Posts in ‘បច្ចេកវិទ្យា’ Category

កីឡាករបាល់ទាត់ ដែលមានតម្លៃខ្លួនថ្លៃបំផុតក្នុងលោក ហ្គារែត ប៊េល (Gareth Bale) បានបង្ហាញខ្លួននៅលើគម្រប​ហ្គេម​បាល់ទាត់ ហ្វីហ្វា១៤ (Fifa 14) ជាមួយនឹងតារាឆ្នើមពិភពលោក លីយ៉ូនែល ម៉េស៊ី (Lionel Messi) ដោយពាក់ឯកសណ្ឋាន​ក្រុម រៀលម៉ាឌ្រីដ (Real Madrid)។ រីឯកីឡាករ គ្រីស្ទែណូ រ៉ូណាល់ដូ (Cristiano Ronaldo) ពុំមានវត្តមាននោះទេ។

រូបកីឡាករម៉េស៊ី និងប៊េល នៅលើគម្របនៃហ្គេមហ្វីហ្វា១៤ ដែលទើបនឹងចេញផ្សាយ។ (រូបថត MONOROOM.info)

គួរបញ្ជាក់ថា មុនផ្ទេរមកកាន់ក្រុមរៀលម៉ាឌ្រីដ ប៊េលក៏បានបង្ហាញខ្លួនលើគម្របហ្គេមហ្វីហ្វា១៤នេះរួចម្តងហើយ ប៉ុន្តែ​ពេលនោះគាត់ពាក់ឯកសណ្ឋានក្រុម ទតិនហេម (Tottenham) រីឯពេលនេះ តារាឆ្នើមវ៊ែល បានកែប្រែពាក់ឯក​សណ្ឋាន​ក្រុមថ្មីរបស់ខ្លួនវិញ។

ទូរស័ព្ទដៃវៃឆ្លាត សាំស្ស៊ង «ហ្គាឡាក់ស៊ី ណូត៣» (Samsung Galaxy Note 3) ដែលក្រុមហ៊ុនទើបតែប្រកាសចេញ កាល​ពីដើមខែកញ្ញានេះ ជាទូរស័ព្ទដៃដែលមានល្បឿនដំណើរលឿនជាងគេបំផុត នៅក្នុងចំណោមទូរស័ព្ទដៃវៃឆ្លាតស៊េរីថ្មីៗ គ្រប់ក្រុមហ៊ុនទាំងអស់ ដែលដំណើរការដោយប្រព័ន្ធប្រតិបត្តិការ អេនដ្រយ (Android)។ នេះបើតាមការធ្វើតេស្តនៅ បិនម៉ាក (Benchmark)។

សាំស្ស៊ង «ហ្គាឡាក់ស៊ី ណូត៣» ទូរស័ព្ទដែលលឿនជាងគេ។ (រូបថត androidmarket.cz)

«ហ្គាឡាក់ស៊ី ណូត៣» មានអេក្រង់ធំជាងគេបង្អស់ ក្នុងចំណោមស៊េរី «ហ្គាឡាកស៊ី» មុនៗ ដែលមានទំហំរហូតដល់ ៥.៧អ៊ីញ ខណៈដែល «ណូត២» (Note II) មានទំហំ ៥.៥អ៊ីញ និង «ណូត» ដំបូងគេមានទំហំ ៥.៣អ៊ីញ។

ម៉ាស៊ីនរបស់វា ប្រភេទ ស្ន័បដ្រាហ្គន៨០០ ឃ្វាដខរក្រែត៤០០ (Snapdragon 800 quad-core Krait 400) [...]

ប្រភេទទូរស័ព្ទអាយហ្វូន (iPhone) ដែលល្បីល្បាញ ទូទាំងសកលលោក ទើបនឹងត្រូវបានម្ចាស់វាក្រុមហ៊ុន យក្សខាង​បច្ចេកវិទ្យា អ័បផល (Apple) ដាក់ប្រកាសចេញលក់ជាផ្លូវការកាលពីថ្ងៃទី១០ខែកញ្ញានេះ។ ឆ្លៀតក្នុងឱកាសនេះ ទស្សនាវដ្ដីមនោរម្យព័ងអាំងហ្វូ បានសាកល្បងកំពូលទូរស័ព្ទទាំងពីរនេះ ហើយសូមលើកមកជម្រាបដោយត្រួសៗ ជូនលោកអ្នក។

ទូរស័ព្ទទាំងពីរប្រភេទ ដែលត្រូវបានក្រុមហ៊ុនអ័បផល យកមកបង្ហាញនៅថ្ងៃទី១០ខែកញ្ញានេះ។ (រូបថត AFP)

ទូរស័ព្ទទាំងពីរប្រភេទនេះ ទើបនឹងប្រកាសចេញលក់នៅសហរដ្ឋអាមេរិក នៅថ្ងៃទី១០ខែកញ្ញាប៉ុណ្ណោះ។ ចំណែក​ឯ​នៅ​អ៊ឺរ៉ុប ទូរស័ព្ទនេះនឹងចេញដាក់លក់ ចាប់ពីថ្ងៃទី២០ខែកញ្ញាខាងមុខនេះតទៅ។ ប៉ុន្តែយើងបាន កាន់វានៅនឹងដៃរបស់យើង ដើម្បីសាកល្បង និងត្រួតពិនិត្យមើលថាតើវាមានសមត្ថភាពអ្វីខ្លះ។ [...]

ថ្ងៃនេះជាថ្ងៃដ៏ពិសេស សម្រាប់ក្រុមហ៊ុនយក្សខាងព័ត៌មានវិទ្យា អ័បផល (Apple) របស់សហរដ្ឋអាមេរិក ដែលបាន​ប្រកាស​ចេញនូវទូរស័ព្ទប្រភេទ អាយហ្វូនសេរីថ្មី មានឈ្មោះហៅថា អាយហ្វូន ៥អេស (iPhone 5S) និងប្រភេទមួយទៀត ដែល​មានតម្លៃថោក ហៅថា អាយហ្វូន ៥ស៊ី (iPhone 5C)។

សន្និសិទកាសែតមួយនឹងត្រូវបើកធ្វើ នៅទីក្រុងញ៉ូយក ដើម្បីបង្ហាញពីផលិតផលថ្មីនេះ។ សូមទស្សនាដូចតទៅ៖

ផ្សាយផ្ទាល់ដោយ CNET៖