កូនស្រី កឹម សុខា ទាមទារឲ្យមានការចូលមើលឪពុក នៅពន្ធនាគារត្រពាំងផ្លុង
ពន្ធនាគារត្រពាំងផ្លុង ដែលល្បីថា ជាកន្លែងដាក់ពិរុទ្ធជន ដែលជាប់ទោសធ្ងន់ធ្ងរ បានទទួលដាក់អ្នកនយោបាយម្នាក់ទៀត នៅថ្ងៃនេះ គឺលោក កឹម សុខា ប្រធានគណបក្សសង្គ្រោះជាតិ ដែលជាគណបក្សធំជាងគេ នៅកម្ពុជា។ ព័ត៌មាននៃការបញ្ជូនខ្លួន ទៅឃុំនៅទីនោះ ទើបនឹងត្រូវបានឲ្យដឹង ដោយលោក ខៀវ សុភ័គ អ្នកនាំពាក្យក្រសួងមហាផ្ទៃ នៅមួយម៉ោងមុននេះ។
តែភាពល្បីល្បាញ នៃពន្ធនាគារត្រពាំងផ្លុង ក៏បានបង្កការព្រួយបារម្ភខ្លាំងក្លា សម្រាប់ក្រុមអ្នកគាំទ្រគណបក្សប្រឆាំង និងជាពិសេស សម្រាប់ក្រុមគ្រួសាររបស់លោក តែម្ដង។ កូនស្រីរបស់លោក កឹម សុខា គឺកញ្ញា កឹម មនោវិទ្យា ដែលកំពុងស្ថិតនៅឯបរទេស បានសំដែងការបារម្ភនេះ នៅលើបណ្ដាញសង្គមថា៖ «សុវត្ថិភាព របស់លោក កឹម សុខា មិនត្រូវបានឲ្យដឹង ច្បាស់នៅឡើយ»។
កញ្ញា មនោវិទ្យា ដែលជាសមាជិកគណៈកម្មការនាយក នៃគណបក្សសង្គ្រោះជាតិមួយរូបផងនោះ បានសរសេរទាមទារថា៖ «យើងត្រូវការឲ្យមានការចូល [...]
