Posts in ‘អត្ថបទមានវីដេអូ’ Category

របបកុម្មុយនីសកូរ៉េខាងជើង បានផ្សាយវីដេអូឃោសនានេះ កាលពីថ្ងៃសៅរ៍ម្សិលម៉ិញ ដោយបានបង្ហាញ នៅ​នាទីចុងក្រោយបង្អស់ នូវការវាយប្រហារ«នុយក្លេអ៊ែរ» ទៅលើរដ្ឋធានីវ៉ាស៊ីនតោន និងបានគម្រាមប្រទេស ជាប់​ព្រំដែនខាងត្បូង​របស់ខ្លួន ពីការវាយប្រហារដោយគ្មានអាសូរមួយ តាមផ្លូវយោធា ក្រោមមូលហេតុថា ប្រទេស​ជា​សម្ព័ន្ធមិត្ត​ទាំងពីរនេះ តែងតែធ្វើការ​«លាបពណ៌» ទៅឲ្យមេដឹកនាំរបស់ខ្លួន លោក គីម ជុងអ៊ុន (Kim Jong-un)។

ជាមួយនឹងចំណងជើង «សំណាងចុងក្រោយ» វីដេអូដែលមានរយៈពេល៤នាទី និងដែលផ្សាយចេញ នៅលើ​គេហទំព័រឃោសនា ឈ្មោះ «DPRK Today» បានបង្កើតឈុតឆាក ដ៏ពិសេស៖ នោះគឺការបាញ់កាំជ្រួច​នុយក្លេអ៊ែរ ចេញពីនាវាមុជទឹកមួយ សំដៅកំទេចរដ្ឋធានី វ៉ាស៊ីនតោន ឲ្យក្លាយជាកំទេចផេះ ជាពិសេស​កាំជ្រួច​បាន​ធ្លាក់ នៅចំពីមុខវិមានរូបចម្លាក់ «Lincoln Memorial» ដែលសម្រាប់ឧទ្ទិសឲ្យប្រធានាធិបតី ទី១៦ របស់​អាមេរិក​តែ​ម្ដង។

បន្ទាប់មក គេឃើញសារមួយ [...]

កាលពីដើមសប្ដាហ៍នេះ ក្នុងខេត្ត «Xianyang Shaanxi» នៃប្រទេសចិន ទារកមួយរូប បានចេញ​ពីពោះ​ម្ដាយ ជាមួយនឹងបេះដូង នៅក្រៅខ្លួន។ វីដេអូខាងលើនេះ បង្ហាញឲ្យឃើញថា បេះដូងរបស់ទារក ដែលនៅ​ក្រៅ​ដើម​ទ្រូង កំពុងលោតភ្លិបភ្លែតៗ។

ការចាប់ទម្រង់ខុសធម្មតានេះ បណ្ដាលមកពីអាការៈរោគម្យ៉ាង ហៅតាមភាសាបារាំង «thoraco-abdominal (pentalogie de Cantrell)» ដែលធ្វើឲ្យបេះដូង មិននៅនឹងកន្លែងធម្មតា ដូចមនុស្សម្នាទូទៅ។ មិនត្រឹម​តែ​បេះដូង​ទេ តែទារក ដែលមានអាការៈរោគនេះ​នៅក្នុងខ្លួន អាចនឹងមាន​ការចាប់ទម្រង់ខុសប្រក្រតី នៅ​លើ​អវៈយវៈ​ផ្សេង​ទៀត។

បើតាមឯកសារ របស់អង្គការសុខភាពពិភពលោក បានអះអាងថា ទារកម្នាក់ ពីក្នុងចំណោមមួយលាន​នាក់​ក្នុង​លោក បានរងគ្រោះព្រោះជំងឺខាងលើ៕

បើតាមទូរទស្សន៍បារាំង «BFM TV» ដែលបានបង្កើតរូបភាព «3D» ពីសកម្មភាពធ្វើភេរវកម្ម នៅព្រលាន​យន្ដហោះ​អន្តរជាតិ «Zaventem» បានអះអាងថា ហេតុការណ៍បានកើតឡើង នៅមុនម៉ោង៨បន្តិច ក្នុង​ព្រឹក​ថ្ងៃ​អង្គារ។ បុរសទាំងបីនាក់ បានមកដល់ព្រលានយន្ដហោះ ក្នុងពេលជាមួយគ្នា។ បន្ទាប់ពីចុះ ពីរថយន្ដតាក់ស៊ី​រួច បុរសទាំងបីបានចូលទៅក្នុងសាលធំ ដែលមានបញ្ជរទទួលចុះឈ្មោះ​ របស់​អ្នកដំណើរចាកចេញ និង​ដែល​មាន​កាម៉េរ៉ា​សុវត្ថិភាព បានផ្តិតរូបភាពជាប់រហូត។

បន្ទាប់មក អ្នកទាំងបី​បានបំបែកជួរគ្នា។ ជនសង្ស័យឈ្មោះ «Ibrahim El Bakraoui» បានបំផ្ទុះគ្រាប់​បែក​នៅ​ជាប់​នឹងខ្លួន មុនគេ ក្នុងចំណោមមនុស្សជាច្រើននាក់ ផ្នែកខាងស្ដាំនៃសាល។ ៩វិនាទីក្រោយមក «Najim Laachraoui» បានបំផ្ទុះគ្រាប់បែកឡើងដែរ នៅផ្នែកខាងឆ្វេង នៃអាគារ។ ខណៈជនទីបី ដែលមានពាក់មួក បាន​ទុកចោល​ស្ប៉ោងខ្មៅ របស់ខ្លួន នៅនឹងកន្លែង ហើយបានរត់គេចខ្លួនចេញទៅ។ ស្ប៉ោងខ្មៅនេះ [...]