ភាព​មិន​ត្រូវ​គ្នា​ថ្មី ដែល​បាន​កើត​ឡើង​ ក្នុង​ជំនួប​ការងារ​កែ​ទម្រង់ នៃ​ការ​បោះ​ឆ្នោត រវាង​គណបក្ស​ធំ​ទាំង​ពីរ កាល​​​ពី​ថ្ងៃ​ទី​០៩ ខែ​កុម្ភៈ​​នេះ កឺ​ការ​ស្នើ​ឲ្យ​មាន​ការ​បង្កើត​មណ្ឌល​បោះ​ឆ្នោត​នៅ​តាម​ព្រំ​ដែន ដែល​លើក​ឡើង​ដោយ​គណបក្ស​សង្គ្រោះ​ជាតិ។ គណបក្ស​នេះ​យល់​ថា ការ​បង្កើត​ឲ្យ​មាន​មណ្ឌល​បោះ​ឆ្នោត​តាម​ព្រំដែន អាច បង្ហ​លក្ខណៈ​ងាយ​ស្រួល ដល់​ពលករ​ចំណាក​ស្រុក​របស់​កម្ពុជា ប្រើ​ប្រាស់​នូវ​សិទ្ធិរបស់​ខ្លួន​បាន​គ្រប់​គ្រាន់ និង​ទាន់​ពេល​វេលា​ទាំងកា​រចុះ​ឈ្មោះ និង​បោះ​ឆ្នោត។ តែ​ការ​លើក​ឡើង​ខាង​លើ​នេះ ត្រូវ​បាន​បដិសេធ​ដោយ​គណបក្ស​ប្រជាជន​កម្ពុជា។

សម្រាប់ទស្សនៈនៃក្រុមអង្គការសង្គមស៊ីវិល ដែលធ្វើការលើផ្នែកនេះ បានយល់ថា អ្វីដែលសំខាន់ គឹការសម្រួល តាមគ្រប់លទ្ធភាព និងគ្រប់មធ្យោបាយ ក្នុងការផ្តល់ភាពងាយស្រួលបំផុតដល់ប្រជាពលរដ្ឋ ឲ្យបានមកចុះឈ្មោះ និងបោះឆ្នោតបានគ្រប់គ្នា។ ការលើកឡើងនេះ ទំនងជាត្រូវបានលោក ហង្ស ពុទ្ធា នាយកប្រតិបត្តិអង្គការឃ្លាំ​មើលការបោះឆ្នោត និចហ្វិច ឯកភាពឲ្យមានការបង្កើតមណ្ឌលបោះឆ្នោតនៅតាមព្រំដែន។ តាមកិច្ចសម្ភាស​របស់​​លោក ជាមួយវិទ្យុក្នុងស្រុកមួយ បានអះអាងថា ការបង្កើតបាន ឬមិនបាន វាអាស្រ័យលើលទ្ធភាពផ្ទាល់ របស់​រដ្ឋាភិបាលកម្ពុជា។ លោកបានបញ្ជាក់យ៉ាងដូច្នេះថា «កម្ពុជា បើមានលទ្ធភាព បង្កើតឲ្យមានមណ្ឌល​បោះ​ឆ្នោត​នៅតាមព្រំដែនហើយ តែបែរជាមិនធ្វើនោះ វាជាការបន្ទុចបង្អាក់ រារាំងការចុះឈ្មោះ ក៏ដូចជារារាំង​ដល់​ដំណើរការនៃការបោះឆ្នោត»។

លោកបានផ្តល់អនុសាសន៍ថា គណបក្សទាំងពីរគួណាស់ កំណត់ឲ្យបានជាក់លាក់ នៅក្នុងច្បាប់បោះឆ្នោត​តែ​ម្តង ចំពោះការរារាំងការចុះឈ្នោះ ឬការបោះឆ្នោតនៅតាមព្រំដែន។ លោកបានបន្ថែមទៀតថា៖ «តំណាង​គណបក្ស​ទាំងពីរ ហាក់បីដូចជាគ្មានអភ័យឯកសិទ្ធិសម្រេច ឬមិនសម្រេច។ ផ្ទុយទៅវិញ ដើម្បីដោះស្រាយ​បញ្ហា​ទាំងនោះ ចំពោះការចុះឈ្មោះនៅតាមព្រំដែននេះ ដើម្បីជៀសវាងនូវការរាំងស្ទះ គណបក្សទាំងពីរគួតែ ចែងនូវ​ក្នុងច្បាប់បោះឆ្នោតតែម្តង ដោយបញ្ជាក់ថា បើអ្នកណា ភាគីណា បុគ្គលណា បក្សណា ក្រុមណាដែល រារាំង​ដល់​ការបោះឆ្នោត ការចុះឈ្មោះបោះឆ្នោត របស់ប្រជាពលរដ្ឋ នឹងត្រូវទទួលពិន័យ។ (...) នោះគណបក្សទាំងពីរ មិន​ហ៊ាន​រារាំង ឬបន្ទុចបង្អាក់ ដល់ដំណើការចុះឈ្មោះ ឬបោះឆ្នោតនៅតាមព្រំដែននោះទេ។»

សួមរំលឹកថា ជំនួបគណបក្សធំៗទាំងពីរ កាលពីថ្ងៃរសៀលថ្ងៃទី០ ខែកុម្ភៈម្សិលម៉ិញនេះ នៅវិមានរដ្ឋសភា គណបក្ស​សង្គ្រោះជាតិ បានស្នើឲ្យមានការបង្កើតទីតំាង ចុះឈ្មោះបោះឆ្នោតមួយកន្លែង នៅក្បែរព្រំដែន​កម្ពុជា​-ថៃ ដើម្បី​ឲ្យពលករដែលកំពុងបម្រើការងារ នៅក្នុងប្រទេសថៃមានលទ្ឋភាពចូលរួមបោះឆ្នោត។ ប៉ុន្តែសំណើនេះ បាន​ត្រូវ​ក្រុមការងារចរចា ខាងគណបក្សប្រជាជនកម្ពុជាបដិសេធមិនទាន់ឯកភាពទេ។

លោក ប៊ិន ឈិន បានធ្វើការបដិសេធចំពោះសំណើរមួយនេះ ដោយលោកបង្ហាញហេតុផលថា វានឹងបង្ក​ការ​លំបាក និងភាពរញ៉េរញ៉ៃច្រើន។ លោកឲ្យពលករទាំងអស់មកបោះឆ្នោត នៅតាមស្រុកកំណើតរៀងៗខ្លួន។

សូមទស្សនាកិច្ចសម្ភាសជាមួយលោកគួច ប៊ុន រឿន និងលោក ប៊ិន ឈិន ជាមួយអ្នកសារព័ត៌មាន​ដូច​ខាង​ក្រោម៖