Posts by "ប្រាថ្នា"

គណបក្សសង្រ្គោះជាតិ និងមន្រ្តីរដ្ឋាភិបាលបានបង្ហាញជំហរ និងការយល់ឃើញខុសគ្នាៗ ចំពោះការសម្រេចចិត្ត​របស់រដ្ឋាភិបាល ក្នុងការមិនបន្តទិដ្ឋការ ឱ្យសកម្មជនការពារធនធានធម្មជាតិ នៅតំបន់អារ៉ែង លោកលោក អាឡិចហ្សង់ដ្រូ ហ្គន់ហ្សាឡេស ដេវិតសិន (Alejandro Gonzalez Davidson)។ មន្រ្តីរដ្ឋាភិបាលចាត់ទុកថា សកម្ម​ភាព​របស់អាឡិច ដែលបានធ្វើដើម្បីរារាំង គម្រោងក្រុមហ៊ុនស៊ីណូហាយដ្រូ សង់ទំនប់វារីអគ្គិសនី នៅស្ទឹង​ឆាយ​អារ៉ែង គឺជាការជ្រៀតជ្រែក ក្នុងកិច្ចអភិវឌ្ឍន៍។

ចំណែកមេដឹកនាំគណបក្សសង្គ្រោះជាតិ ដែលបានផ្ញើលិខិតសុំអន្តរាគមន៍ ទៅលោក ស ខេង និងព្រះ​មហា​ក្សត្រ យល់ថា លោក អាឡិច គឺជាសកម្មជនម្នាក់ ក្នុងមជ្ឈដ្ឋានសង្គមស៊ីវិល ដែលបានជួយឱ្យ​សាធារណៈ​មតិ មាន​ការ​ចាប់អារម្មណ៍ចំពោះបញ្ហាបរិស្ថាន ព្រមទាំងជួយឱ្យប្រជាពលរដ្ឋ មានការយល់ដឹងអំពីសិទ្ធិរបស់ខ្លួន កាន់តែ​ច្បាស់។ លោក អាឡិកហ្សង់ដ្រូ ជាមនុស្សស្រលាញ់ និងគោរពវប្បធម៌ខ្មែរ [...]

បទ Uptown Funk ជាបទចម្រៀង របស់តារាចំរៀងដ៏ល្បីឈ្មោះ នៅសហរដ្ឋអាមេរិក Bruno Mars បានទទួល ការ​គាំទ្រ​ខ្លាំង ពីទស្សនិកស្ទើពេញពិភពលោក ហើយក៏ជាបទមួយ ដែលត្រូវ​បានជាតិសាសន៍ផ្សេងទៀត​មួយ​ចំនួន យកមកសម្តែងត្រាប់តាម។ ដោយឡែកក្រុមយុវជន ដែលជនពិការរបស់អង្គការ ពង្រឹងលទ្ធភាពជន​ពិការ​កម្ពុជា តាមរយៈ សិល្បៈអេពិកកម្ពុជា (Epic Arts Cambodia) បាននាំគ្នាសម្តែងត្រាប់តាម បទចម្រៀងនេះដែរ។

វីដេអូដែលក្រុមជនពិការ របស់អង្គការខាងលើ បាននាំគ្នាសម្តែងត្រាប់តាមនេះ ទទួលបានការចាប់អារម្មណ៍ និង​គាំទ្រជាខ្លាំងពីទស្សនិក។ ទទួលបានការចាប់អារម្មណ៍ ដោយសារតែវិដេអូរបស់ក្រុម ជនពិការខាងលើនេះ ផលិត​​ឡើងដើម្បីលើកទឹកចិត្តដល់ជនពិការ។ ក្នុងរយៈពេល៤ថ្ងៃ ដែលវីដេអូនេះ បង្ហោះនៅលើបណ្តាញ​អ៊ីនធើណេត ទទួលបានការចុចមើលរហូតដល់ជាងបីម៉ឺនដង។

ចម្រៀងបទ Uptown Funk របស់របស់តារាចម្រៀង និងអ្នកនិពន្ធអាមេរិកលោក Bruno Mars គឺជាបទដែល​ពេញ​និយម [...]

«មិនដឹងថាពេលណា ឆ្នាំណា សតវត្សន៍ណាបានប្រទេសខ្មែរ រស់ក្នុងភាពសន្តិសុខដូចគេ?» នេះជាការលើក​ឡើង របស់អ្នកនាង ចន ច័ន្ទលក្ខិណា ដែលបានសរសេរនៅលើ ទំព័រហ្វេសប៊ុករបស់នាង។ កន្លងមក មិនថា​តែតារារូបនេះទេ តារាស្រីប្រុសមួយចំនួនទៀត តែងតែធ្វើការលើកសរសើរថា កម្ពុជាបច្ចុប្បន្នជាប្រទេស​ដែល​សម្បូរ នូវសុខសន្តិភាព និងភាពរីកចម្រើន ក្រោមការដឹកនាំ របស់លោកនាយករដ្ឋមន្រ្តី ហ៊ុន សែន។ ប៉ុន្តែ​ផ្ទុយ​ទៅវិញ ហេតុអ្វីបានជាពិធិការី របស់ទូរទស្សន៍បាយ័នរូបនេះ ទន្ទឹងរង់ចាំរស់នៅក្នុងសន្តិភាព ដូចប្រទេសគេ​ទៅ​វិញ?

តារារាងស្រលូនរូបនេះ បានសរសេរបន្តថា ប្រទេសខ្មែរជាប្រទេសដែលរីកចំរើន និង អភិវឌ្ឍខ្លាំងខាងឆក់​កាបូប ! នេះជាសមិទ្ធផលមួយ ដែលប្រជាពលរដ្ឋខ្មែរទទួលបាន។

យ៉ាងណាម៉ិញ ការលើកឡើងរបស់តារាសម្តែរូបនេះ គឺបន្ទាប់ពីប្អូនស្រីបង្កើតរបស់អ្នកនាង ដែលជាអាជីវករ​នៅផ្សារធំថ្មី ត្រូវបានចោរឆក់កាបូប [...]

ថ្លែងនៅក្នុងសន្និសិទកាសែត ដែលរៀបចំឡើង ដោយបណ្តាញព្រះសង្ឃឯករាជ្យ និងយុវជននាព្រឹកថ្ងៃទី១៨ ខែកុម្ភៈ នៅមជ្ឈមណ្ឌលអប់រំ ច្បាប់សម្រាប់សហគមន៍ លោក កែម ឡី អ្នកស្រាវជ្រាវបញ្ហាសង្គម បាននិយាយថា រដ្ឋាភិបាលកម្ពុជាអនុវត្តច្បាប់ មិនមានសមភាព រវាងជនជាតិយួន ដែលរស់នៅក្នុងប្រទេស និងសកម្មជនការពារ​ព្រៃឈើ លោក អាឡិច ខណៈដែលជនជាតិវៀតណាមជាច្រើនពាន់នាក់ រស់នៅក្នុងកម្ពុជាទាំងខុសច្បាប់ និង​យូរឆ្នាំ​មកហើយ ប៉ុន្តែហាក់គ្មានវិធានការអ្វី ពីរដ្ឋាភិបាលក្នុងការបញ្ជូនពួកគេ ទៅស្រុកវិញឡើយ។

លោក កែម ឡី បានពន្យល់ថា៖ «ជនជាតិយួន ដែលរស់នៅកម្ពុជា ខុសច្រើនណាស់ដែលជាប់គុក។ ខ្ញុំសួរ ទេព វណ្ណី សួរ យ៉ោម បុប្ផា កាលនៅជាប់គុក ក្នុងចំណោម២០នាក់ យ៉ាងហោចណាស់មាន(យួន) ២ទៅ៣នាក់ ដែល​ជាប់ពន្ធនាគារ អញ្ចឹងរយៈពេលបីខែដែលជាប់ពន្ធនាគារ។ ចុះហេតុអីបានជាគេមិនចាប់បញ្ជូន ទៅស្រុកយូនវិញ ហេតុអីបានជាចាប់តែអាឡិច? អាហ្នឹងវាឆ្លុះបញ្ចាំងឱ្យឃើញ [...]