Posts tagged as "Justice"

រហូតមកដល់ពេលនេះបុរសខ្លាំង ជាអតីតអភិបាលក្រុងបាវិត លោក ឈូក បណ្ឌិត មិនទាន់ត្រូវបានចាប់ខ្លួន តាម​អំណាចសាលក្រមរបស់តុលាការ ខេត្តស្វាយរៀងនៅឡើយទេ។ សាលក្រមដែលប្រកាស នៅថ្ងៃទី២៥ ខែមិថុនា ឆ្នាំ២០១៣ សម្រេចផ្តន្ទាទោសឲ្យជាប់ពន្ធនាគារ ១៨ខែ និងបង់ប្រាក់សំណង សរុបចំនួន៣៨លានរៀល ទៅឲ្យ​កម្មការនី​រងគ្រោះ ចំនួនបីរូប ដែលលោកបានបាញ់ឲ្យរងរបួសជាទម្ងន់ នៅក្នុងការតវ៉ាមួយ កាលពីជាងមួយឆ្នាំមុន។

លោក ឈូក បណ្ឌិត អតីតអភិបាលក្រុងបាវិត។ (រូបថត VOA)

គិតចាប់ពីពេល ដែលលោក ឈូក បណ្ឌិត បានដកកាំងភ្លើងបាញ់សំដៅ ទៅលើហ្វូងកម្មករដែល​ទាមទារលក្ខខណ្ឌ​ការងារ កាលពីជាងមួយឆ្នាំមុន រហូតមកដល់ពេលនេះ លោកមិនដែលត្រូវបានចាប់ខ្លួនទាល់តែសោះ នេះជាការ​អះអាងរបស់មន្រ្តីប៉ូលីសខេត្តស្វាយរៀង។

ស្វាយរៀង៖ សាលក្រមផ្តន្ទាទោសអតីតចៅហ្វាក្រុងបាវិត ឲ្យជាប់ពន្ធនាគាររយៈពេលមួយឆ្នាំ ប្រាំមួយខែ ព្រមទាំង​ពិន័យជាប្រាក់ចំនួនសាមសិបប្រាំបី(៣៨)លានរៀល ក្នុងបទបង្ករបួសស្នាមដោយអចេតនា កាលពីថ្ងៃទី២០ ខែកុម្ភៈ ឆ្នាំ២០១២ ដែលបានបណ្តាលឲ្យកម្មការិ បីនាក់នេះរងរបួស។

ចុងចោទ ឈូក បណ្ឌិត ពេលចេញពីសវនាការ នៅសាលាឧទ្ទរណ៍។ (រូបថត MONOROOM.info / O. Vary)

លោក លាង សួគ៌ ចៅក្រមជំនុំជម្រះសាលាដំបូងខេត្តស្វាយរៀង បានប្រកាសសាលក្រមកាលពីព្រឹកថ្ងៃទី២៥ ខែ​មិថុនា នេះ ដោយអវត្តមានជនជាប់ចោទ សម្រេចទោសជនជាប់ចោទ លោក ឈូក បណ្ឌិត អតីតអភិបាលក្រុងបាវិត ដាក់ពន្ធនាគារចំនួនមួយឆ្នាំប្រាំមួយខែ ក្នុងបទចោទបង្ករបួសស្នាមដោយ«អចេតនា» និងបង្គាប់ឲ្យជនជាប់ចោទ សង​ជម្ងឺចិត្តដល់កម្មការនីរងគ្រោះទាំងបីនាក់ [...]

ភ្នំពេញ៖ សាលាដំបូងរាជធានីភ្នំពេញបានចេញដីការកោះហៅ លោក កឹម សុខា ប្រធានស្តីគណបក្ស សង្គ្រោះជាតិ ឲ្យ​ចូលខ្លួនបំភ្លឺនៅតុលាការនៅថ្ងៃទី២៧ ខែមិថុនា ឆ្នាំ២០១៣ ខាងមុខនេះ ទាក់ទិនទៅនឹងបណ្តឹងរបស់លោក ជុំ ម៉ី ជន​រងគ្រោះ និងជាអ្នករស់មានជីវិតពីការសម្លាប់នៅគុកទួលស្លែងដែលបានប្តឹងពីបទបរិហាកេរ្តិ៍ជាសាធារណៈ ហើយដើម​បណ្តឹងនឹងចូលខ្លួនបំភ្លឺនៅ ថ្ងៃទី ២៤ ខែមិថុនា។

លោកកឹម សុខា អនុប្រធានគណបក្សសង្គ្រោះជាតិ នៅក្នុងបាតុកម្មថ្ងែទី២៤ខែមេសា។ (រូបថត MONOROOM.info/O. Vary)

ដើមបណ្ដឹងម្នាក់ក្នុងចំណោមបួននាក់ លោក ជុំ ម៉ី មានប្រសាសន៍ថា សាលាដំបូងរាជធានី ភ្នំពេញបានចាប់ផ្ដើម​ដំណើរ​ការបណ្ដឹងរបស់លោក ដោយសម្រេចកោះហៅលោក និងជនរងគ្រោះបីនាក់ទៀតដែលជាដើមបណ្ដឹង ឲ្យចូលបំភ្លឺ​នៅ​ថ្ងៃទី២៤ ខែមិថុនា [...]

ក្នុងពាក្យបណ្តឹងចុះហត្ថលេខា តាំងពីថ្ងៃ១១ខែកុម្ភះ ដែលបានធ្វើឡើង តាមរយៈ​«រដ្ឋមន្ត្រីក្រសួងកិច្ចការនារី» និង​ដែល​មនោរម្យ.អាំងហ្វូ ទទួលបានមួយច្បាប់ នៅថ្ងៃទី១១ខែមិថុនានេះនោះ បានសរសេរថា ម្ចាស់​ពាក្យ​បណ្ដឹងអ្នកស្រី កែវ សុផាន់ណារី និងលោក កឹម សុខា ធ្លាប់បានរស់នៅជាមួយគ្នាតាំងពីឆ្នាំ១៩៩៩ ដោយ​មិន​បាន​ចុះ​សំបុត្រ​អាពាហ៍ពិពាហ៍។ ស្ត្រី​ដែលមានអាយុ ៤០ឆ្នាំ និងមានស្រុកកំណើត នៅសង្កាត់លេខ៣ រាជធានី​ភ្នំពេញ​រូបនេះ បានសរសេរនៅក្នុង​ពាក្យបណ្ដឹង​ទៀតថា អ្នកស្រី និងលោក កឹម សុខា បានរួមគ្នា​ទៅ​សុំ​កូន​​មក​ចិញ្ចឹម ចំនួនពីរនាក់ តែក្រោយពីបានយកកូនគេមកចិញ្ចឹម «លោក កឹម សុខា បានកាត់បន្ថយ ប្រាក់​ឧបត្ថម្ភ» សម្រាប់​អ្នកស្រី និងកូនទាំងពីរ។

ក្នុងពាក្យបណ្ដឹងនោះ អ្នកស្រី កែវ សុផាន់ណារី មានសរសេរយ៉ាងវែងឆ្ងាយដូច្នេះថា «នៅពេលដែល​នាងខ្ញុំ​មាន​បញ្ហា​​សុខភាព មិនអាចបំពេញតម្រូវការផ្លូវភេទរបស់គាត់ [...]