AirAsia៖ សារទម្លុះបេះដូងចុងក្រោយ របស់ស្ត្រីបម្រើការលើយន្ដហោះ
ប្រកបជំនាញជាអ្នកបម្រើការនៅលើយន្ដហោះ ជាក្ដីស្រម័យតែមួយគត់ នៅក្នុងជីវិតរបស់នាង។ អញ្ចឹងហើយបានជា នាង ឃែរូនីហ្សា ហ្វូស្សី (Khairunnisa Fauzi) មានសេចក្ដីអំណរណាស់ តាំងពីនាងបានក្លាយ ជាស្ត្រីបម្រើការនៅលើយន្ដហោះ អ៊ែរអេសៀ ពីប៉ុន្មានខែមុន។ ប៉ុន្តែគួរឲ្យអនិច្ចាជាពន់ពេកណាស់ ព្រោះព្រហ្មលិខិតដ៏ឬស្យា មិនបានផ្ដល់ឱកាសឲ្យនាង និងអ្នកដែលនៅជុំវិញនាង អាចទទួលសុភមង្គលនេះបានយូរប៉ុន្មានឡើយ។
ក្នុងចំណោមសាកសពដំបូងគេ ដែលត្រូវបានស្រង់ពីសមុទ្រ ហ្សាវ៉ា (Java) មកនោះ មានសាកសពមួយត្រូវបានគេស្គាល់ថា ជានារីបម្រើការវ័យក្មេង អាយុទើបនឹង២២ឆ្នាំរូបនេះ។
ខុសពីស្ត្រីបម្រើការជាច្រើននាក់ផ្សេងទៀត នៅលើយន្ដហោះ នាង ឃែរូនីហ្សា តែងចូលចិត្តបង្ហោះនៅលើបណ្ដាញសង្គម អ៊ិនស្តាហ្គ្រាម (Instagram) នូវរាល់អ្វីៗ ដែលនាងបានធ្វើ [...]