Posts tagged as "Justice"

ប្រធានគណបក្សប្រឆាំង ដែលកំពុងរង នូវការស្វែងរកចាប់ខ្លួន ដោយដីកាបង្គាប់ឲ្យចាប់ខ្លួន របស់តុលាការ​រាជធានីនោះ បានរងនូវដីកាកោះហៅមួយទៀត របស់ចៅក្រមស៊ើបសួរ ឲ្យចូលបង្ហាញខ្លួន នៅថ្ងៃទី០៤ ខែធ្នូ ឆ្នាំ២០១៥ ខាងមុខនេះ ក្នុងសាលាដំបូង នៅរាជធានីភ្នំពេញ ជាកំហិត។ ចេញនៅថ្ងៃទី២០ ខែវិច្ឆិកានេះ «ដីកា​បង្គាប់ឲ្យចូលខ្លួន» មានពាក់ព័ន្ធក្នុងសំនុំរឿងសមគំនិត ក្លែងបន្លំឯកសារសាធារណៈ ប្រើប្រាស់ឯកសារ​សាធារណៈ​ក្លែង និងញុះញង់បង្ក ឲ្យមានភាពវឹកវរធ្ងន់ធ្ងរ ដល់សន្តិសុខសង្គម កាលពីថ្ងៃទី១២ ថ្ងៃទី១៣ ខែ​សីហា ឆ្នាំ២០១៥ កន្លងមក។

ចៅក្រមស៊ើបសួរ សាលាដំបូងរាជធានីភ្នំពេញ លោក កោ វណ្ឌី បានធ្វើការបញ្ចាក់ក្នុងដីកានោះថា៖ «ក្នុង​ករណី​មិនចូលខ្លួន តាមកាលកំណត់ខាងលើនេះទេ យើងនឹងចេញដីកាបង្គាប់ឲ្យនាំខ្លួន ឬដីកាបង្គាប់ឲ្យ​ចាប់​ខ្លួន ទៅតាមច្បាប់»។

ការចេញដីកាឲ្យចូលខ្លួន របស់ចៅក្រមស៊ីបសួរនេះ ត្រូវបានលោក រស់ សួរ [...]

ក្រុមប្រឹក្សាអ្នកច្បាប់ គណបក្សសង្រ្គោះជាតិ បានលើកឡើងពីទិដ្ឋភាពច្បាប់ ទាក់ទងដីកា បង្គាប់ឲ្យចាប់ខ្លួន លោក សម រង្ស៊ី របស់សាលាដំបូងរាជធានីភ្នំពេញ ថាពោរពេញដោយអសុពលភាព ក្នុងការអនុវត្តដីកា ព្រោះ​ការ«មិន»ចោទប្រកាន់ ត្រួតគ្នានឹងទោស និងការ«មិន»អនុវត្តសាលដីកាស្ថាពរ របស់ស្ថាប័នអយ្យការ។

នៅក្នុងឯកសារជំនួយស្មារតី ដែលចេញផ្សាយនៅថ្ងៃទី២០ ខែវិច្ឆិកា ឆ្នាំ២០១៥ និងត្រូវបានបង្ហោះ នៅលើ​ទំព័រ​ហ្វេសប៊ុក របស់លោក យឹម សុវណ្ណ អ្នកនាំពាក្យគណបក្សសង្គ្រោះ បានធ្វើការសន្និដ្ឋានថា៖ «ដីការ​បង្គាប់​ឲ្យ​ចាប់ខ្លួនលោក សម រង្ស៊ី មិនអាចអនុវត្តបានទេ ដោយផ្អែកលើមូលដ្ឋានច្បាប់ (...) ដែលបានបង្ហាញឲ្យឃើញ ពីការរលត់ទៅដោយស្ងៀមស្ងាត់ នៃអំណាចសាលដីកាស្ថាពរ របស់សាលាឧទ្ធណ៍។ (...) គោលការណ៍​អាជ្ញា​អស់ជំនុំ, លោកសម រង្ស៊ី ត្រូវបានទទួលស្គាល់ ដោយស្ថាប័នជាតិធំៗបី គឺ គ.ជ.ប រដ្ឋសភា និងព្រះមហាក្សត្រ។ លោក សម រង្ស៊ី [...]