Posts by "ប្រាថ្នា"

នៅក្នុងសប្តាហ៍នេះ សហជីពគ្រោងនឹងដើរចែកខិត្តប័ណ្ណ ដែលបាននឹងកំពុងបោះពុម្ព ២០ម៉ឺនសន្លឹក ដល់កម្មករ​ដែលជាសមាជិករបស់ខ្លួន ដើម្បីអំពាវនាវឲ្យកម្មករធ្វើមហាកម្មកូដកម្មនៅខែមិនា ខាងមុខនេះ។

កម្មករទាមទារតម្លើងប្រាក់ខែ នៅថ្ងៃទី២៥ ខែធ្នូ ឆ្នាំ២០១៣។ (រូបថត ហ្វេសប៊ុក)

វិបត្តិការងារ - ខិត្តប័ណ្ណចំនួន ២០ម៉ឺនច្បាប់ ត្រូវបានចាប់ផ្តើមបោះពុម្ពនៅថ្ងៃច័ន្ទ ទី១៧ ខែកុម្ភៈ ឆ្នាំ២០១៤នេះ​ដើម្បី​ចែកជូន និងអំពាវនាវឲ្យកម្មកររោងចក្រកាត់ដេរ សម្លៀកបំពាក់ និងស្បែកជើង ដែលជាសមាជិករបស់​សហព័ន្ធ​សហជីព និងសមាគម ១៦ នៅទូទាំងប្រទេសឲ្យចូលរួមធ្វើមហាកូដកម្ម ដែលនឹងគ្រោងធ្វើនៅខែមីនាខាងមុខនេះ។ មហាកូដកម្ម ដែលនឹងរៀបចំឡើងដោយសន្តិវិធី និងស្ងប់ស្ងាត់ នៅតាមកន្លែងធ្វើការនីមួយៗ។

អំពើពុករលួយ - លោកព្រាប កុល ប្រធានអង្គការតម្លាភាពកម្ពុជាបានថ្លែងថា បញ្ហាអំពើពុករលួយនៅកម្ពុជាឥលូវ​នេះ មានការយល់ដឹង ការយកចិត្តទុកដាក់ ការតវ៉ា និងកើនឡើងនៃការត្រួតពិនិត្យ​តាមដានច្រើនពីប្រជាពលរដ្ឋ។ តាមរយៈការសង្កេតរបស់លោកឃើញថា សន្ទុះនៃការចូលរួម អ្នកដែលសកម្មភាពជាងនោះ គឺយុវជន ហើយបើតាម​ការស្រាវជ្រាវចុងក្រោយ របស់វិទ្យាស្ថានសាធារណៈរដ្ឋ ក៏បញ្ជាក់ផងដែរថា យុវជនហ៊ាននិយាយច្រើន​ពីអំពើ​ពុក​រលួយ ។

ក្នុងកិច្ចសម្ភាសន៍ជាមួយទស្សនាវដ្ដីមនោរម្យ.អាំងហ្វូ កាលពីថ្ងៃទី១៤ ខែកុម្ភះ ឆ្នាំ២០១៤ ប្រធានអង្គការតម្លាភាព​កម្ពុជាដ៏ល្បីឈ្មោះរូបនេះ បានបញ្ជាក់ថា «ដោយសារមានការយកចិត្តទុកដាក់ និងការកើនឡើងនៃការត្រួតពិនិត្យ​តាមដាន ជាលទ្ធិផលឃើញថាមានការផ្លាស់ប្តូរ ដែលពីមុនអ្នកប្រព្រឹត្តអំពើពុករលួយ បើកចំហរដោយមិនខ្លាច​ញញើត តែឥលូវនេះគាត់ក៏ខ្លាចដែរ ហើយគាត់លាក់លៀម [...]