Posts tagged as "Media"

ចាប់ពីថ្ងៃសុក្រទី២០ ខែតុលានេះតទៅ បណ្ដាជនខ្មែរ និងឡាវ នឹងអាចស្វែងយល់ ពីព័ត៌មានទាំងឡាយ ដែលសារព័ត៌មានកុម្មុយនីស្ដ​វៀតណាម ឈ្មោះ «កាសែតកងទ័ពប្រជាជន (Quân đội nhân dân)» ផ្សាយចេញពីរដ្ឋធានី ហាណូយ។ នេះបើតាមការការផ្សាយឲ្យដឹង របស់ទីភ្នាក់ងារ​ព័ត៌មាន​ផ្លូវការ របស់​របប​កុម្មុយនីស ឈ្មោះ«VNA»។

ការចេញផ្សាយថ្មីជាខេមរភាសា និងជាភាសាឡាវនេះ ត្រូវបានសារព័ត៌មានកុម្មុយនីស្ដ ផ្ដល់ជូនព័ត៌មានជា ១១ផ្នែក៖ នយោបាយ ការពារជាតិ-សន្តិសុខ ទំនាក់ទំនងវៀតណាម-កម្ពុជា (ទំនាក់ទំនងវៀតណាម-ឡាវ សម្រាប់ភាសាឡាវ) អន្តរជាតិ សេដ្ឋកិច្ច-សង្គម វប្បធម៌-អប់រំ-ទេសចរណ៍និងកីឡា ការកំសាន្ដ (ទឹកដី-មនុស្ស សម្រាប់ភាសាឡាវ) ប្រវត្តិសាស្ត្រ-ប្រពៃណី រូបថត វីដេអូ និងសម្លេង។

ប៉ុន្តែគេមិនសង្ឃឹម ពីព័ត៌មានដែលផ្សាយចេញពីគេហទំព័រនេះ ថាមានឯករាជ្យភាព ឬជាដំណឹងទាន់ហេតុការណ៍ ចេញពីប្រទេសកម្ពុជា ឬប្រទេសឡាវនោះទេ។ ដោយហេតុថា [...]

បន្ទាប់ពីសារព័ត៌មានធំៗ ដែលបានបិទទ្វា (និងត្រូវបានបិទទ្វា) ជាបន្តបន្ទាប់នោះ រដ្ឋាភិបាលលោក ហ៊ុន សែន ទំនងជាកំពុងក្ដៅស្លឹកត្រជៀក ជាមួយនឹងគេហទំព័រសារព័ត៌មានដើមត្នោតមួយទៀត ដែលចេះតែផ្សាយ ពីអត្ថបទរសើបៗ ទាក់ទងនឹងរឿងរ៉ាវកៀកកោះ ប្រឡោះប្រហោងនានា របស់រដ្ឋាភិបាលគណបក្សប្រជាជនកម្ពុជា។

សេចក្ដីប្រកាសព័ត៌មានមួយ របស់ក្រសួងមហាផ្ទៃ ដែលចេញផ្សាយកាលពីម្សិលម៉ិញ តែទើបមកដល់ដៃអ្នកសារព័ត៌មាន ក្នុងយប់ថ្ងៃនេះ បានព្រមានស្ថាប័នសារព័ត៌មាន «Online» មួយនេះ ជុំវិញអត្ថបទមួយរបស់ខ្លួន ដែលចេញផ្សាយ តាំងពីថ្ងៃទី២៥ ខែកញ្ញា ឆ្នាំ២០១៧ ស្ដីពីការតែងតាំងចៅហ្វាយខេត្តបាត់ដំបង ដែលទំនងជាត្រូវបានធ្វើឡើង តាមរយៈបក្ខពួកនិយម និងអំពើពុករលួយ។

ដោយស្រង់ប្រភពលាក់ឈ្មោះមួយ គេហទំព័រនេះ បានសរសេរចោទជាសំនួរ ដំបូងឡើងថា [...]

ពាក្យបណ្ដឹងរបស់លោក ពេជ្រ ស្រស់ ប្រធានគណបក្សយុវជនកម្ពុជា ដែលបានដាក់ចូល ទៅសាលាដំបូងរាជធានី កាលពីថ្ងៃទី០៨ ខែកញ្ញា ឆ្នាំ២០១៧នេះ ទទួលបានការចាត់វិធានការ ជាបន្តបន្ទាប់។ លោក គុជ គីមឡុង ព្រះរាជអាជ្ញារង នៃអយ្យការ​អមសាលាដំបូង បានចេញដីកា នៅថ្ងៃម្សិលម៉ិញ កោះហៅ មនុស្សពាក់ព័ន្ធមួយចំនួន រួមមានព្រះតេជគុណ ប៊ុត ប៊ុនតិញ - លោក ប៉ាង ងួងទៀង និងលោក មឿន តុលា ឲ្យចូលខ្លួនទៅបំភ្លឺ នៅក្នុងពេលវេលាខុសៗគ្នា។

លោក ប៉ា ងួនទៀង នាយកមជ្ឈមណ្ឌលកម្ពុជា សម្រាប់ការផ្សព្វផ្សាយឯករាជ្យ និងលោក មឿន តុលា នាយកមជ្ឈមណ្ឌលសម្ព័ន្ធការងារ និងសិទ្ធិមនុស្ស ហៅកាត់ថា «Central» ត្រូវដីកានោះ បញ្ជាឲ្យចូលខ្លួន នៅថ្ងៃទី០៩ ខែតុលា ឆ្នាំ២០១៧ (ខុសម៉ោងគ្នាបន្តិច) ខណៈព្រះសង្ឃ ប៊ុត ប៊ុនតិញ ស្ថាបនិកបណ្ដាញព្រះសង្ឃឯករាជ្យ ដើម្បីយុត្តិធម៌សង្គម ត្រូវដីកាបញ្ជា ឲ្យចូលព្រះកាយ នៅថ្ងៃទី១១ ខែតុលា។ នេះ [...]

«កម្ពុជា មិនស្ថិត​ក្នុងដំណាក់កាល​កុមារភាព​ទៀតទេ» បើនិយាយទាក់ទង ដល់វិស័យសិទ្ធិមនុស្ស លិទ្ធិប្រជាធិបតេយ្យ និងនីតិរដ្ឋ រួមទាំងសេរីភាព នៃការបញ្ចេញមតិ សេរីភាពនៃការចូលរួម និងកាតព្វ​កិច្ចផ្សេងៗ។ នេះ ជាការអះអាង នៅក្នុងសេចក្ដីថ្លែងការណ៍មួយ របស់​ស្ថានបេសកកម្មអចិន្ត្រៃយ៍ របស់ប្រទេសកម្ពុជា ប្រចាំអង្គការសហប្រជាជាតិ តបដោយផ្ទាល់ ទៅនឹងការលើកឡើង កាលពីថ្ងៃទី២៥ ខែសីហា ឆ្នាំ២០១៧ របស់ឧត្ដម​ស្នងការ​ជាន់ខ្ពស់ របស់អង្គការ​សហប្រជាជាតិ ទទួលបន្ទុកសិទ្ធិមនុស្ស ដែលបានប្រតិកម្ម ទៅនឹងការបិទអង្គការ «NDI» និងប្រព័ន្ធផ្សព្វផ្សាយឯករាជ្យ​មួយចំនួន នៅកម្ពុជា។

អង្គការសហប្រជាជាតិ តាមរយៈសម្លេង របស់អ្នកស្រី «Liz Throssell» អ្នកនាំពាក្យឧត្ដមស្នងការជាន់ខ្ពស់ ទទួលបន្ទុកសិទ្ធិមនុស្ស (HCDH) បានធ្វើប្រតិកម្មខ្លាំងៗ ចំពោះចំណាត់ការជាបន្តបន្ទាប់នោះ ដោយថ្លែងអំពាវនាវ ឲ្យរដ្ឋាភិបាលកម្ពុជា ត្រូវគោរព​​កាតព្វកិច្ច​ខ្លួន [...]

អង្គការសហប្រជាជាតិ តាមរយៈស្នងការជាន់ខ្ពស់ ទទួលបន្ទុកសិទ្ធិមនុស្ស (HCDH) ដែលមានទីស្នាក់ការ នៅក្នុងទីក្រុងហ្សឺណែវ ប្រទេសស្វីស បានធ្វើប្រតិកម្មខ្លាំងៗ ចំពោះយុទ្ធនាការជាបន្តបន្ទាប់ ពីសំណាក់រដ្ឋាភិបាលកម្ពុជា ក្នុងការបិទ ឬជំហានទៅបញ្ឈប់ សកម្មភាពរបស់អង្គការសង្គមស៊ីវិលមួយចំនួន ជាពិសេសអង្គការ «វិទ្យាស្ថានជាតិ​ប្រជាធិបតេយ្យ (NDI)» របស់អាមេរិក និងការផ្សព្វផ្សាយ របស់ប្រព័ន្ធផ្សព្វផ្សាយ​ឯករាជ្យ​មួយចំនួន នៅក្នុងប្រទេសកម្ពុជា។ អង្គការសហប្រជាជាតិ បានថ្លែងអំពាវនាវ ឲ្យរដ្ឋាភិបាលកម្ពុជា ត្រូវគោរព​​កាតព្វកិច្ច​ខ្លួន ក្នុងការធានាសិទ្ធិនយោបាយ ស៊ីវិល និងធានាពីសិទ្ធិ​សេរីភាព របស់ប្រព័ន្ធផ្សព្វផ្សាយ។

អ្នកនាំពាក្យរបស់ស្នងការជាន់ខ្ពស់ អ្នកស្រី «Liz Throssell» បានថ្លែងឲ្យដឹង នៅក្នុងសន្និសីទកាសែត ក្នុងទីស្នាក់ការក្រុង ហ្សឺណែវ ថា៖ «យើងស្នើទៅរដ្ឋាភិបាលកម្ពុជា ឲ្យធានាឲ្យមាន នូវនីតិវិធីជាទៀងទាត់ [...]