Posts in ‘ពីនេះពីនោះ’ Category

ថ្ងៃនោះ ក្នុងឆ្នាំ១៩៦២ ជាថ្ងៃបុណ្យខួបកំណើត របស់ប្រធានាធិបតីអាមេរិក លោក ចន កេណឺឌី (John Kennedy) ហើយកំពូលស្ត្រីស្អាត នាង ម៉ារីលីន មូនរ៉ូ (Marilyn Monroe) ត្រូវបានអញ្ជើញជាកិត្តិយស ដើម្បី​ឡើងច្រៀងចម្រៀងជូនពរ ក្នុងពិធីដ៏ធំ ដែលរៀបចំឡើង នៅក្រុងញ៉ូយក។ តារាដ៏ចិញ្ចាចចិញ្ចែង នៅ​ក្នុង​ទសវត្សន៍​ឆ្នាំ៦០រូបនេះ បានស្នើជាងកាត់ដេរ ជាតិបារាំងម្នាក់ឈ្មោះ «Jean Louis» ឲ្យកាត់សំពត់រ៉ូប​ដ៏​ពិសេស​មួយ ដើម្បីរុំខ្លួនប្រាណនាង សម្រាប់ឱកាសដ៏កម្រ នៃការចម្រើនវ័យ ៤០ឆ្នាំ របស់លោក ចន កេណឺឌី។

សំពត់រ៉ូប ដែលមានប៉ាក់ដោយដៃ នូវគ្រាប់ឌិនប្រមាណជា ២៥០០០គ្រាប់នោះ ជាការកាត់ដេរដ៏ពិសេស និង​ដោយផ្ទាល់ ធ្វើជាមួយដងខ្លួនរបស់នាង មូនរ៉ូ តែម្ដង។ នៅពេលនោះ នាង មូនរ៉ូ បានចំណាយ ទៅឲ្យ​ជាង​កាត់​ដេរ​បារាំង ក្នុងតម្លៃ១២ ០០០ដុល្លារអាមេរិក។ តែកាលពីសប្ដាហ៍មុន សំពត់រ៉ូបដ៏ចំណាស់ ត្រូវ​បាន​លក់​ដាច់ ក្នុង​តម្លៃ៤,៨លានដុល្លារ [...]

បុគ្គលិកមួយរូប របស់ស្ថាប័នជាតិ «រូបិយវត្ថុ» របស់ប្រទេសកាណាដា ត្រូវបានតុលាការក្រុង «Ottawa» រក​ឃើញ​កាល​ពីថ្ងៃពុធ​សប្ដាហ៍មុន ថាមានទោស ពីបទ«លួចមាស» របស់ស្ថាប័នរបស់ខ្លួន។ បុគ្គលិកម្នាក់នេះ ជា​បុរស​ស្បែក​ខ្មៅឈ្មោះ «Lester Lawrence»។ រវាងពីខែវិច្ឆិកា ឆ្នាំ២០១៤ មកទល់នឹងខែមិនា ឆ្នាំ២០១៥ លោក «Lester Lawrence» បានលួចមាស​មានតម្លៃ​ជា​ទឹក​ប្រាក់ ប្រមាណជា១៨០ ០០០ដុល្លារ។

វិធីសាស្ត្រលួចមាស ដ៏អស្ចារ្យ!

នៅក្នុងរយៈពេលនោះ លោក «Lester Lawrence» អាយុ៣៥ឆ្នាំ តែងធ្វើការតែឯង នៅក្នុងរោងជាង​ចម្រាញ់​មាស ដែលដាក់ក្រោម​ការត្រួតពិនិត្យ ផ្នែកសន្តិសុខ​ដ៏ខ្ពស់បំផុត។ សឹងជារៀងរាល់ថ្ងៃ បុរសរូបនេះ តែង​លួច​មាស​​ដាក់​ក្នុង​ខ្លួន​ចំនួន ២១០ក្រាម យក​ចេញ​ទៅ។ អ្នកស៊ើបអង្កេតបានរកឃើញ ស្រោមដៃធ្វើ​ពី​សារជាតិ​​ជ័រទន់ជាច្រើន និង​​ប្រេង​រំអិល នៅក្នុងទូ ដាក់សម្ភារៈបុគ្គលិក​ផ្ទាល់ខ្លួន របស់លោក «Lester [...]

អ្នកដែលបានចូលទៅទស្សនា កសិដ្ឋាន «Campbellsville» ដែលស្ថិតក្នុងរដ្ឋ «Kentucky (ភាគខាងកើត-​កណ្ដាល នៃសហរដ្ឋអាមេរិក)» ប្រាកដជាភ្ញាក់ផ្អើលមិនតិចទេ នៅពេលដែលពួកគេ បានឃើញផ្ទាល់​នឹង​ភ្នែក នូវសត្វកូនគោមួយក្បាល ដែលមានក្បាលពីរ និងដែលទើបនឹងកើត ឃើញពន្លឺថ្ងៃ នៅចុងខែកន្លងទៅ។ លោក ស្តេន ម៉ាកឃុប៊ិន (Stan McCubbin) ម្ចាស់កសិដ្ឋានខាងលើ បានរៀបរាប់ប្រាប់តាមទូរទស្សន៍ «WDRB» ឲ្យ​ដឹង​ថា ដំបូងឡើយ អារម្មណ៍លោក​បានរង់ចាំកូនគោភ្លោះ ដែលនឹងកើតចេញ ពីផ្ទៃម្ដាយរបស់វា។

នៅថ្ងៃដែលមេគោឆ្លងទន្លេនោះ លោក ស្ដេន បានចូលរួមជួយបង្កើតកូននេះ ដោយផ្ទាល់។ លោកបាន​ថ្លែង​ឡើង​ថា៖ «ខ្ញុំភ្ញាក់ព្រើត សឹងតែដាច់ផ្ងារ នៅពេលឃើញកូនគោនេះ កើតដំបូង ដោយមានក្បាលពីរ»។ កូន​គោ​ញី​មួយ​នេះ ត្រូវបានលោកដាក់ឈ្មោះ ឡាក់ឃី (Lucky)។ វាមានត្រជៀកពីរ ដូចធម្មតា តែមាន​ក្បាល​ព្រែក​ជា​ពីរ ក្នុងនោះមានច្រមុះពីរ មាត់ពីរ និងភ្នែកបួន។ ភ្នែកពីរ ដែលនៅកណ្ដាល [...]

ពស់ថ្លាន់យក្សមួយក្បាល ទើបនឹងត្រូវបានគេប្រទះឃើញ កាលពីសប្ដាហ៍មុន នៅក្នុងការដ្ឋានសាងសង់មួយ ស្ថិត​ក្នុងក្រុង «Altamira» ភាគកណ្ដាល​នៃប្រទេសប្រេស៊ីល។ សារព័ត៌មានអង់គ្លេស «Daily Mail» បាន​រាយការណ៍​ថា ពស់ថ្លាន់នោះ មានប្រវែងប្រមាណជា១០ម៉ែត្រ និងមានទម្ងន់ប្រមាណជា ៤០០គីឡូក្រាម។ ប្រវែង​និង​ទម្ងន់នេះ ក៏ត្រូវបានសារព័ត៌មានចិន «People's Daily» រាយការណ៍ដូចគ្នាដែរ។

វាត្រូវបានប្រទះឃើញ បន្ទាប់ពីកម្មការបានដាក់​ម្សៅបំផ្ទុះដី នៅក្នុងការដ្ឋាននោះ។ កម្មករបាននិយាយថា អង្កត់ផ្ចិត​(ទទឹង)​​​របស់​ពស់​ថ្លាន់យក្ស មានប្រវែងដល់ទៅ១ម៉ែត្រ។

បន្ទាប់ពីដំណឹងខាងលើ និងរូបភាពនៃសាកសពពស់ ត្រូវបានផ្សព្វផ្សាយរួច ក្រុមអ្នកស្រឡាញ់ និងអភិរក្ស​សត្វ​ព្រៃ បានបន្ទោសក្រុមកម្មករយ៉ាងខ្លាំង ដែលបានព្យាយាមសម្លាប់សត្វ ដ៏កម្រមួយក្បាលនេះ [...]