ស្លាប់ម្នាក់ របួស៤នាក់ ព្រោះកាំជ្រួចអបអរខួប១០ឆ្នាំ នៃការគ្រងរាជ្យរបស់ព្រះមហាក្សត្រ
ក្ដីអំណរក្នុងថ្ងៃអបអរសាទរ ខួបមួយទសវត្សរ៍ នៃការឡើងគ្រងរាជ្យរបស់ព្រះមហាក្សត្រ ព្រះបាទព្រះបរមនាថ នរោត្ដម សីហមុនី មិនបានបញ្ចប់ទៅ ដូចការគ្រោងទុក ជាមួយនឹងកាំជ្រួចជ្វាលា ដ៏សប្បាយរីករាយនោះទេ។ ប៉ុន្តែគឺកម្មវិធីបាញ់កាំជ្រួច អបអរសារទនេះហើយ ដែលបានផ្ដាច់ជីវិតមនុស្សម្នាក់ និងធ្វើឲ្យរបួសមនុស្ស៤នាក់ទៀត ខណៈពួកគេបានទៅឈរមើលការបាញ់កាំជ្រួចនេះ នៅលើទីតាំងត្រើយម្ខាង នៃទន្លេសាប ខាងមុខព្រះបរមរាជវាំង។
ប្រភពនៅនឹងកន្លែង បានឲ្យដឹងថា គ្រោះថ្នាក់ដ៏អាណោចអាធម បានកើតឡើង ដោយសារកាំជ្រួចដែលបានបាញ់ខុសបច្ចេកទេស បានហោះមកផ្ទុះនៅក្នុងចំណោមហ្វូងមនុស្ស វេលាម៉ោងប្រមាណជា ៧ និង១៥នាទី យប់ថ្ងៃទី២៩ ខែតុលានេះ។ តាមការផ្ទៀងផ្ទាត់អត្តសញ្ញាណ បានឲ្យដឹងថា យុវជនជាជនរងគ្រោះ មានឈ្មោះ ណាគ្រី ដារ៉ូ អាយុ២៣ឆ្នាំ [...]