ព្រឹកនេះ UN នឹងប្រគល់ផែនទីទាំង១៨ផ្ទាំង ដល់កម្ពុជា
តាមការគ្រោងទុក ផែនទីទាំង១៨ ផ្ទាំង មកពីអង្គការសហប្រជាជាតិ នឹងប្រគល់ដល់ភាកីកម្ពុជា នាព្រឹកថ្ងៃទី២០ ខែសីហានេះ វេលាម៉ោង៩ និង៣០នាទី។ ការចូលរួមទទួល និងពិនិត្យលើផែនទី ដែលបានមកពីអង្គការសហប្រជាជាតិនេះ រួមមាន៨ភាគីដែលនឹងត្រូវមានវត្តមាន។
សមាសភាពទាំងនោះ រួមមានគណៈកម្មការចំពោះកិច្ច សម្រាប់សម្របសម្រួលការងារទទួល ប្រគល់ និងផ្ទៀងផ្ទាត់ផែនទីចំនួន៧រូប តំណាងគណបក្សប្រជាជនកម្ពុជា ចំនួនមាន៥រូប តំណាងគណបក្សសង្គ្រោះជាតិ ចំនួន៥រូប តំណាងគណបក្សហ្វ៊ុនស៊ិនប៉ិច៥រូប តំណាងសមាជិកព្រឹទ្ធសភា គណបក្សប្រជាជនចំនួន៣រូប តំណាងសមាជិកព្រឹទ្ធសភាគណបក្ស សម រង្ស៊ី ចំនួន៣រូប តំណាងសមាជិករដ្ឋសភា គណបក្សប្រជាជនកម្ពុជាចំនួន៣រូប និងតំណាងសមាជិករដ្ឋសភាគណបក្សសង្រ្គោះជាតិ ចំនួន៣រូប។
សូមរំលឹកថា កាលពីថ្ងៃទី១៨ ខែសីហា វេលាម៉ោង១០ យប់ ផែនទីទាំង១៨ ផ្ទាំង ដែលរដ្ឋាភិបាលកម្ពុជា ស្នើសុំខ្ចីពីអង្គការសហប្រជាជាតិនោះ [...]