចង់ចេញដំណើរ នៅ​ថ្ងៃ​ទី១ ខែវិច្ឆិកា។ តែមកដល់ថ្ងៃទី២៣ ខែវិច្ឆិកា​នេះ លោក ប៊េន ហូភើរ បានហែលនៅក្នុងសមុទ្រ បាន​ចំងាយ​ប្រមាណ​ជា ៦០គីឡូម៉ែត្រហើយ។ នេះ បើតាមការឲ្យដឹង នៅលើគេហទំព័រ «Swim The Big Blue» [...]

បើទោះជាក្រុមជម្រើសជាតិ បូស្នៀ បានរកបានគ្រាប់បាល់ មួយគ្រាប់នាំមុខរួចហើយក៏ដោយ តែកីឡាករ​របស់​ក្រុមនេះ បែរជាទប់អារម្មណ៍របស់ខ្លួន មិនបានទៅវិញ ជាពិសេសភាពតានតឹង បានកើនឡើង​ដ៏​កំពូល នៅ​ក្នុង​រយៈពេល​១៥នាទី​ចុងក្រោយ។

ទំនងជាក្ដៅក្រហាយ ព្រោះត្រូវកីឡាករក្រិច ឈ្មោះ «Sokratis Papastathopoulos» ទាញឲ្យដួល ហើយត្រូវអាជ្ញា​កណ្ដាល​ឲ្យខ្លួន​ខុស​ទៀតនោះ កីឡាករប្រធាន​ក្រុម​បូស្នៀ ឈ្មោះ«Edin Dzeko»  បានប្រើការសងសឹងមួយដ៏ចម្លែក៖ នោះគឺការ​ចាប់​សម្រាត​ខោ របស់​កីឡាករ​គូ​ប្រជែង​របស់​ខ្លួន ឲ្យខាង​តែបាន រហូតធ្លាក់ដល់ជង្គង់ បង្ហាញ «ខោទ្រនាប់» នៅកណ្ដាលទីលានប្រកួត។

បន្ថែមពីលើនេះ កីឡាករ «Edin Dzeko» ដែលទាត់ឲ្យក្រុមអាជីព «AS Roma» របស់ប្រទេសអ៊ីតាលី បាន​ងើប​ឡើង ហើយបានច្រានខ្សែការពារក្រិច កីឡាករ «Sokratis Papastathopoulos» ឲ្យដួល​ទៅ​លើ​ដី​ម្ដង​វិញ។ សកម្មភាពទាំងនោះ បានកើតឡើងយ៉ាងហួសចិត្ត [...]

ថ្ងៃនោះ ក្នុងឆ្នាំ១៩៦២ ជាថ្ងៃបុណ្យខួបកំណើត របស់ប្រធានាធិបតីអាមេរិក លោក ចន កេណឺឌី (John Kennedy) ហើយកំពូលស្ត្រីស្អាត នាង ម៉ារីលីន មូនរ៉ូ (Marilyn Monroe) ត្រូវបានអញ្ជើញជាកិត្តិយស ដើម្បី​ឡើងច្រៀងចម្រៀងជូនពរ ក្នុងពិធីដ៏ធំ ដែលរៀបចំឡើង នៅក្រុងញ៉ូយក។ តារាដ៏ចិញ្ចាចចិញ្ចែង នៅ​ក្នុង​ទសវត្សន៍​ឆ្នាំ៦០រូបនេះ បានស្នើជាងកាត់ដេរ ជាតិបារាំងម្នាក់ឈ្មោះ «Jean Louis» ឲ្យកាត់សំពត់រ៉ូប​ដ៏​ពិសេស​មួយ ដើម្បីរុំខ្លួនប្រាណនាង សម្រាប់ឱកាសដ៏កម្រ នៃការចម្រើនវ័យ ៤០ឆ្នាំ របស់លោក ចន កេណឺឌី។

សំពត់រ៉ូប ដែលមានប៉ាក់ដោយដៃ នូវគ្រាប់ឌិនប្រមាណជា ២៥០០០គ្រាប់នោះ ជាការកាត់ដេរដ៏ពិសេស និង​ដោយផ្ទាល់ ធ្វើជាមួយដងខ្លួនរបស់នាង មូនរ៉ូ តែម្ដង។ នៅពេលនោះ នាង មូនរ៉ូ បានចំណាយ ទៅឲ្យ​ជាង​កាត់​ដេរ​បារាំង ក្នុងតម្លៃ១២ ០០០ដុល្លារអាមេរិក។ តែកាលពីសប្ដាហ៍មុន សំពត់រ៉ូបដ៏ចំណាស់ ត្រូវ​បាន​លក់​ដាច់ ក្នុង​តម្លៃ៤,៨លានដុល្លារ [...]

មានទំហំប្រហាក់ប្រហែល នឹងបាតុកម្មដែលបានកើតឡើង កាលពីចុង​ខែសីហា ឆ្នាំ២០១៥នោះដែរ ពលរដ្ឋ​ម៉ាឡេស៊ីច្រើនម៉ឺននាក់ បានត្រឡប់មកធ្វើការទាមទារ របស់ពួកគេឡើងវិញ ស្នើសុំឲ្យលោក ណាជីព រ៉ាហ្សាក់ (Najib Razak) ចុះចេញពីតំណែង ជានាយករដ្ឋមន្ត្រី។ ការចុះដើរតាមដងផ្លូវ ធ្វើបាតុកម្ម តាម​ការ​អំពាវនាវ​របស់​​ចលនាមួយ​ឈ្មោះ «Bersih» នោះ ថែមទាំងបានទាមទារ ឲ្យមានការ​កាត់​ទោស ទៅ​លើ​លោក ណាជីព នោះផងទៀត។

នាយករដ្ឋមន្ត្រីម៉ាឡេស៊ី លោក ណាជីព រ៉ាហ្សាក់ កំពុងរងការចោទប្រកាន់ ពីការជាប់ពាក់ព័ន្ធដ៏អាស្រូវ ថា​បាន​កេងបន្លំថវិកា នៅក្នុងក្រុមហ៊ុនរដ្ឋមួយឈ្មោះ «1 Malaysia Development Berhad (1MDB)» ដែល​បង្កើត​ឡើង​ដោយ​លោក ណាជីព ផ្ទាល់ បន្ទាប់ពីលោកបានឡើង​កាន់អំណាច ជាប្រមុខរដ្ឋាភិបាល របស់​រាជាណាចក្រ​សហព័ន្ធ​ម៉ាឡេស៊ី ក្នុងឆ្នាំ២០០៩។ រហូតមកដល់សព្វថ្ងៃ ក្រុមហ៊ុន​មានប្រាក់​​បំណុល​​របស់​ខ្លួន ច្រើន​ជាង​១០កោដដុល្លារ ខណៈលោក ណាជីព [...]