Posts tagged as "Sam Rainsy"

បើលោក ហ៊ុន សែន ធ្លាក់ពីតំណែងជានាយករដ្ឋមន្ត្រី ឬអស់អំណាចពីប្រទេសកម្ពុជា នោះយួនក៏នឹង​ត្រូវ​បាត់​បង់ នូវអំណាចនយោបាយទាំងបីនេះដែរ។ នេះបើគេស្ដាប់ការពន្យល់រៀបរាប់ របស់លោក សម រង្ស៊ី ប្រធាន​គណបក្សសង្គ្រោះជាតិ ដែលបានថ្លែង​ទៅកាន់ក្រុមអ្នកគាំទ្រ នៅ​ក្នុង​ក្រុង មៀរ៉ាម៉ាស (Miramas) ជិតក្រុង ម៉ាសីយ៍ (Marseille) ភាគខាង​ត្បូង​ប្រទេស​បារាំង ក្នុងរសៀលថ្ងៃសៅរ៍ ទី៦ ខែសីហា ឆ្នាំ២០១៦។

ទស្សនាវដ្ដីមនោរម្យ.អាំងហ្វូ មិនអាចស្វែងរកប្រតិកម្មតប​ភ្លាមៗ ពីសំណាក់មន្ត្រីរដ្ឋាភិបាល ឬពីសំណាក់​គណបក្ស​ប្រជាជន​កម្ពុជា បានទេ ដោយសារពេលវេលា នៃការរៀបចំអត្ថបទនេះ ធ្វើឡើងនៅពេលយប់​ (ល្ងាចនៅបារាំង យប់​ជ្រៅ​នៅ​កម្ពុជា)។

លោក សម រង្ស៊ី ដែលកំពុងនិរទេសខ្លួនឯង ចេញពីការចាប់ចង របស់អាជ្ញាធរក្នុងប្រទេសកម្ពុជា បានអះអាងថា អំណាចនយោបាយទាំងបី របស់យួននេះ តម្រូវឲ្យយួនចាំបាច់ ត្រូវគ្រប់គ្រងប្រទេសកម្ពុជា ហើយលោក​នាយក​រដ្ឋមន្ត្រី ហ៊ុន [...]

តាមមើលទៅ លោក សម រង្ស៊ី ទំនងជាឈប់ចាក់ក្រឡេក ឲ្យគ្រាន់តែឲ្យរសើប ​ដូចលើកមុនហើយ។ ប្រធាន​គណបក្ស​សង្គ្រោះជាតិ បាន​យក​ភស្ដុតាង​ជា​វីដេអូ​ ក្នុងប្រវត្តិសាស្ត្រមួយទៀត មក​បញ្ជាក់ថា លោក ហេង សំរិន ធ្លាប់​បាន​ជេរប្រមាថ អតីតព្រះមហាវីរក្សត្រ ព្រះបាទសម្ដេច នរោត្ដម សីហនុ និងបានប្រៀបធៀបព្រះអង្គ ទៅនឹង ប៉ុល ពត ដែលត្រូវបានតុលាការប្រជាជន ក្នុងរបបសាធារណរដ្ឋប្រជាមានិតកម្ពុជា កាត់ទោសប្រហារជិវិត ដោយ​កំបាំងមុខ។ វីដេអូនេះ ទើបនឹងត្រូវបានយកមកបង្ហោះ លើទំព័រហ្វេសប៊ុករបស់លោក នៅយប់ថ្ងៃសុក្រ ទី៥ ខែ​សីហា មុននេះបន្តិច។

អមនឹងវីដេអូនោះ លោក សម រង្ស៊ី បានសរសេរជាភាសាខ្មែរ មានសេចក្ដីថា៖ «ក្នុងសុន្ទរកថារបស់គាត់ (លោក ហេង សំរិន) មួយនេះ ក្នុងឆ្នាំ ១៩៧៩ សមមិត្ត ហេង សំរិន បានជេរប្រមាថសម្តេចព្រះ នរោត្តម សីហនុ ហើយ​បាន​ប្រៀបធៀបព្រះអង្គ ទៅនឹង ប៉ុល ពត ដែលត្រូវបានគេកាត់ទោសប្រហារជិវិត (ដោយ) កំបាំងមុខ។»។

លោក សម រង្ស៊ី កំពុង«ឡប់សតិស្មារតី អស់តម្លៃ និងហ៊ានធ្វើ អ្វីៗគ្រប់បែបយ៉ាង» ដោយសារ​ការ​ចោទប្រកាន់ និង​មហិច្ឆតារបស់លោក ដែលចង់បានអំណាចហួសហេតុពេក។ នេះជា​សំណេរ​វាយប្រហារ យ៉ាងចាស់ដៃ កាល​ពី​ថ្ងៃ​ទី៣ ខែសីហា ពីសំណាក់លោក ផៃ ស៊ីផាន អ្នក​នាំ​ពាក្យ​​ទីស្ដីការ​គណរដ្ឋ​មន្ត្រី តបទៅនឹងការលើកឡើង ជា​សាធារណៈ និងជាច្រើនដង របស់​លោក សម រង្ស៊ី ប្រធាន​គណបក្ស​សង្គ្រោះជាតិ ដែលបង្ហាញការជឿជាក់ថា «រដ្ឋាភិបាល ជាអ្នក​នៅ​ពី​ក្រោយ​ឃាតករ ដែលបាន​បាញ់សម្លាប់លោកបណ្ឌិត កែម ឡី»។

លោក សម រង្ស៊ី ដែលកំពុងនិរទេសខ្លួនឯង​នៅឯបរទេស បានសរសេរម្ដងជាពីរដង នៅលើទំព័រ​ហ្វេសប៊ុក​របស់​លោក ជឿជាក់ថា ឃាតកម្មទៅលើលោក កែម ឡី ជាករណីដូចគ្នា ទៅនឹង​«ករណី​​គប់​គ្រាប់បែក ក្នុងឆ្នាំ១៩៩៧ ដែលបានបណ្តាល​ឲ្យស្លាប់មនុស្ស យ៉ាងតិច១៦នាក់ និង​ដូច​ក្នុង​ករណីឃាតកម្ម​លើលោក ជា វិជ្ជា ក្នុងឆ្នាំ​២០០៤ និងករណីឃាតកម្ម លើលោក ឈុត វុទ្ធី ក្នុងឆ្នាំ២០១២ [...]

ភាគីចុងចោទ មិនទាន់ត្រូវបានសួរនាំពីមុនមកទេ ហើយរយៈពេលនៃការដាក់ពាក្យបណ្ដឹង ក៏ដូចជារំលងគ្នា​តែប៉ុន្មានម៉ោងប៉ុណ្ណោះដែរ តែលោក​ព្រះរាជអាជ្ញារង​​នៃសាលាដំបូងរាជធានីភ្នំពេញ បានហៅភាគីចុងចោទ ថាជាជនជាប់សង្ស័យទៅហើយ។ នេះបើគេសំអាងលើ ដីកាកោះមួយចុះថ្ងៃទី០១ ខែសីហា របស់ព្រះរាជ​អាជ្ញា​រង នៃអយ្យការអមសាលាដំបូងរាជធានីភ្នំពេញ លោក លី សុផាណា ដែលបានកោះហៅប្រធាន​គណបក្ស​សង្គ្រោះ​ជាតិ លោក សម រង្ស៊ី ឲ្យចូលមកឆ្លើយបំភ្លឺ តាមបណ្ដឹង​របស់​លោក​នាយករដ្ឋមន្ត្រី ហ៊ុន សែន ដែលចុះ​ថ្ងៃទី០១ ខែសីហា​ដដែល ជុំវិញ​ការចោទប្រកាន់ជាសាធារណៈ ថាលោក ហ៊ុន សែន នៅពីក្រោយឃាតកម្ម ទៅ​​លើ​លោក កែម ឡី។

ក្នុងដីកាកោះ ដែលទស្សនាវដ្ដីមនោរម្យ.អាំងហ្វូ ទទួលបានមួយច្បាប់ដែរ នៅក្នុងថ្ងៃទី៣ ខែសីហានេះ បាន​សរសេរ​ថា៖ «យើង លី សុផាណា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ អញ្ជើញ​ឈ្មោះ សម រង្ស៊ី ជាជនជាប់សង្ស័យ (មាន)អាស័យដ្ឋាន (...) [...]