Posts by "អ៊ុម វ៉ារី"

កម្មវិធីបែប​«បស្ចឹម​លោក» ដូច​យ៉ាង KAZANTIP ពិបាក​នឹង​ធ្វើ​ប្រជាជន​កម្ពុជា​ទទួល​យក ដើម្បី​នឹង​បើក​ឲ្យ​ដំណើរ​ការ នៅ​លើ​ទឹកដី​កម្ពុជា​ណាស់។ នោះ ដោយ​សារ​តែ​ពលរដ្ឋ​កម្ពុជា​ភាគ​ច្រើន យល់​ថា កម្មវិធី​បែប​បរទេស​ទាំង​នោះ អាច​នឹង​ប៉ះពាល់​ដល់​វប្បធម៌​ប្រពៃណី ពី​បរម​បូរាណ​របស់​ពួក​គេ។ ម្យ៉ាង​ទៀត ពលរដ្ឋ​មួយ​ចំនួន​នៅ​មិន​មាន​ការ​ទុក​ចិត្ត ទៅ​លើ​អាជ្ញាធរ ថា​នឹង​អាច​គ្រប់​គ្រង​កម្មវិធី​នេះ បាន​ល្អ​ឬ​យ៉ា​ងណា​នោះ​ផង។

នាយកប្រតិបត្តិសហព័ន្ធនិស្សិតបញ្ញវ័ន្តកម្ពុជា លោក ទិប ទាវ ក្នុងកិច្ចសម្ភាសជាមួយទស្សនាវដ្តីមនោរ្យ.អាំងហ្វូ​បានបង្ហាញនូវទស្សនៈរបស់លោ​ក ក្នុងនាមជាយុវជនកម្ពុជាថា លោក ក៏ដូចជាយុវជនជាច្រើនទៀត «មិន»ចង់​ឲ្យកម្មវិធីបរទេស ដែលមានលក្ខណៈអាក្រាតកាយ កើតមានលើទឹកដីកម្ពុជានោះឡើយ បើទោះក្នុងលក្ខណៈ​បិទបាំង ឬអសាធារណៈក៏ដោយ។

លោកមើលឃើញថា វាក៏មិនបានផ្តល់ផលចំណេញអ្វី [...]

បន្ទាប់​ពី​សម្រេច​បញ្ចុះ​តម្លៃ​ទឹក និង​ភ្លើង​ពិសេស​ទៅ​ដល់​កម្មករ​រោង​ចក្រ លោក​នាយក​រដ្ឋមន្រ្តី ហ៊ុន សែន បាន​ថ្លែង​ជា​សាធារណៈ​នៅ​ពេល​នេះ​ទៀត​ថា លោក​នឹង​ឲ្យ​ក្រុម​ការងារ រៀបចំ​សរសេរ​ច្បាប់​សម្រាប់​គ្រប់​គ្រង​ផ្ទះ​ជួល​ជា​បន្ត។ ថ្លែង​នៅ​មជ្ឈ​មណ្ឌល​កោះ​ពេជ្រ កាល​ពី​ថ្ងៃ​ទី​១០ ខែ​កុម្ភៈ​នេះ លោក​នាយក​រដ្ឋ​មន្រ្តី​ បាន​ពន្យល់​ថា ច្បាប់​នេះ​មាន​បំណង​​រារាំង​កុំ​ឲ្យ​ម្ចាស់​ផ្ទះ​ជួល អាច​តម្លើង​ថ្លៃ​ជួល​ស្រេច​តែ​នឹង​ចិត្ត។ ប៉ុន្តែ​ការ​លើក​ឡើង​ពី​គម្រោង​បង្កើត​ច្បាប់​នេះ បាន​បង្ក​ឲ្យ​ម្ចាស់​ផ្ទះ​មួយ​ចំនួន សម្ដែង​ការ​មិន​ពេញ​ចិត្ត និង​មួយ​ចំនួន​ទៀត និយាយ​ថា នេះ​ជា​នយោបាយ​ប្រជា​ភិថុត​របស់​លោក​នាយក​រដ្ឋមន្ត្រី។

ម្ចាស់ផ្ទះជួលមួយក្នុងម្ដុំត្រពាំងឈូក អ្នកស្រី ដួង សារឿន បានប្រាប់ទស្សនាវដ្តីមនោរម្យ.អាំងហ្វូថា អ្នកស្រី​មាន​បន្ទប់​ជួលជាច្រើនបន្ទប់។ ក្នុងនោះមួយចំនួន អ្នកស្រីជួលឲ្យនិស្សិត [...]

នៅចំពោះការចោទសួរ របស់អ្នកសារព័ត៌មានជាច្រើន ដែលសួរទៅកាន់លោក ឃួង ស្រេង អភិបាល​រង​រាជធានី​ភ្នំពេញ ទាក់ទងនឹងសំដីរបស់លោក ឡុង ឌីម៉ង់ ថាវត្តសាមគ្គីរង្សីមានបំណង ចង់បង្កើតតំបន់អបគមន៍នោះ លោក​អភិបាលរងបានបញ្ជៀសចម្លើយ ថាលោកមិនដែលធ្វើសន្និសីទការសែត និយាយយ៉ាងដូច្នេះនោះទេ។ លោក ឃួន ស្រេង បានតបទៅម្ចាស់សំនួរជាអ្នកសារព័ត៌មានវិញថា៖ «ក្រែងអូនអែងស្តាប់ខុស ពាក្យប្រហែល ឬសឹង។ អូនមានសិទ្ធិសួរ ខ្ញុំមានសិទ្ធិមិនឆ្លើយ។ (...) ពាក់ព័ន្ធនឹងវត្តនេះ ខ្ញុំមិនដែលនិយាយពាក្យថា អបគមន៍​ទេ។»

ហេតុការណ៍នេះកើតឡើង កាលពីរសៀលថ្ងៃទី១០ ខែកកុម្ភៈ ឆ្នាំ២០១៥ បន្ទាប់ពីលោក ឃួន ស្រេង បានដឹក​នាំ​កម្លាំងចម្រុះ ក្នុងនោះមានលោក ឡុង ឌីម៉ង់ មន្ត្រីអ្នកនាំពាក្យសាលារាជធានីផង ចុះធ្វើរដ្ឋបាល ពិនិត្យ​វត្តមាន​ព្រះសង្ឃ និងច្បាប់បង្កើតវត្ត នៅក្នុងវត្តសាមគ្គីរង្សី។ ប៉ុន្តែយុទ្ធនាការ ដែលមានដាក់កម្លាំងហ៊ំព័ទ្ធ​វត្ត​យ៉ាងសន្ធឹក​សន្ធាប់នោះ [...]

ភាព​មិន​ត្រូវ​គ្នា​ថ្មី ដែល​បាន​កើត​ឡើង​ ក្នុង​ជំនួប​ការងារ​កែ​ទម្រង់ នៃ​ការ​បោះ​ឆ្នោត រវាង​គណបក្ស​ធំ​ទាំង​ពីរ កាល​​​ពី​ថ្ងៃ​ទី​០៩ ខែ​កុម្ភៈ​​នេះ កឺ​ការ​ស្នើ​ឲ្យ​មាន​ការ​បង្កើត​មណ្ឌល​បោះ​ឆ្នោត​នៅ​តាម​ព្រំ​ដែន ដែល​លើក​ឡើង​ដោយ​គណបក្ស​សង្គ្រោះ​ជាតិ។ គណបក្ស​នេះ​យល់​ថា ការ​បង្កើត​ឲ្យ​មាន​មណ្ឌល​បោះ​ឆ្នោត​តាម​ព្រំដែន អាច បង្ហ​លក្ខណៈ​ងាយ​ស្រួល ដល់​ពលករ​ចំណាក​ស្រុក​របស់​កម្ពុជា ប្រើ​ប្រាស់​នូវ​សិទ្ធិរបស់​ខ្លួន​បាន​គ្រប់​គ្រាន់ និង​ទាន់​ពេល​វេលា​ទាំងកា​រចុះ​ឈ្មោះ និង​បោះ​ឆ្នោត។ តែ​ការ​លើក​ឡើង​ខាង​លើ​នេះ ត្រូវ​បាន​បដិសេធ​ដោយ​គណបក្ស​ប្រជាជន​កម្ពុជា។

សម្រាប់ទស្សនៈនៃក្រុមអង្គការសង្គមស៊ីវិល ដែលធ្វើការលើផ្នែកនេះ បានយល់ថា អ្វីដែលសំខាន់ គឹការសម្រួល តាមគ្រប់លទ្ធភាព និងគ្រប់មធ្យោបាយ ក្នុងការផ្តល់ភាពងាយស្រួលបំផុតដល់ប្រជាពលរដ្ឋ ឲ្យបានមកចុះឈ្មោះ និងបោះឆ្នោតបានគ្រប់គ្នា។ ការលើកឡើងនេះ [...]

ពាក់ព័ន្ធ​នឹង​ជន​ជាតិ​ម៉ុងតាញ៉ា​ទាំង​១៣នាក់ កម្ពុជា​ត្រូវតែ​អនុវត្ត​តាម​អនុសញ្ញា​អន្តរជាតិ ស្តី​ពី​ការ​ទទួល​យក​ជន​ភៀស​ខ្លួន ដែល​កម្ពុជា​ជា​ប្រទេស​ហត្ថលេខី និង​អនុវត្ត​តាម​ដរាប​ណា​ជនជាតិ​ទាំង​នោះ បាន​បង្ហាញ​ឯកសារ​បញ្ជាក់​ថា ពួក​គេ​ជា​ជន​ភៀស​ខ្លួន។ ផ្ទុយ​មក​វិញ បើ​ពូក​គេ​គ្មាន​ឯកសារ​ណា​មួយ ដែល​បង្ហាញ​ថា​ជា​ជន​ភៀស​ខ្លួន​ទេ ចាំ​បាច់​ត្រូវ​អនុវត្ត​តាម​ច្បាប់​អន្តោ​ប្រវេសន៍​របស់​កម្ពុជា ហើយ​បញ្ជូន​ជន​ទាំង​នោះ ទៅ​កាន់​ប្រទេស​ដើម​វិញ។ នេះ​ជា​ការ​អះ​អាង​របស់​លោក ស ខេង ឧប​នាយក​រដ្ឋមន្ត្រី និង​ជា​រដ្ឋមន្ត្រី​មហាផ្ទៃ​កម្ពុជា ដែល​បាន​ផ្តល់​កិច្ច​សម្ភាស​ជា​មួយ​អ្នក​សារព័ត៌មាន ដើរ​និយាយ​ទាំង​តក់​ក្រហល់ នៅ​ព្រឹក​ថ្ងៃ​ទី​១០ ខែ​កុម្ភៈ ឆ្នាំ​២០១៥​នេះ បន្ទាប់​ពី​បាន​ចូលរួម​ក្នុង​ពិធី​ប្រកាស​ផ្សព្វផ្សាយ ដាក់​ឲ្យ​ប្រើ​ប្រាស់ ជា​ផ្លូវ​ការ​ផែនការ​សកម្មភាព​ជាតិ ស្តី​ពី​ការ​ទប់​ស្កាត់អំ​ពើ​ហិង្សា​លើ​ស្រ្តី [...]