ទ្រង់ រណឫទ្ធិ វិលមក ហ៊្វុនស៊ីនប៉ិច វិញ ជាជំរើសដ៏ត្រឹមត្រូវ?
ចម្រៀង «ទៅហើយមកវិញៗ ដោយសារតែបង» ដូចជាមិនសូវខុស ពីចរិករបស់អ្នកនយោបាយខ្មែរប៉ុន្មានទេ។ ហើយបើគេនិយាយពីព្រះអង្គម្ចាស់ នរោត្តម រណឬទ្ធិ ក៏កាន់តែដូចណាស់ទៅទៀត។ បន្ទាប់ពីយាងចេញពីគណបក្សរាជានិយមហ្វុនស៊ិនប៉ិច ព្រះអង្គម្ចាស់បានទៅដឹកនាំគណបក្សខ្លួនឯង និងក្រោយមកបានប្រកាសដកខ្លួន ចេញពីនយោបាយ។ល។ ប៉ុន្តែនៅទីបំផុត ឆ្នាំងបាយចាស់របស់ទ្រង់ ដែលព្រះអង្គបានចាកចោលអស់រយៈពេល៨ឆ្នាំ ទំនងជានៅតែដាំបាយ មានរសជាតិឆ្ងាញ់ដដែល។ នោះគឺព្រះអង្គ បានសម្រេចព្រះទ័យ មកយាងដឹកនាំគណបក្សហ៊្វុនស៊ិនប៉ិចវិញ បន្ទាប់ពីបានឆ្លើយឆ្លងសំបុត្រ ជាមួយព្រះអង្គម្ចាស់ក្សត្រី នរោត្តម អារុណរស្មី ដែលជាព្រះប្រធានគណបក្សហ្វុនស៊ីនប៉ិច រួចមក។
អតីតនាយខុទ្ទកាល័យរបស់ព្រះអង្គម្ចាស់ លោក នរាណាឫទ្ធិ [...]