បវរកញ្ញាបារាំងឆ្នាំ២០១៦ បានទៅលើយុវតីនៅភាគខាងជើងជាថ្មី
យុវតីដ៏ស្រស់ស្អាត អាយុ២២ឆ្នាំ ដែលជាបវរកញ្ញាប្រចាំឲ្យតំបន់ «Nord-Pas-de-Calais» កញ្ញា អ៊ីរីស មីតេណេរ៉េ ត្រូវបានជ្រើសជាប់ ជាបវរកញ្ញាបារាំង ប្រចាំឆ្នាំ២០១៦ នៅក្នុងការប្រកួតរាជនីសម្ផស្ស កាលពីយប់ថ្ងៃសៅរ៍ ទី១៩ ខែធ្នូ ឆ្នាំ២០១៥ កន្លងមកនេះ នៅទីក្រុង លីល្ស៍។
កញ្ញា អ៊ីរីស ត្រូវបានប្រកាស ឲ្យជាប់ស្នងតំណែង ពីកញ្ញា កាមី សែរហ្វ៍ បវរកញ្ញាឆ្នាំមុន ដែលមកពីតំបន់ ភាគខាងជើងប្រទេសបារាំងដូចគ្នា បង្កការខកចិត្តមិនស្ទើ ទៅបវរកញ្ញាមកពីកោះ «Martinique» (ជាប់ជាបវរកញ្ញាអមទី១) និងបវរកញ្ញា មកពីកោះ «Tahiti» (ជាប់ជាបវរកញ្ញាអមទី២)។ បវរកញ្ញា ដែលមកពីតំបន់ «Provence» និងពីកោះ «Réunion» ទទួលបានចំណាត់ថ្នាក់ ជាបវរកញ្ញាអម លេខ៣ និងលេខ៤។
កញ្ញា អ៊ីរីស ដែលមានសក់ពណ៌មាស កំពស់ ១,៧២ម៉ែត្រ និងជានិស្សិតឆ្នាំទី៥ខាងទន្ដសាស្ត្រ ត្រូវបានចម្រាញ់ចេញ ពីបេក្ខនារីដែលអាយុពី១៨ ដល់២៤ឆ្នាំ មកពីតំបន់ចំនួន ៣១ [...]
