Posts in ‘ពីនេះពីនោះ’ Category

ក្រុមអ្នកវិទ្យាសាស្ត្ររ៉ូស្ស៊ី កំពុងខ្វាយខ្វល់សម្បើមណាស់។ សត្វសមុទ្រ ដ៏ចម្លែកមួយក្បាល ត្រូវបានរកឃើញ នៅលើកោះ សាខាលីន (Sakhaline) ដែលស្ថិតក្នុងតំបន់ស៊ីបេរី ភាគខាងជើង នៃប្រទេសរ៉ូស្សី។

អ្នកជំនាញមួយរូប លោក នីកូឡៃ គីម (Nikolay Kim) បានថ្លែងប្រាប់ សារព័ត៌មានតំបន់ «Siberian Times» ថា៖ «ជាប្រភេទសត្វមួយ ដែលកម្រជាទីបំផុត។ វាប្រាកដជា សត្វមួយ ដែលស្ថិតក្នុងពូជអម្បូរ ត្រីដូហ្វាំង ដែលមិនដែលរស់នៅ ក្នុងដែនទឹករបស់ប្រទេសរ៉ូស្ស៊ីទេ។ វាទំនងជាត្រូវបានចរន្ដទឹក នាំមកទើរនៅទីនេះ។»

រឿងដែលអ្នកវិទ្យាសាស្ត្រ កាន់តែគិតមិនយល់នោះ គឺសត្វនេះមានកន្ទុយវា ប្រមូលផ្ដុំដោយរោម និង​ស្លាប​ជា​ច្រើន។ លោក នីកូឡៃ គីម បានថ្លែងឡើងថា៖ «ត្រីដូហ្វាំង មិនដែលមានរោម និងស្លាបអញ្ចឹងទេ»។

ជាអ្វីទៅ អញ្ចឹង?

នៅលើបណ្ដាញសង្គមឯណោះវិញ ក្រុមអ្នកប្រើប្រាស់បានធ្វើការអត្ថាធិប្បាយ ទៅលើរូបថត [...]

នៅក្នុងឆកសមុទ្រ នៃក្រុង «Huntington Beach» របស់រដ្ឋកាលីហ្វ័នី សហរដ្ឋអាមេរិក បុរសជាក្លើពីរនាក់នេះ បាននាំគ្នាជិះក្ដារអិលលើផ្ទៃទឹក (paddleboard) ដែលទំនងជាធម្មតា ដូចជាគ្មានរឿងអ្វីដូច្នេះ។ ប៉ុន្តែបើ​ទស្សនាវីដេអូនេះ មួយភ្លែតទៀត លោកអ្នកនឹងដឹងថា នៅខាងក្រោមមានត្រី«ឆ្លាម»ពណ៌ស មួយក្បាល កំពុង​ហែលក្រវិលទៅមក ដែលដូចជា មានទម្លាប់មកតំបន់នេះ ញឹកញាប់។

តាមពិតទៅប្រភេទត្រីឆ្លាម ពណ៌សនេះ មិនមែនជាត្រីឆ្លាមដ៏សាហាវ ឃើញអ្វីត្របាក់ណ្នឹងនោះទេ។ ហើយ​ត្រីឆ្លាមមួយក្បាលនេះ ក៏មិនជាធំអ្វីណាស់ណាដែរ។ ដូច្នេះ ចំណីរបស់វាដែលវាបានស៊ីរួច ដូចជាត្រីតូចៗ​ ឬ​សត្វ​សមុទ្រផ្សេង​ទៀត នៅក្នុងសមុទ្រ អាចនឹងឲ្យវាឆ្អែត ពេញពោះបាត់ទៅហើយ។

យ៉ាងណាក៏ដោយ គេមិនគួរទុកចិត្តវាខ្លាំងពេកនោះទេ ព្រោះវាអាចបង្កគ្រោះថ្នាក់ មកឲ្យមនុស្សបានគ្រប់​ពេល។ ម្យ៉ាងទៀត បុរសក្លើទាំងពីរនាក់ខាងលើ បើទោះជាមើលទៅ ឃើញដូចជាធម្មតា មិនភ័យខ្លាចអ្វីនោះ [...]

នៅក្នុងរាជធានី កូប៉េនអាគ (Copenhague) របស់រាជាណាចក្រ ដាណឺម៉ាក យុវតីវ័យក្មេងដើមទ្រូងបាន​មួយ​រូប បានដើរកំសាន្ដ នៅតាមដងផ្លូវនានា ដោយព្រលែងល្វែងលើរបស់នាង ននលគោក តែមានគូរជាអាវ​ដៃ​ខ្លីមួយ នៅជាប់នឹងសាច់។ បច្ចេកទេសនៃការគូរនោះ ហៅជាភាសាអង់គ្លេសថា «Bodypainting»។

វីដេអូដែលថតពីសកម្មភាពនាង តាំងពីដើមដំបូង ពេលដែលនាងចាប់ផ្ដើមគូររូប និងបន្ទាប់មកពីដំណើរ​របស់​នាង នៅតាមដងផ្លូវនានា បង្កការចាប់អារម្មណ៍របស់អ្នកផងនោះ ត្រូវបានយកទៅចាក់ផ្សាយ នៅក្នុងកម្មវិធី​ទូរទស្សន៍ក្នុងស្រុកមួយ និងបន្ទាប់មកបង្ហោះ នៅលើគេហទំព័រចែករំលែកវីដេអូ យូធូប។ នៅលើអ៊ិនធើណែត វីដេអូរបស់នាង មានអ្នកចុចចូលទៅទស្សនា ប្រមាណជាង៣លានដង មុននឹងត្រូវ យូធូប ដកចេញ ដោយ​ហេតុ​ថា វីដេអូនោះ ខុសពីលក្ខន្តិកៈរបស់គេហទំព័រ។

បច្ចេកទេស «Bodypainting» ត្រូវបានយកមកប្រើ តាំងពីច្រើនពាន់ឆ្នាំមកហើយ នៅក្នុងការប្រយុទ្ធគ្នា សង្គ្រាម​ឈ្លប [...]

ទេសចរណ៍ទាំងនេះ បានទៅវិស្សមកាលរបស់ពួកគេ នៅឆកសមុទ្រ «Mossel» នៃប្រទេសអាហ្វ្រិកខាងត្បូង ហើយបានសម្រេចចិត្ត ស្វែងរកការរំជួលចិត្ត ឲ្យដល់កំពូលមួយ នោះគឺចុះទឹកសមុទ្រ ទៅ«សួរសុខទុក្ខ»​ត្រី​ឆ្លាម។ ទិសដៅរបស់ក្រុមអ្នកទេសចរណ៍នេះ ធ្វើយ៉ាងណា ទៅរកតំបន់ណាមួយ ដែលមានត្រីឆ្លាម​ដ៏​សាហាវ​ជាងគេ និងចុះទៅក្នុងទ្រុងមួយ ដើម្បីបាននៅកៀកជាមួយនឹងត្រីឆ្លាម។

ប៉ុន្តែអ្វីៗ បានកើតឡើង ផ្ទុយពីបំណងនេះទាំងស្រុង។ អ្វីដែលបានកើតឡើង មិនដូចការព្រៀងទុកទេ។ តើ​នរណាមួយ ដែលអាចឈរសើចសប្បាយបាន បើនៅពីមុខខ្លួន មានត្រីឆ្លាមពណ៌ ស មួយក្បាល ប្រវែង ៣,៥០ ម៉ែត្រ កំពុងខាំកន្ត្រាក់ដែក នៅជាប់ទ្រុងនោះ?

និយាយទៅ ត្រីឆ្លាមមួយក្បាលនេះ មិនសូវជាខ្វល់ប៉ុន្មាន ពីសាច់ដែលគេបោះទៅឲ្យវានោះទេ តែវាដូចជា​មានជំនក់ចិត្ត ជាមួយនឹងមនុស្សប៉ុន្មាននាក់ ដែលកំពុងមើលវាទៅវិញ។ ដូចនៅក្នុងរូបភាពវីដេអូខាងលើ ត្រីឆ្លាមបានប្រើធ្មេញរបស់វា ខាំបំបាក់ដៃដ៏ធំនោះ [...]