ប៉ែន ចំរ៉ុង៖ ខ្ញុំពិតជាស្រលាញ់កូនខ្ញុំខ្លាំងណាស់
បើទោះជាកូន នៅក្នុងផ្ទៃ មិនទាន់បើកភ្នែក ឃើញពន្លឺថ្ងៃក៏ដោយ តែលោក ប៉ែន ចំរ៉ុង ដែលកំពុងមានរឿងចម្រូងចម្រាស ជាមួយអតីតភរិយា អ្នកនាង ភិន សុដាលីស បានប្រកាសរួចជាស្រេចហើយ ថាលោកពិតជាស្រឡាញ់កូនលោកនេះខ្លាំងណាស់ និងស្រឡាញ់ខ្លាំងបំផុតនោះផង។ ជាការប្រកាសមួយ ដែលមានភាពប្រទាំងប្រទើស ជាមួយនឹងការលើកឡើង របស់អតីតភរិយារបស់លោក ដែលបានចោទប្រកាន់លោក នៅក្នុងសន្និសីទសារព័ត៌មានថា បានសម្ដែងការសង្ស័យនៅចំពោះតុលាការ ថាកូននេះអាចមិនមែន ជាកូនរបស់លោក។
ថ្លែងតាមរយៈការផ្ដល់កិច្ចសម្ភាសផ្ដាច់មុខមួយ ទៅឲ្យលោក សាន្ដ ប៊ុនធឿន ចាងហ្វាងសារព័ត៌មាន«ស្នេហាជាតិ» ដែលបង្ហោះផ្សាយ នៅតាមបណ្ដាញសង្គម លោក ប៉ែន ចំរ៉ុង បាននិយាយអះអាងថា លោកនៅតែស្រលាញ់ ចង់ជួប និងចង់ផ្គត់ផ្គង់ ដល់កូនលោកខ្លាំងណាស់ បើទោះជាក្រោយលែងលះដាច់ស្រេច ជាមួយអតីតភរិយាហើយក៏ដោយ។ លោកបានបញ្ជាក់ថា [...]
