Posts in ‘អត្ថបទមានវីដេអូ’ Category

ជើងហោះហើរ «GE235» នៃក្រុមហ៊ុនអាកាសចរណ៍ តៃវ៉ាន់ ត្រេនអេសៀ បានធ្លាក់ផ្អៀងខ្លួន កាលពីថ្ងៃទី៤ ខែ​កុម្ភៈ នៅលើផ្ទៃទឹកស្ទឺងមួយ នៅបន្ទាប់ពីបានហោះចេញ ពីព្រលានយន្ដហោះ «Songshan» របស់ក្រុង​តៃប៉ិ ជា​មួយនឹងអ្នកដំណើរ ៥៣នាក់ បូករួមនឹងបុគ្គលិកលើយន្ដហោះ ៥នាក់។ គ្រោះថ្នាក់យន្ដហោះ​នេះ បាន​បន្សល់​ទុកមនុស្ស១៥នាក់ ឲ្យមានសំណាង នៅរស់រានមានជីវិត។

តាមការធ្វើកោសលវិច្ឆ័យ ទៅលើប្រអប់ខ្មៅ នៃយន្ដហោះប្រភេទ «ATR 72-600» ដែលប្រើកង្ហាវិល នៅ​សង​ខាងស្លាបនោះ បានឲ្យដឹងថា នៅប៉ុន្មានវិនាទីមុនហេតុការណ៍នេះ អ្នកបើកបរម្នាក់ បានស្រែកឡើងថា៖ «អូ... ខ្ញុំបានច្រឡំទាញ ចង្កឹះលេខខុស»។ នេះបើតាមរបាយការណ៍អង្កេត ចេញផ្សាយនៅថ្ងៃព្រហស្បត្តិ៍ របស់​ក្រុម​ប្រឹក្សាសន្តិសុខ នៃអាកាសចរណ៍ស៊ីវិល។

បើតាមក្រុមអ្នកស៊ើបអង្កេត បានឲ្យដឹងថា យន្ដហោះនោះ មានម៉ាស៊ីនតែមួយ ដែលនៅដំណើរការ តែត្រូវ​បាន​នរណា​ម្នាក់ចុចពន្លត់ ខណៈម៉ាស៊ីនមួយទៀត [...]

បន្ទាប់ពីសន្និសីទសារព័ត៌មានមួយ នាព្រឹកថ្ងៃទី២ ខែកក្កដា ឆ្នាំ២០១៥នេះ បង្ហាញពីផែនទីកំណត់ ព្រំដែន កម្ពុជា-វៀតណាម របស់កម្ពុជា ដែលបាននឹងកំពុងប្រើប្រាស់ ក្នុងការគូសវាសព្រំដែន នៃប្រទេសទាំងពីនោះ លោក វ៉ា កឹមហុង ប្រធានគណៈកម្មាធិការចម្រុះ កិច្ចការព្រំដែនកម្ពុជា បានជួបជជែកគ្នា ជាមួយលោក អ៊ុំ សំអាន តំណាងរាស្ត្រមណ្ឌលសៀមរាប មកពីគណបក្សសង្គ្រោះជាតិ អំពីបញ្ហាផែនទីនេះ ក្រោមក្រសែភ្នែក នៃអ្នកសារព័ត៌មានយ៉ាងច្រើន។

តំណាងរាស្ត្របក្សសង្គ្រោះជាតិ លោក អ៊ុំ សំអាន នៅតែមិនទទួលស្គាល់ផែនទី ដែលលោក វ៉ា គឹមហុង នោះ បង្ហាញដដែល ដោយលោកបានអះអាងថា ជាផែនទីនោះ មិនត្រឹមត្រូវ និងមិនមែនជាផែនទី ដែលបានតម្កល់ នៅអង្គការសហប្រជាជាតិនោះទេ។ លោក អ៊ុំ សំអាន បានរំលឹកកាលពីឆ្នាំ២០០០ មកវិញថា លោក វ៉ា គឹមហុង បានចូលក្នុងព្រះបរមរាជវាំង ដើម្បីជួបព្រះបរមរតនកោដ្ឋ សម្ដេចព្រះ នរោត្ដម សីហនុ។ តែនៅពេលនោះ សម្ដេច ​ព្រះនរោត្ដម សីហនុ [...]

ក្នុងថ្ងៃទី១ ខែកក្កដាម្សិលម៉ិញ លោក អ៊ុំ សំអាន តំណាងរាស្រ្តមកពីគណបក្សប្រឆាំង ត្រូវបានលោក ឈាង វុន ប្រធាន គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន មកពីគណបក្ស​ប្រជាជនកម្ពុជា បណ្តេញចេញពីបរិវេណរដ្ឋសភាជាតិ ដោយមិនអនុញ្ញាត ឲ្យឆ្លើយនឹងសំនួរ របស់អ្នក​សារព័ត៌មាន​ឡើយ បន្ទាប់ពីលោក បានបញ្ចប់កិច្ចប្រជុំពិភាកក្សា របស់គណកម្មការទី៣នៃរដ្ឋសភា ពីបញ្ហា​សេចក្តី​ព្រាង​ច្បាប់ ស្ដីពីសមាគម និងអង្គការក្រៅរដ្ឋាភិបាលរួចមក។

នៅព្រឹកថ្ងៃទី២ ខែកក្កដានេះទៀត លោកតំណាងរាស្ត្រដដែល ក៏ត្រូវបានសន្តិសុខ របស់ទីស្តីការគណៈរដ្ឋមន្រ្តី បណ្តេញចេញពីបរិវេននេះដូចគ្នា បន្ទាប់ពីសន្និសីទសារព័ត៌មាន របស់លោក វ៉ា គឹមហុង ស្តីពីបញ្ហាព្រំដែន​កម្ពុជា-វៀតណាម ត្រូវបានបញ្ចប់។ ប៉ុន្តែនៅព្រឹកនេះ មិនមែនមានតែលោក អ៊ុំ សំអាន តំណាងរាស្រ្តមណ្ឌល​សៀមរាប តែម្នាក់ទេ តែនៅមានលោក រៀល ខេមរិន្ទ្រ តំណាងរាស្ត្រ [...]