ជនរងគ្រោះនឹងវិបត្តិដីធ្លីពីឆ្នាំ២០១៤ បន្ថែមបន្ទុកថ្មីសម្រាប់ ICC
បើទោះជាករណី នៃការដាក់ពាក្យបណ្ដឹង ទៅកាន់សាលាក្ដីព្រហ្មទណ្ឌអន្តរជាតិ ដូចជាត្រូវបានគេបំភ្លេចចោលជាអន្លឺ ដោយបញ្ហាផ្សេងទៀត ដូចជាបញ្ហាព្រំដែន កម្ពុជា-វៀតណាម ជាដើមនោះ តែសម្រាប់លោកមេធាវី រីឆារដ៍ រ៉ូជ័រ (Richard J. Rogers) មិនបានភ្លេច«ភារកិច្ច»របស់លោក ក្នុងការនាំបណ្ដឹង ប្រឆាំងនឹងក្រុមមនុស្ស ដែលស្និតនឹងរបបដឹកនាំ របស់លោកនាយករដ្ឋមន្ត្រី ហ៊ុន សែន សព្វថ្ងៃ ឡើងទៅតុលាការអន្តរជាតិ មួយនេះឡើយ។
ក្នុងនាមលោក តំណាងឲ្យជនរងគ្រោះ និងជាដៃគូរបស់សមាគម «Global Diligence (ដែលធ្វើការមិនគិតកម្រៃ ផ្នែកយុត្តិធម៌ មានទីស្នាក់ការធំ នៅក្នុងរាជធានីឡុងដ៍ ចក្រភពអង់គ្លេស)» លោកមេធាវីបានបន្ថែម ភស្តុតាងថ្មីៗបន្ថែមទៀត បញ្ជូនទៅឲ្យអ្នកស្រី អន្តររដ្ឋអាជ្ញា នៃតុលាការព្រហ្មទណ្ឌអន្តរជាតិ កាលពីថ្ងៃព្រហស្បត្តិ៍សប្ដាហ៍មុន។ នេះជាការអះអាង នៅក្នុងសេចក្ដីប្រកាសព័ត៌មានមួយ របស់សហព័ន្ធសិទ្ធិមនុស្សអន្តរជាតិ (FIDH) [...]
