Posts in ‘សម្រាំងជាខេមរភាសា’ Category

មនុស្សច្រើនជាង ១៥០នាក់ បានរងគ្រោះដល់បាត់បង់ជីវិត តាំងពីខែកញ្ញាឆ្នាំ២០១៣នេះមក នៅក្នុងព្រឹត្តិការណ៍​គ្រោះ​ទឹកជំនន់ នៅក្នុងតំបន់អាស៊ីផ្នែកអាគ្នេយ៍ ជាពិសេសនៅប្រទេសកម្ពុជា ថៃ និងប្រទេសវៀតណាម។ នេះបើតាម​របាយការណ៍ផ្លូវការបានផ្សាយឲ្យដឹង នៅថ្ងៃចន្ទទី០៧ខែតុលានេះ។

ទឹកជំនន់ឡើងដល់រនាបផ្ទះ៖ សង្ឃឹមថាមិនមានរលកមកទេ ! (រូបថត REUTERS/Erik de Castro)

រាជធានីភ្នំពេញ - នៅប្រទេសកម្ពុជា តុល្យភាពចុងក្រោយ បានផ្សាយឲ្យដឹងថា ប្រទេសនេះមានចំនួនជនរងគ្រោះ​ច្រើន​ជាងគេ រហូតដល់ទៅ៨៣នាក់ដែលបានស្លាប់ ក្នុងនោះអ្នកស្លាប់ជាកុមារមានចំនួនជិតពាក់កណ្ដាល។ របាយការណ៍​ក៏​បាននិយាយដែរថា មនុស្សច្រើនជាង១០ពាន់គ្រួសារ ត្រូវបានជម្លៀសចេញទៅរកទីទួលសុវត្ថិភាព។

គិតពីក្រោយថ្ងៃបោះឆ្នោតទី២៨ ខែកក្កដា រហូតមកដល់ថ្ងៃទី០៧ ខែតុលា ឆ្នាំ២០១៣ពេលនេះ ក្រុមមន្រ្តីរបស់គណបក្ស​ប្រជាជនកម្ពុជា និង​គណបក្សសង្រ្គោះជាតិបានជួបចរចាជាមួយគ្នា ចាប់ពីកំរិតទាបរហូតដល់កំរិតកំពូល យ៉ាងហោច​​ក៏​៥លើកដែរ តែគណបក្ស​ទាំងពីរនៅតែ មិនទាន់អាចបង្ហាញសញ្ញាវិជ្ជមានណាមួយ ដើម្បីទម្លាយភាពទាល់ច្រកនយោបាយ​នៅឡើយទេ ខណៈគណបក្សទាំងពីរនៅតែប្រកាន់គោលជំហរ«បញ្ច្រាស»គ្នា តែរៀងខ្លួននោះ។

ក្រុមអ្នកគាំទ្រគណបក្សសង្គ្រោះជាតិ នៅទីលានប្រជាធិបតេយ្យ កាលពីថ្ងៃទី០៦ខែសីហាឆ្នាំ២០១៣។ (រូបថត MONOROOM.nfo/ U. Bory)

រាជធានីភ្នំពេញ - ក្នុងពិធីសមាជរបស់គណបក្សសង្រ្គោះជាតិថ្ងៃទី៦ ខែតុលា ឆ្នាំ២០១៣ នៅទីលានប្រជាធិបតេយ្យ លោក កឹម សុខា អនុប្រធាន​គណបក្ស​ បានថ្លែងទៅកាន់អ្នកគាំទ្រថា បើទោះជារដ្ឋាភិបាល [...]

ទឹកជំនន់នៅក្នុងប្រទេសកម្ពុជា បានថមថយឥទ្ធិពលរបស់ខ្លួន នៅថ្ងៃសៅរ័៍ទី០៥ខែតុលានេះ ក្នុងតំបន់ជាច្រើន​ដែល​រង​ការប៉ះពាល់ បន្ទាប់ពីបានបង្កឲ្យមនុស្សរងគ្រោះដល់ជីវិត រហូតដល់៣៩នាក់ ក្នុងសប្ដាហ៍កន្លងមក។ នេះជាការថ្លែង​ឲ្យ​ដឹងរបស់ គណកម្មាធិការជាតិគ្រប់គ្រងគ្រោះមហន្តរាយ ហៅកាត់តាមភាសាអង់គ្លេសថា NDCM។

ទឹកជំនន់ល្ហាចល្ហឹម នៅតាមបណ្ដោយផ្លូវជាតិលេខ៦ ឆ្ពោះទៅកាន់ខេត្តកំពង់ចាម នៅថ្ងៃទី០៣ខែតុលា ឆ្នាំ២០១៣។ (រូបថត MONOROOM.info/ O. Vary)

រាជធានីភ្នំពេញ - ទីភ្នាក់ងារព័ត៌មានចិន ស៊ីនហួ (Xinhua) បានធ្វើរបាយការណ៍ ដោយបានស្រង់សម្ដីអ្នកនាំពាក្យ​នៃ​គណកម្មាធិការ លោក កែវ វី មកបញ្ជាក់ថា «ស្ថានភាពបានប្រសើរជាងមុនហើយឥឡូវនេះ កម្រិតកំពស់ទឹក បានថយ​ចុះនៅក្នុងតំបន់ជាច្រើន [...]