Posts in ‘សម្រាំងជាខេមរភាសា’ Category

ហេតុការណ៍នេះ បានបង្ករការភ្ញាក់ផ្អើល នៅព្រឹកថ្ងៃទី១៣ ខែឧសភា ឆ្នាំ២០១៥ នៅក្នុងបរិវេណផ្សារនាគមាស ក្នុង​សង្កាត់​ផ្សារដើមគរ ខណ្ឌទួលគោក រាជធានីភ្នំពេញ។ សាក្សីដែលនៅក្នុងហេតុការណ៍ បានចង្អុលទៅក្រុមសន្តិសុខមួយក្រុម ថា បានព្រួតគ្នាបង្ករបញ្ហា ជាមួយអ្នករត់រីម៉កកង់បី ដឹកបន្លែ និងអ្នកអូសរទេះ ដឹកបន្លែនៅផ្សារខាងលើ។ សាក្សីទាំងនោះ បាន​បញ្ជាក់ទៀតថា មានអ្នករងរបួស ប្រមាណជា៥នាក់ ត្រូវបញ្ជូនទៅមន្ទីពេទ្យ និងមានការខូចខាតសម្ភារៈ មួយចំនួនទៀត។

អ្នករងគ្រោះម្នាក់ ក្នុងចំណោមអ្នករងរបួសធ្ងន់ ៤នាក់ លោក ដូង ពិសី មកពីស្រុកស្អាង ខេត្តកណ្តាល បានប្រាប់​ទស្សនាវដ្ដី​មនោរម្យ.អាំងហ្វូថា ដំបូងឡើយ សន្តិសុខឈ្មោះហៅក្រៅថា ០៧ បានស្រែកខ្លាំងៗ ដាក់លោក និងអ្នកម្ចាស់រឺម៉កដ៏ទៃថា ឲ្យចេញពីកន្លែង ដែលពួកលោក ធ្លាប់ទុកយាន្ដកង់បីរបស់ខ្លួន ជារៀងរាល់ថ្ងៃ។ ដោយការបញ្ជា គ្មានហេតុផល​ច្បាស់​លាស់ លោកមិនបានចេញទេ តែបន្តិចក្រោយមក [...]

ក្នុងរយៈពេលជាង១០ឆ្នាំមកនេះ បណ្តឹងតវ៉ានានា របស់តំណាងប្រជាពលរដ្ឋ ចេះតែមានជាបន្តបន្ទាប់ តែក៏មានពាក្យ​បណ្ដឹង​ខ្លះ នៅមិនទាន់រកបាន ចំណាត់ការណាមួយ ឲ្យមានភាពច្បាស់លាស់នៅឡើយ ពីក្រសួងមហាផ្ទៃ។ ដូចជា​ករណី​ពាក្យបណ្តឹង ចុះថ្ងៃទី៥ ខែឧសភា របស់ប្រជាពលរដ្ឋ មកពី ឃុំបឹងប្រាំ ស្រុកបវេល ខេត្តបាត់ដំបង នេះជាដើម ដែល​គ្រាន់​តែ បានទទួលពាក្យ ពីក្រសួងមហាផ្ទៃ មកវិញថា៖ «ដោយពិនិត្យឃើញថា ស្ថិតក្នុងសមត្ថកិច្ចដោះស្រាយ របស់​អាជ្ញាធរ​មូលដ្ឋាន ដូច្នេះក្រសួងមហាផ្ទៃ សូមបង្វែរជូនឯកឧត្តមអភិបាល ដើម្បីពិនិត្យ និងដោះស្រាយ ជាសមត្ថកិច្ច។»

ពាក្យបណ្តឹងនេះ ត្រូវបានទទួលយក ដោយលោក ខៀវ សុភ័ក អគ្គលេខាធិការ នៃក្រសួងមហាផ្ទៃ កាលពីថ្ងៃទី៥ ខែឧសភា តាមបញ្ជារបស់រដ្ឋមន្រ្តីមហាផ្ទៃ លោក ស ខេង (បើយោងតាមលិខិត ចុះថ្ងៃទី២៣ ខែមីនា)។ក្នុងពាក្យបណ្ដឹង របស់​ពលរដ្ឋ​ទាំង២៥៥គ្រួសារ ដែលបានប្តឹងពីមេឃុំបឹងប្រាំ និងមេភូមិចំនួនប្រាំពីរនាក់ [...]

នាយប៉ុស្តិ៍នគរបាលអន្តោរប្រវេសន៍ ច្រកទ្វាអន្តរជាតិប៉ោយប៉ែត លោក ស៊ីម សំអាត បានថ្លែងបដិសេធ ការជំរិតទារប្រាក់ ពីសំណាក់មន្ត្រីនគរបាលអន្តោរប្រវេសន៍ ទៅលើពលរដ្ឋអ្នកធ្វើការ រកទទួលទាន នៅនឹងច្រកព្រំដែន កម្ពុជា-ថៃ មួយ​នេះ។

សេចក្ដីបដិសេធ របស់លោកនាយនគរបាល បានធ្វើឡើង បន្ទាប់ពីពលរដ្ឋជាច្រើននាក់ ដែលជាអ្នករស់នៅ ឬអ្នករក​ទទួល​ទាន តាមច្រកទ្វារ ប៉ោយប៉ែត បានរអ៊ូរទាំឡើងថា មន្ត្រីនគរបាលអន្តោរប្រវេសន៍ មួយចំនួន បានធ្វើការជំរិត ទារប្រាក់ពី​ពួក​គាត់​ជា​ញឹកញាប់ ជាពិសេស នៅរៀងរាល់ពេល ដែលពួកគាត់ធ្វើប័ណ្ណ សម្រាប់ចេញចូលទឹកដីថៃនោះជាដើម។

ពលរដ្ឋទាំងនោះ បានអះអាងថា ការទាមទារឲ្យបង់ប្រាក់នេះ មានធ្វើតែភាគីមន្ត្រីអន្តោប្រវេសខ្មែរប៉ុណ្ណោះ តែនៅខាង​ភាគីថៃវិញ មិនមានឃើញទារឲ្យបង់ប្រាក់អ្វីទេ។

លោក ប្រុស រស់នៅខេត្តបន្ទាយមានជ័យ ដែលទើបនឹងបង់លុយ ឲ្យមន្ត្រីខ្មែររួចនោះ [...]

ជីវិតជាតារាកុនកូនជ្រូក នៅទ្វីបអាស៊ីខាងកើត ពិតជាមិនធម្មតាទេ។ នាង រ៉ូឡា មីសាគី អាយុ២២ឆ្នាំ ដែលមានឈ្មោះល្បី នៅប្រទេសចិន និងជប៉ុន ខាងរួមរ័ក្សលុះក្ស័យ យ៉ាងត្រេកត្រអាល នៅក្នុងកុនកូនជ្រូកជាច្រើននោះ នឹង​ក្លាយជា​«ជំនួយ​ការ​ផ្ទាល់ខ្លួន» របស់មហាសេដ្ឋីមួយរូប សម្រាប់រយៈពេល១៥ឆ្នាំ ជាថ្នូរនឹងទឹកប្រាក់ ១ពាន់លានយ័ន ដែលត្រូវជា ៨លាន​ដុល្លា​អាមេរិក។ ថៅកែថ្មីរបស់នាងម្នាក់នេះ ក៏នឹងជួយធ្វើយ៉ាងណា ឲ្យអាជីពរបស់តារាស្រី មានភាពជឿនលឿន រីកដុះ​ដាល​ទៅមុខដែរ។

តារាកូនកាត់ ជប៉ុន-រ៉ូស្សី នាង រ៉ូឡា នឹងត្រូវបោះបង់ចោល ពិភពកុនកូនជ្រូក ដែលនាងបានចូលប្រឡូក តាំងពីឆ្នាំ២០១២ និង​បានសាងភាពល្បីល្បាញរបស់ខ្លួន យ៉ាងខ្លាំងក្លា ពីពេលនោះមក នៅក្នុងចំណោមបណ្ដាជនចិន និងជប៉ុន។ នាងត្រូវ​បាន​គេ​ស្គាល់ នៅក្នុងឈ្មោះមួយទៀតដែរ គឺ  តាគីហ្សាវ៉ា រ៉ូឡា (Takizawa Rola)។ អ្នកកាសែតចិនម្នាក់ បានថ្លែងឡើងថា៖ «ប្រសិនជា​លោកអ្នក [...]