Posts tagged as "Circulation"

បុរសម្នាក់ ដែលចេញពីសំអាតឈាម នៅមជ្ឈមណ្ឌលឈាមកាល់ម៉ែត បានថយឡាន បុកដើមឈើនៅ​អែប​ផ្លូវ​នោះ បណ្ដាលឲ្យដួល ដោយសារការភ្លេចភ្លាំងស្មារតី ព្រោះមានជម្ងឺប្រចាំកាយ។ នៅពេលមានគ្រោះថ្នាក់នេះ មន្ត្រី​ប៉ូលិសចររាចរណ៍ម្នាក់ បាននិយាយទៅកាន់ស្រ្តី ជាប្រពន្ធម្ចាស់ឡានថា បើចង់ចប់រឿងប្រគល់លុយ ៣០០​ដុល្លា ឲ្យខ្លូនទៅបានហើយ។

ផ្ទុយទៅវិញ អ្នក ប៉ែន យ៉ានី ជាភរិយានោះ បានបដិសេធថា អ្នកស្រីគ្មានលុយទេ។ តែប៉ូលិសចររាចរណ៍រូបនោះ នៅតែបន្តនិយាយឲ្យអ្នកស្រី ចំណាយប្រាក់ដើម្បីបញ្ចប់រឿងដដែល ដែលក្នុងនោះ មានអ្នករត់ម៉ូតូឌុបម្នាក់ដែរ ដែល​ត្រូវរបួសដៃដោយសារ ដើមឈើខាងលើ។ អ្នកស្រី ប៉ែន យ៉ានី ដោយមិនចង់មានរឿងវែងឆ្ងាយ ក៏ប្រាប់ទៅ​ប៉ូលិសរូបនោះថា អ្នកស្រីគ្មានលុយទេ តែអ្នកស្រីអាចខ្ចី ប្អូនអ្នកស្រី ៦០ ដុល្លា។ បន្ទាប់មក មន្រ្តីនគរបាលជើង​ឆើតម្នាក់នេះ បានយកលុយនោះ ហើយបានចាកចេញ ដោយគ្មានដោះស្រាយអ្វីទាំងអស់។

ម្ចាស់អ្នកបើកបររថយន្ដ លោក គីម [...]

អ្នកនៅក្នុងព្រឹត្តិការណ៍នេះលោក កឿន បានប្រាប់ទស្សនាវដ្តីមនោរម្យ.អាំងហ្វូឲ្យដឹងថា ដំបូងឡើយ ឡាន​ខាង​លើបានបើកយឺតៗទេ បម្រុងនឹងឈប់នៅស្តុប ផ្លូវភ្លោះអូរឬស្សី តាមបណ្តោយផ្លូវមុន្នីវង្ស ពីត្បូងទៅជើង។ ឡាន​នោះ បានឈប់ចាំរហូតដល់ភ្លើងស្តុបពណ៍ខៀវ បានបើកចេញតិចៗទៅ នៅពេលបត់តិចៗបម្រុង នឹងទៅឆ្វេង ស្រាប់តែមិនដឹងយ៉ាងម៉េច ឡានបានតម្លើង«ហ្គែរ» កាន់តែលឿន រហូតដល់បុកបង្គោលស្តុប មិនឈប់រុលទៅបុក ហាងលក់កាមេរ៉ា នៅជាប់នោះទៀត បណ្តាលឲ្យមានការខូចខាតមួយចំនួន។

បន្ទាប់ពីឡានអស់ខ្យល់ ដោយបុកជាប់ពីមុខហាងកាមេរ៉ានោះទាំង រំលងអាធ្រាតយប់ អ្នកទាំងបួន​បាននាំគ្នា​ចេញ​ពីឡាន ហើយដើរចេញមកក្រៅ គ្មានអ្នកណារងរបួសធ្ងន់នោះទេ។ សាក្សីបានឲ្យដឹងទៀតថា អ្នកបើក​រថយន្ត​បង្ករគ្រោះថ្នាក់ ឈ្មោះ សុទ្ធា អភារាជ ជានិស្សិតនៅសាកលវិទ្យាល័យបញ្ញាសាស្ត្រកម្ពុជា បានបើកបរ​ឡាន​មួយគ្រឿងនេះ មានពណ៍ខៀវទឹកប៉ិច និងពាក់ស្លាកលេខ ភ្នំពេញ ២P-៤៤៦៤។

បើស្រវឹង កុំបើកបរ ហើយបើបើកបរ កុំផឹកឲ្យស្រវឹង។ ការបើកបរទាំងស្រវឹង ជាទង្វើល្មើសច្បាប់ ហើយការ​បើក​បរទៅបុក ថ្មខណ្ឌចែកទ្រូងផ្លូវ ក៏ជាទង្វើ«បំផ្លាញទ្រព្យសម្បត្តិសាធារណៈដែរ»។ ប៉ុន្តែសួរថា តើអង្កាល់ទៅ ទើប​ច្បាប់អាចត្រូវគេអនុវត្តន៍ ទៅលើអ្នកបើកបរ ទាំងស្រវឹងទាំងនេះ?

នេះជាករណី បើកបរទាំងស្រវឹង មើលឃើញថ្មពុះចែកថ្នល់ ថាជាផ្លូវ បើកទៅបុក លុះត្រារបើកខ្ចាត់ខ្ចាយអស់។ សំណាងល្អ ដែលបានបើកឡាន ឡើងទ្រូងផ្លូវ ខ្ទេចទ្រូងផ្លូវ ឡានរងការខូចខាតខ្លះ តែម្ចាស់អ្នកបើកបរ នៅមាន​សុវត្តិភាពធម្មតា។ ហើយបុរសអ្នកបើកឡាន ដែលគេបានឃើញ បើកឡើងបុកទ្រូងផ្លូវនោះ ឈ្មោះ ឈ្មោះ អ៊ុន ចន្ថា បច្ចុប្បន្ន ជាអ្នកធ្វើការ នៅក្នុងក្រសួងពាណិជ្ជកម្ម។

សាក្សីដែលបានឃើញហេតុការណ៍នេះ បានប្រាប់ឲ្យដឹងថា ករណីគ្រោះថ្នាក់ចររាចរណ៍ បើកឡានបុកទ្រូង​ផ្លូវ​ពេញទំហឹងនេះ បានកើតឡើង កាលពីវេលាម៉ោង ១២ និង៣០ នាទីយប់ថ្ងៃទ០៧ ឈានចូលថ្ងៃទី០៨ ខែ​មិថុនា ឆ្នាំ២០១៥ [...]

ពលរដ្ឋម្នាក់ ក្នុងចំណោមអ្នកឃើញ ហេតុការណ៍នេះ បានបើកម៉ូតូតាមពីក្រោយ ឡានដែលបង្កគ្រោះថ្នាក់ ទោះ​ជាដឹងថា ឡានបើកលឿនយ៉ាងណាក៏ដោយ។ ប៉ុន្តែ មិនមែនតែពលរដ្ឋម្នាក់នេះទេ តែអ្នកឃើញហេតុការណ៍​គ្រោះថ្នាក់នេះខ្លះ បានទូរស័ព្ទទៅប៉ូលិសឲ្យជួយស្ទាក់ ខណៈអ្នកខ្លះទៀត បានទូរស័ព្ទទៅវិទ្យុ ABC ដោយខ្លាចក្រែង ជននេះទៅ​ធ្វើ​ឲ្យអ្នកផ្សេង រងគ្រោះទៀត។

ប៉ុន្តែផ្លូវនៅក្នុងរាជធានី មិនអនុញ្ញាតឲ្យម្ចាស់រថយន្ដ ប្រើល្បឿនដើម្បីបើករត់គេចខ្លួន បានដោយងាយៗ នោះ​ឡើយ។ ទីបំផុតទៅ អ្នកបើកឡានខាងលើ ត្រូវបានប្រជាពលរដ្ឋឃាត់ឡានបាន នៅលើផ្លូវលេខ៤០ ជិតផ្សារ​ដើមគ ក្នុងសង្កាត់ ទួលស្វាយព្រៃ ខណ្ឌចំការមន រាជធានីភ្នំពេញ កាលពីវេលាម៉ោងប្រមាណជា១០ និង១០​នាទី យប់ថ្ងៃទី ០៤ ខែមិថុនា ឆ្នាំ២០១៥។

សាក្សីដែលនៅក្នុងហេតុការណ៍នេះ បានប្រាប់ឲ្យដឹងថា ដំបូងគេឃើញរឺម៉កកង់បី បើកពីកើតទៅលិច តាម​បណ្តោយ​ផ្លូវម៉ុន្នីរ៉េត ចណែកឯឡានបើកពីលិច ទៅកើត នៅលើផ្លូវនេះដែរ [...]

ស្រវឹងជិះលឿន មិនបានប្រយ័ត្ន បង្កគ្រោះថ្នាក់ខ្លូនឯង នៅកណ្តាលផ្លូវរហូតមានរបួស។ ករណីនេះ កើតឡើងដោយ​សារ​បុរសម្នាក់ ដែលបានទទួលទាន ស្រាស្រវឹងជ្រុល ហើយបានបើកម៉ូតូ​ បុកទ្រូងផ្លូវ បណ្តាលឲ្យខ្លូនឯងមានរបួស ហើយ​ម៉ូតូ​រងការខូចខាត មួយចំនួនទៀត។ គ្រោះថ្នាក់មិនបង្ករបញ្ហា ទៅដល់អ្នកផ្សេង រហូតរបួសស្នាម ឬដល់ជីវិតឡើង ដោយ​សារ​បុរសខាងលើ បានបើកបរតែម្នាក់ឯង ហើយទទួលរងគ្រោះ ក៏តែម្នាក់ឯងដែរ។

ប្រពភព័ត៌មានបានបញ្ជាក់ថា នៅមុនពេលកើតហេតុ គេឃើញបុរសម្នាក់ ឈ្មោះ គិន សុង ជិះម៉ូតូម៉ាក រីវ៉ូ ស្លាកលេខ​ភ្នំពេញ ១CS-៥១៨៧ តាមបណ្តោយផ្លូវព្រះសីហនុ ស្រាប់តែមកដល់ ទល់មុខក្រុមហ៊ុនសេលកាត មានផ្លូវត្រូវបត់ តែ​បត់​មិនទាន់ ព្រោះម្ចាស់ម៉ូតូ មើលទៅទំនងជាស្រវឹងជោគ ក៏បានបុកពេញទំហឹង ជាមួយរបងចែកទ្រូងផ្លូវ បណ្តាលឲ្យសន្លប់​ភា្លមៗ នៅកន្លែងកើតហេតុ។ អ្នកនៅទីនោះ បានបន្តថា មុនដំបូងបើបុរសខាងលើដឹងថា ស្រវឹងហើយ បើកតិចៗ [...]