Posts in ‘សម្រាំងជាខេមរភាសា’ Category

«ខ្ញុំមិនដឹងទេ។ មិនដឹងថា ត្រូវទៅនៅឬអត់ទេ មិនដឹងថានៅបាន ឬយ៉ាងណាទេ។ ខ្ញុំមានកូនចៅមើលថែរ ប្រហែល​ជាគេមិនទទួល ឬយ៉ាងណាទេ។ ប្រហែលជាគេទទួល តែអ្នកគ្មានទីពឹងហើយមើលទៅ។ ខ្ញុំមិនដឹង​ច្បាស់ទេក្មួយ។» នេះជាការអះអាង របស់លោកតាម្នាក់ ជាប្រជាពលរដ្ឋ ដែលមានទីលំនៅ ក្បែរមន្ទីរពេទ្យ​រ៉ូស្ស៊ី តបនឹងសំនួរ របស់ទស្សនាវដ្តីមនោរម្យ.អាំងហ្វូ ដែលសួរថា តើលោកតាបានដឹង និងចង់ទៅស្នាក់នៅ ក្នុង​មជ្ឈ​មណ្ឌលព្រះសីហនុរាជ ដែលជាមជ្ឈមណ្ឌល ថែទាំមនុស្សចាស់ដំបូងគេ នៅកម្ពុជានេះឬទេ?

កាលពីព្រឹកថ្ងៃទី៦ ខែសីហា ឆ្នាំ២០១៥នេះ មជ្ឈមណ្ឌលទីមួយ នៅកម្ពុជា ដែលទទួលថែទាំមនុស្សចាស់ ត្រូវ​បានសម្ភោធ និងដាក់ឲ្យប្រើប្រាស់ ក្រោមព្រះរាជាអធិបតី នៃព្រះរាជវត្តមាន នៃអង្គព្រះមហាក្សត្រកម្ពុជា និង​សម្តេចម៉ែ។ អមព្រះរាជដំណើរ ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ​កម្ពុជា និងព្រះរាជមាតាព្រះអង្គ [...]

រឿង សាសា អតីតតារាទូរទស្សន៍ ដែលរងការវាយតប់ ពីឧកញ៉ា សុខ ប៊ុន អាចមានតភាគទៅ វែងឆ្ងាយទៀត ជាពិសេសនៅជុំវិញព័ត៌មាន គ្រោះថ្នាក់ចរាចរណ៍ ដែលសារព័ត៌មាននៅក្នុងស្រុក បានផ្សាយថា បង្កឡើង​ដោយ​អតីតតារាទូរទស្សន៍ ក្នុងសភាពស្រវឹងជោគប្រាណ កាលពីថ្ងៃទី០២ ខែសីហា ឆ្នាំ២០១៥។ បន្ទាប់ពី​ថ្ងៃ​គ្រោះថ្នាក់នោះមួយថ្ងៃ កញ្ញា សាសា តារាដែលនៅ​មិនទាន់មានកន្លែងរះ តែល្បីដោយសាររឿងវាយតប់ ពី​សំណាក់លោកឧកញ៉ា សុខ ប៊ុន នោះ បានបដិសេធព័ត៌មាននេះ ដោយព្រមានអ្នកកាសែត របស់​សារព័ត៌មាន​«កម្ពុជាថ្មី» ថានឹងមក«សួរសុខទុក្ខ» ដល់ការិយាល័យ។ ប៉ុន្តែអត្ថបទថ្មីមួយ របស់សារព័ត៌មាននេះ បាន​បញ្ឆេះ​ភ្លើង ដែលជិតរលត់ទៅហើយ ឲ្យកម្រើកឆេះឡើងវិញ។

អត្ថបទចេញផ្សាយ របស់«កម្ពុជាថ្មី» កាលពីថ្ងៃទី៦ ខែសីហា ដែលមានចំណងជើង «រឿង​គ្រោះថ្នាក់​​ចរាចរណ៍​ របស់​កញ្ញា​ សា​សា កំពុង​ក្លាយ​ជា​ប្រធានបទ​ដ៏​ក្ដៅ​គគុក» បានបន្ថែមរឿងលំអិត​ជាច្រើនទៀត ទាក់ទងនឹង​«ជន​ស្រវឹង» [...]

ភ្លាមៗ បន្ទាប់ពីទទួលបានលិខិតអះអាង របស់លោកអគ្គលេខាធិការ របស់អង្គការសហប្រជាជាតិ ថាបាន​សម្រេច ឲ្យកម្ពុជាខ្ចីផែនទីមួយចំនួននោះ លោក ហ៊ុន សែន នាយករដ្ឋមន្ត្រីកម្ពុជា បានសម្រេចបង្កើត គណៈ​កម្មការចំពោះកិច្ចមួយ «សម្រាប់សម្រប​សម្រួល ការងារទទួល ប្រគល់ និងផ្ទៀងផ្ទាត់ផែនទី» នោះទៀតផង។

គណៈកម្មការចំពោះកិច្ច ដែលត្រូវបានបង្កើតឡើង ក្នុងយប់ថ្ងៃ ០៦ ខែសីហា ឆ្នាំ២០១៥នេះ មានឧបនាយក​រដ្ឋមន្រ្តី លោក ហោ ណាំហុង រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ ជាប្រធាន, លោក វ៉ា គឹមហុង ទេសរដ្ឋមន្រ្តី ទទួលបន្ទុកកិច្ចការព្រំដែន និង លោក អ៉ឹម ឈុនលឹម ទេសរដ្ឋមន្រ្តី ក្រសួង​រៀបចំ​ដែនដី ជាអនុប្រធាន ព្រមទាំងមន្រ្តីរដ្ឋាភិបាល មួយចំនួនទៀត ជាសមាជិក៕