Posts by "ក. សោភណ្ឌ"

មិនត្រឹមតែប្រឆាំង នឹងមេភូមិ ដែលតែងតែឆ្លៀតឱកាស រកផលចំណេញ ពីអ្នកភូមិដែលខំព្យាយាម រកដំណោះស្រាយ លើដីទំនាស់នោះទេ។ ក្រុមអ្នកភូមិ ក៏បានទាមទារ ឲ្យអាជ្ញាធរខេត្តបន្ទាយមានជ័យ និងមន្ត្រីពាក់ព័ន្ធ ចេញមុខ​ដោះ​ស្រាយ ប្រគល់ប័ណ្ណកម្មសិទ្ធិ ដីធ្លីស្របច្បាប់ ឲ្យបានឆាប់ដល់ពួកគាត់ដែរ។ ម៉្យាងទៀត អ្នកភូមិបានឲ្យដឹងថា ថ្មីៗនេះ ចៅហ្វាយស្រុក បានហៅមេភូមិ ទៅជួបគ្នាស្ងាត់ៗ ដោយរំលងប្រជាពលរដ្ឋ ហើយមិនផ្តល់ព័ត៌មានថ្មី ពីការដោះ​ស្រាយ​ទេ ហើយមេភូមិនៅតែភ្ជូរដី មានទំនាស់ទៀត នៅថ្ងៃទី០១ ខែមេសា ឆ្នាំ២០១៥កន្លងទៅនេះ។

តំណាងអ្នកភូមិថ្នល់បត់ ឃុំអូបីជាន់ ស្រុកអូជ្រៅ ខេត្តបន្ទាយមានជ័យ អ្នកស្រី ឡុង សុគន្ធី បានឲ្យទស្សនាវដ្តី​មនោរម្យ.អាំងហ្វូដឹងនៅថ្ងៃទី០៣ ខែមេសានេះថា អ្នកស្រីមិនបានដឹងថា មានការណាត់ជួបស្ងាត់ៗ រវាងមេភូមិ ថា ទន ជាមួយលោកអភិបាលស្រុក សាន ស៊ានហូ នោះទេ ទើបតែនៅថ្ងៃ ដែលមេភូមិខាងលើ នាំបក្សពួក [...]

នៅព្រឹកថ្ងៃទី០១ ខែមេសា ឆ្នាំ២០១៥ អ្នកភូមិបឹងឈូក ៤៣គ្រួសារ ព្រមទាំងតំណាង អ្នកតវ៉ាដីធ្លី នៅផ្លូវលេខ ១៨០០ ក្រុមទីបី ភូមិបឹងឈូក សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ បានចូលខ្លួនបំភ្លឺ ជាលើកទី៤របស់ខ្លួន តាមដីកាកោះ របស់តំណាងអយ្យការ អមសាលាដំបូងរាជធានីភ្នំពេញ។ ប៉ុន្តែការចូលបំភ្លឺលើកនេះ ត្រូវបានលើកថ្ងៃ​ទៅ​វិញ ដោយសារព្រះរាអាជ្ញា មានការវល់ទៅខេត្ត នេះ បើតាមការឲ្យដឹង របស់មេធាវីរបស់អ្នកភូមិ លោក ច័ន្ទ សុជាតិ មក​ពី​មជ្ឈមណ្ឌលអប់រំច្បាប់ សម្រាប់សហគមន៍។

តំណាងអ្នកភូមិបឹងឈូក ទាំង៤៣គ្រួសារ អ្នកស្រី ខៀវ ចិន្តា បានឲ្យអ្នកសារព័ត៌មានដឹងថា តុលាកាបានចោទប្រកាន់​អ្នកភូមិ៤រូប ទីមួយលោក ប៊ូ ម៉េង អាយុ៣៨ឆ្នាំ ទី២លោក កាង ណារ៉េន អាយុ៤៥ឆ្នាំ ទី៣លោក កុល សោភា អាយុ​៣២ឆ្នាំ ទី៤អ្នកស្រីផ្ទាល់ តាមពាក្យបណ្តឹង របស់ឈ្មោះ ទា ធឿន និងឈ្មោះ ឡៅ តុងងី បានប្តឹងអ្នកស្រី ពីបទប្រើ​អំពើ​ហិង្សា លើអ្នកកាន់កាប់អចលនវត្ថុ [...]

ករណីតូច ដែលប្រកែកយកឈ្នះ ឲ្យក្លាយទៅជាធំ នេះបានកើតឡើង កាលពីវេលាម៉ោង ៤ រសៀលថ្ងៃទី៣០ ខែមិនាឆ្នាំ ២០១៥ នៅក្នុងផ្សារដើមគ ស្ថិតក្នុងសង្កាត់ផ្សារដើមគ ខណ្ឌទួលគោក រាជធានីភ្នំពេញ ត្រង់ចំណុចខាងមុខ កន្លែងលក់​ត្រី តាមបណ្តោយផ្លូវ៣៣៦។ ប្រភពព័ត៌មានបានឲ្យដឹងថា មូលហេតុដែលម៉ូតូ បានប៉ះស្រ្តីចំណាស់ម្នាក់ ព្រោះតែម៉ូតូ​ជាប់ហ្គែរ នៅពេលកំពុងជិះ។ ពេលភ្លាមៗ បន្ទាប់ពីមានបញ្ហា បុរសបង្ក បានសុំទោសស្រ្តីចំណាស់ រងគ្រោះ តែស្រ្តីរង​គ្រោះ មិនបានលើកលែងទោសទេ ហើយថែមទាំងហៅកូនរបស់ខ្លូន មកចាប់ទាំងម្ចាស់ និងម៉ូតូទៅខណ្ឌ។

សាក្សីនៅកន្លែងកើតហេតុ ជាអជីវករលក់ត្រី អ្នកស្រី ច្រិប បានប្រាប់ថា គាត់បានឃើញផ្ទាល់ថា បុរសបង្កឈ្មោះ មករា ជិះ ម៉ូតូសង់កូរ៉េ ពណ៍ក្រហមស្លាកលេខ ភ្នំពេញ ១P-៣៧៨០ ពិតជាបានបើកម៉ូតូប៉ះ លោកយាយមែន បណ្តាលឲ្យ​គាត់​ដួល និងមានរបួសត្រង់ដៃ និងជង្គង់ តែភ្លាមៗនោះ ជនបង្ករបានក្រោកឡើង ហើយនិយាយសំពះសុំទោស ទៅលោក​យាយ [...]

ហេតុការណ៍នេះ បានកើតឡើង កាលពីវេលាម៉ោង ៨និង៣០នាទី យប់ថ្ងៃទី៣០ ខែមិនា ឆ្នាំ២០១៥ នៅតាមបណ្តោយ​ផ្លូវ គីឡូម៉ែត្រ ៦០ ថ្មី សង្កាត់ចាក់អង្រែ ខណ្ឌមានជ័យ រាជធានីភ្នំពេញ ត្រង់ចំណុច ចុះពីផ្លូវ២៧១ ប្រមាណជា​១០០០​ម៉ែត្រ។ ករណីគ្រោះថ្នាក់នេះ បានបង្ករដោយម៉ូតូមួយគ្រឿង មិនស្គាល់អត្តសញ្ញាណ ម៉ាកឌ្រីម បើកបរដោយបុរសម្នាក់ ដែលជិះកក្នុងល្បឿនលឿន បានបុកជាមួយ រ៉ឺម៉កដឹកបន្លែ ដែលធ្វើដំណើក្នុងទិសដៅស្របគ្នា បណ្តាលឲ្យភាគី ទាំង​សង​ខាងរងរបួស ត្រូវបញ្ជូនទៅមន្ទីពេទ្យ។

កូនស្រីជនរងគ្រោះ អ្នកស្រី យឿន គឹមស្រេង រស់នៅភូមិ អំពិលព្រៃ ឃុំអំពិលព្រៃ ស្រុកកណ្តាលស្ទឹង ខេត្តកណ្តា បាន​ឲ្យ​ទស្សនាវដ្តីមនោរម្យ.អាំងហ្វូដឹងថា ម្តាយអ្នកស្រីដែលមានវ័យ៥១ឆ្នាំ រងគ្រោះ ក្នុងហេតុការណ៍នេះ មានរបួសក្បាល កំពុងសង្គ្រោះ នៅមន្ទីពេទ្យលោកសង្ឃ។ លោកគ្រូពេទ្យមិនទាន់ ប្រាប់ពីអាការៈរបស់ជនរងគ្រោះបានទេ ព្រោះកំពុង​ធ្វើការតាមដាន [...]

ក្នុងរយៈពេលចុងក្រោយនេះ មិនសូវមានហេតុការណ៍ ប្រើអំពើហឹង្សា ទៅលើស្ត្រី និងកុមានោះទេ ដោយសារតែមាន ការផ្សព្វផ្សាយព័ត៌មានច្រើន ដូចជាការផ្សាយជាស្ពតអប់រំ តាមកញ្ចក់ទូរទស្សន៍ ជាដើម។ តែករណីទាំងនេះ នៅតែបន្ត​មាន ជាពិសេសស្ត្រី ដែលមានស្វាមី ជាអ្នកផឹកស៊ីជ្រុល រហូតលែងស្គាល់ប្រពន្ធកូន ហើយបានត្រឡប់ចូលផ្ទះវិញ ប្រើ​អំពើ​ហិង្សា វាយតប់ បំផ្លាញទ្រព្យសម្បត្តិ... ដូចក្នុងករណីនេះ ដែលបុរសជាស្វាមី មិនត្រឹមតែប្រព្រឹត្តិអំពើហិង្សាទេ តែ​ថែម​ទាំង​បាន​គម្រាម ចង់សម្លាប់នាងជាភរិយាទៀត។

អំពើហិង្សា បានកើតឡើងលើគ្រួសារមួយ ស្នាក់នៅបន្ទប់ជួល នៅភូមិដំណាក់ធំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ កាលពីរសៀលថ្ងៃទី២៩ ខែមិនាឆ្នាំ២០១៥ កន្លងទៅនេះ បង្ករឲ្យមានការភ្ញាក់ផ្អើល ដល់អ្នកជិតខាង រហូត​បានជួយលាក់ ស្តី្ររងគ្រោះជាប្រពន្ធ ពីការគម្រាម សម្លាប់របស់ប្តី។ ស្រ្តីរងគ្រោះឈ្មោះ ហ៊ាន ស៊ីថាត អាយុ៤៣ ឆ្នាំ ត្រូវ​បានប្តីឈ្មោះ សេង [...]