Posts tagged as "Terroriste"

ការស៊ើបអង្កេត បានបន្តធ្វើទៅមុខ នៅក្នុងប្រទេសថៃ ជុំវិញសំនុំរឿងភេរវកម្មដ៏រង្គាល ដែលបានកើតឡើង កាល​ពី​​ថ្ងៃ​ទី១១ - ទី១២ ខែសីហា សប្ដាហ៍មុន។ របបដឹកនាំយោធា ដែលបានឡើងកាន់អំណាច តាម​រយៈ​រដ្ឋ​ប្រហារ បានប្រកាសថា ខ្លួនបានចាប់ឃុំមនុស្សចំនួន១៥នាក់ រាប់មកទល់នឹងថ្ងៃនេះ។ មនុស្សទាំងនោះ បាន​រង​ការ​ចោទ​ប្រកាន់ ថាបានចូលរួម នៅក្នុងការវាយប្រហារភេរវកម្មនេះ ដែលធ្វើឡើងសំដៅទេសចរណ៍ នៅ​តាម​មាត់​សមុទ្រ នៃខេត្តមួយចំនួន ភាគខាងត្បូងប្រទេសថៃ។

អ្នកនាំពាក្យ​ឲ្យរបបដឹកនាំយោធា លោកស័ក្ដិប្រាំ ប៊ូរិន ថោងប្រាប៉ៃ (Burin Tongprapai) បានថ្លែងឲ្យដឹងថា៖ «អាជ្ញាធរ​បានចាប់ឃាត់ខ្លួន ជនសង្ស័យចំនួន១៧នាក់ តែបានដោះលែងវិញ ចំនួន២នាក់»។

លោក ថោងប្រាប៉ៃ មិនបានបញ្ជាក់ថា ជនទាំង១៧នាក់នេះ ត្រូវបានឃាត់ [...]

ស្ត្រីម្នាក់បានស្លាប់ និងយ៉ាងហោច៦នាក់ផ្សេងទៀត បានរងរបួស ដោយការវាយប្រហារនឹងកាំបិត ទាំង​កណ្ដាល​​រាត្រី នៃយប់ថ្ងៃពុធ ចូលមកថ្ងៃព្រហស្បត្តិ៍នេះ នៅរាជធានីឡុងដ៍ ប្រទេសអង់គ្លេស។ នេះបើ​តាម​ការ​ប្រកាស​ឲ្យ​ដឹង របស់​អាជ្ញាធរអង់គ្លេស ដែលបញ្ជាក់ទៀតថា ការស៊ើបអង្កេតមួយ ទាក់ទងនឹងអំពើភេរវកម្ម ចេញ​​ពី​ករណី​វាយ​​ប្រហារ​នេះ កំពុងប្រព្រឹត្តិធ្វើទៅមុខ។

ហេតុការណ៍បានកើតឡើង នៅ«Russell Square» កណ្ដាលរាជធានីឡុងដ៍ (មើលរូបថតខាងក្រោម)។ ជន​ដៃ​ដល់​ត្រូវបាននគរបាលចាប់ខ្លួន ដោយមានជំនួយ ពីអាវុធបាញ់ឆក់ពីចំងាយ នៅវេលាម៉ោង២២ និង៣៩នាទី ម៉ោង​ក្នុងស្រុក (ត្រូវនឹងម៉ោង២៣ និង៣៩នាទី យប់ថ្ងៃពុធ ម៉ោងនៅបារាំង ឬម៉ោង០៤ និង៣៩នាទីភ្លឺ ព្រឹកថ្ងៃ​ព្រហស្បត្តិ៍ ម៉ោងនៅកម្ពុជា) ៦នាទី​ក្រោយ​ពីនគរបាលទទួលបាន ការជូនដំណឹង។

បន្ទាប់ពីបណ្ដាប្រទេស នៅលោកខាងលិច និងបណ្ដាប្រទេសផ្សេងទៀត ដែលត្រូវបានចាត់ទុក ជា​សម្ព័ន្ធមិត្ត របស់លោកខាងលិចនោះ នៅពេលនេះ ដល់វេនប្រទេសរ៉ូស្ស៊ីម្ដង។ អង្គការភេរវនិយម រដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ពាក្យ​​កាត់​​​អង់គ្លេស​​​ហៅ ISIS) បានអំពាវនាវទៅសមាជិករបស់ខ្លួន ឲ្យ​ធ្វើការ​វាយកម្ទេចប្រទេសរ៉ូស្ស៊ី។ នេះបើគេយោងតាមវីដេអូមួយ ដែលអង្គការភេរវនិយមមួយនេះ ទើបនឹង​បង្ហោះ​ផ្សាយ តាម​បណ្ដាញ​អ៊ិនធើណែត កាលពីល្ងាចថ្ងៃអាទិត្យ។

នៅក្នុងវីដេអូនោះ បុរសម្នាក់ដែលតំណាងឲ្យយុទ្ធជនសកម្មប្រយុទ្ធ ដើម្បីព្រះជាម្ចាស់ របស់ក្រុមរដ្ឋអ៊ីស្លាម បាន​ថ្លែងព្រមានទៅប្រធានាធិបតីរ៉ូស្ស៊ី លោក វ្លាឌីមៀ ពូទីន (Vladimir Poutine) ថា៖ «ចូរស្ដាប់ឲ្យច្បាស់ ពូទីន! យើងនឹងមកប្រទេស រ៉ូស្ស៊ី និងសម្លាប់អ្នកឯង នៅក្នុងផ្ទះអ្នកឯង។ បងប្អូនរួមអាវុធទាំងឡាយ... សូម​ដឹកនាំ​ប្រតិបត្តិការប្រយុទ្ធ ដើម្បីព្រះជាម្ចាស់ [...]