នៅក្នុងរាជធានី កូប៉េនអាគ (Copenhague) របស់រាជាណាចក្រ ដាណឺម៉ាក យុវតីវ័យក្មេងដើមទ្រូងបាន​មួយ​រូប បានដើរកំសាន្ដ នៅតាមដងផ្លូវនានា ដោយព្រលែងល្វែងលើរបស់នាង ននលគោក តែមានគូរជាអាវ​ដៃ​ខ្លីមួយ នៅជាប់នឹងសាច់។ បច្ចេកទេសនៃការគូរនោះ ហៅជាភាសាអង់គ្លេសថា «Bodypainting»។

វីដេអូដែលថតពីសកម្មភាពនាង តាំងពីដើមដំបូង ពេលដែលនាងចាប់ផ្ដើមគូររូប និងបន្ទាប់មកពីដំណើរ​របស់​នាង នៅតាមដងផ្លូវនានា បង្កការចាប់អារម្មណ៍របស់អ្នកផងនោះ ត្រូវបានយកទៅចាក់ផ្សាយ នៅក្នុងកម្មវិធី​ទូរទស្សន៍ក្នុងស្រុកមួយ និងបន្ទាប់មកបង្ហោះ នៅលើគេហទំព័រចែករំលែកវីដេអូ យូធូប។ នៅលើអ៊ិនធើណែត វីដេអូរបស់នាង មានអ្នកចុចចូលទៅទស្សនា ប្រមាណជាង៣លានដង មុននឹងត្រូវ យូធូប ដកចេញ ដោយ​ហេតុ​ថា វីដេអូនោះ ខុសពីលក្ខន្តិកៈរបស់គេហទំព័រ។

បច្ចេកទេស «Bodypainting» ត្រូវបានយកមកប្រើ តាំងពីច្រើនពាន់ឆ្នាំមកហើយ នៅក្នុងការប្រយុទ្ធគ្នា សង្គ្រាម​ឈ្លប ឬការប្រមាញ់សត្វព្រៃ។ល។ ប៉ុន្តែបច្ចេកទេសនេះ កាន់តែវិវត្តន៍ទៅមុខ សព្វថ្ងៃនេះ ដោយត្រូវ​បាន​យក​មក​ប្រើ នៅលើរាងកាយមនុស្ស ដើម្បីធ្វើជារូបភាព ឬជាសញ្ញាអ្វីផ្សេងទេ ជាពិសេសបន្លំធ្វើជាអាវ ឲ្យ​តារា​ល្បីៗ​ជាច្រើន បង្ហាញរាងកាយ «សុទ្ធ» របស់ពួកគេ។ ប៉ុន្តែសម្រាប់យុវតីដាណឺម៉ាកនេះវិញ ទោះគូរអាវបន្លំ​យ៉ាង​ណា ក៏​ពិបាក​ដែរ ព្រោះនាងដើមទ្រូង ដ៏ធំទូលាយរបស់នាង បានបង្កឲ្យអ្នកផង សម្ដែងការចាប់អារម្មណ៍ រាប់​ទាំង​នាងមាន​អាវមែនទែន ពាក់ពីលើក៏ដោយ៕