កែម ឡី៖ ប្រសិទ្ធិភាពដប់យ៉ាង ធ្វើឲ្យសម្តី ហ៊ុន សែន មានគុណភាព
ការលើកឡើងរបស់លោកនាយករដ្ឋមន្រ្តី ហ៊ុន សែន កាលពីថ្ងៃទី២១ ខែកុម្ភៈ ឆ្នាំ២០១៤នេះ ក្នុងក្រសួងមហាផ្ទៃ បាន«ទទួលស្គាល់»ថា រដ្ឋាភិបាលក្រោមការគ្រប់គ្រងរបស់លោក មានការ«ឆកល្វែង» ក្នុងការជំរុញឲ្យការអនុវត្តនូវសេវាសាធារណៈមានប្រសិទ្ធិភាពខ្ពស់។ ក្នុងឱកាសនោះដែរ លោកនាយករដ្ឋមន្ត្រី ហ៊ុន សែន បានបញ្ជាជាថ្មីទៀត ដល់មន្ត្រីរបស់ខ្លួនចាប់ពីថ្នាក់លើដល់ថ្នាក់ក្រោម ឲ្យបង្កើនប្រសិទ្ធិភាពនៃការបម្រើសេវាសាធារណៈដល់ប្រជាជនជាងបច្ចុប្បន្ន ដើម្បីជួយដោះស្រាយអ្វីជាតម្រូវការឲ្យបានទាន់ពេល។
ប៉ុន្តែការអនុវត្តសេវាសាធារណៈមួយ ដែលមានប្រសិទ្ធិភាពខ្ពស់ និងបានទៅដល់ប្រជាពលរដ្ឋពិតប្រាកដ ត្រូវបានលោក កែម ឡី អ្នកស្រាវជ្រាវសង្គមឯករាជ្យ បកស្រាយតាមរយៈការផ្តល់ជាអនុសាសន៍ «ដប់ចំណុច» ដូចខាងក្រោម៖
១- ធ្វើវិមជ្ឈការលើសេវាសាធារណៈទាំងអស់ បានទៅដល់ថ្នាក់ស្រុក ថ្នាក់ឃុំ [...]
