Posts tagged as "Crime"

ជនជាប់ចោទដែលជាអង្គរក្សលោកឧកញ៉ា ថោង សារ៉ាត់ ឈ្មោះ សៀង វាសនា ត្រូវបានសាលាដំបូង​រាជធានី​ភ្នំពេញ ហៅមកសារសួរបន្ថែម កាលពីព្រឹកថ្ងៃចន្ទទី៩ ខែកុម្ភៈ ម្សិលម៉ិញ ពាក់ព័ន្ធនឹងឃាតកម្មសម្លាប់លោក អ៊ឹង ម៉េងជឺ ថៅកែ​ក្រុមហ៊ុន​ស៊ីម៉ងត៍​ត្បូងពេជ្រ​ និង​ជា​ប្រធាន​ក្រុមហ៊ុន Shimmex Group កាលពីយប់ថ្ងៃទី២២ ខែវិច្ឆិកា ឆ្នាំ២០១៤កន្លងមក។ ចៅក្រម​ស៊ើបសួរ​នៃ​សាលា​ដំបូង​រាជធានី លោក លី សុខឡេង ​បាន​កោះ​ហៅ ជនជាប់ចោទ​រូបនេះមក​សាកសួរបន្ថែមទៀត បន្ទាប់ពីសមត្ថកិច្ច​សង្ស័យ​ថាជាជនដៃ​ដល់​ ក្នុងឃាតកម្មមួយដ៏​កក្រើកនេះ ដែលបានកើតនៅ​មុខ​ហាង​លក់​ផ្លែឈើ​ឡោតិចសេង ក្នុង​សង្កាត់​ទួលស្វាយព្រៃ​ទី​២ ខណ្ឌចំការមន រាជធានី​ភ្នំពេញ។

បន្ទាប់ពីបញ្ចប់ការសាកសួររបស់ចៅក្រម ទៅលើជនជាប់ចោទរួច លោក គា អ៊ាវ មេធាវី​ការពារក្តីឲ្យ​ឈ្មោះ សៀង វាសនា បាន​ប្រាប់​ថា លោក​ចៅក្រម​ស៊ើបសួរ​បាន​សួរលោក សៀង វាសនា ឡើង​វិញ​ពី​ដើម​ដល់​ចប់ [...]

ពិត​ហើយ! ពិត​ជា​មាន​ការ​ដោះ​លែង ឪពុក​ម្តាយ​របស់​លោក​ឧកញ៉ា ថោង សារ៉ាត់ ប្រាកដ​មែន។ ប៉ុន្តែ​មក​ទល់​ពេល​នេះ មូលហេតុ​នៃ​ការ​ដោះ​លែង​យ៉ាង​ណា​នោះ នៅ​មិន​ទាន់​ឲ្យ​ដឹង​នៅ​ឡើយ ព្រោះ​ថា​ដីកា​ដោះ​លែង ឲ្យ​នៅ​ក្រៅ​ឃុំ​ជា​បណ្តោះ​អាសន្ន ត្រូវ​បាន​គេ​លាក់​ជា​អាថ៌កំបាំង និង​មិន​ទាន់​ឲ្យ​មាន​ការ​បែក​ធ្លាយ​អ្វី​ឡើយ។ នេះ​ជា​ការ​អះអាង​របស់ លោក អំ សំអាត ប្រធាន​ផ្នែក​បច្ចេកទេស​ស៊ើប​អង្កេត របស់​អង្គការ​ការពារ​សិទ្ធិ​មនុស្ស​លីកាដូ។

ថ្លែងក្នុងកិច្ចសម្ភាស ជាមួយទស្សនាវដ្តីមនោរម្យ.អាំងហ្វូ នាព្រឹកថ្ងៃទី៩ ខែកុម្ភៈនេះ លោក អំ សំអាត បានធ្វើ​ការ​ធៀបទៅនឹងករណីអ្នកបឹងកក់ថា អ្នកបឹងកក់ដែលទាមទារនូវជម្រកសមរម្យ និងបិទផ្លូវមួយចំណែក ដែល​ជា​ទោសមជ្ឈឹមកម្រិតស្រាលបំផុត បែរជាត្រូវបានតុលាការសម្រច ដាក់ទោសកម្រិតធ្ងន់ធ្ងរបំផុត និងមិនទាំង​ឲ្យនៅក្រៅឃុំថែមទៀត។ ដោយឡែកឪពុកម្តាយលោក ថោក សារ៉ាត់ វិញ [...]

ត្រឡប់​មក​ពី​ភ្ជាប់​ពាក្យ​កូន​គេ មិន​ទាន់​ទៅ​ដល់​ផ្ទះ​ផង មាន​ឧប្បត្តិ​ហេតុ​នៅ​កណ្តាល​ផ្លូវ ដោយ​ចោរ​វ័យ​ក្មេង​ឆក់​កាបូប ពេល​កំពុង​ធ្វើ​ដំណើរ​នៅ​លើ​រ៉ឺមក​កង់​បី ឬ​ហៅ​ថា​ទុកទុក។ តែ​មិន​មាន​អ្នក​ណា​ម្នាក់​រង​របួស និង​បាត់​បង់​របស់​អ្វី​ធ្ងន់ធ្ងរ​ទេ ដោយ​សារ​ជន​ល្មើស​ឆក់​មិន​បាន​សម្រេច។

ប្រភពព័ត៍មាន នៅកន្លែងកើតហេតុបានឲ្យដឹងថា ករណីនេះ កើតនៅវេលាម៉ោង ១និង៣០នាទី ថ្ងៃទី៨ ខែកុម្ភៈ ឆ្នាំ២០១៥នេះ បង្ករដោយជនដៃដល់ គ្នាពីរនាក់ ម្នាក់ឈ្មោះ ឆ្លូញ អាយុ១៣ឆ្នាំ និងម្នាក់ទៀត ឈ្មោះ រិទ្ធ មាន​អាយុប្រហាក់ប្រហែលគ្នា ជនល្មើសទាំងពីរ ជិះម៉ូតូម៉ាកសង់ឌ្រីមស៊េរី២០១៥ ពាក់ស្លាក់លេខភ្នំពេញ 1CS-2562។ អ្នកទាំងពីនាក់ ម្នាក់ជាអ្នកបើកម៉ូតូ ម្នាក់ជាអ្នកធ្វើសកម្មភាពឆក់ នៅពេល​កំពុងបើកម៉ូតូទាំងពីរ​គ្រឿង ក្នុងទិសដៅស្របគ្នា នៅចំណុចទល់មុខលាលាបឋមសិក្សា ចំរើនរដ្ឋ នៅតាមបណ្តោយផ្លូវជាតិលេខ​ប្រាំ សង្កាត់ស្វាយប៉ាក ខណ្ឌឬស្សីកែវ [...]

ឃាតកម្ម​បាញ់​សម្លាប់​ព្រះ​តេជគុណ ម៉ឹង អុំ ព្រះ​ជន ៧៦ព្រះ​វស្សា ជា​គ្រូ​សូត្រ​ស្តាំ នៅ​វត្ត​អង្គ ស្ថិត​នៅ​ភូមិ​ថ្មី ឃុំ​តាំង​ក្រូច ស្រុក​សំរោង​ទង ខេត្ត​កំពង់ស្ពឺ កាល​ពី​វេលា​ម៉ោង ៨និង​២៥ នាទី​យប់​ថ្ងៃ​២៤ ខែ​មករា ២០១៥ ត្រូវ​បាន​ក្រុម​សមត្ថកិច្ច​ធ្វើការ​សន្និដ្ឋាន​ថា ជា​ករណី​គំនុំ។ ព្រះ​សង្ឃ​អង្គ​នេះ ត្រូវ​បាន​ខ្មាន់​កាំភ្លើង​បាញ់​ចំ​កណ្ដាល​ព្រះ​កេស ខណៈ​ព្រះ​អង្គ​កំពុង​សូត្រ​ធម៌​ទេសនា ក្នុង​កម្មវិធី​បុណ្យ​ខួប​នៅ​ផ្ទះ​របស់​លោក គង់ ឌឹម អាយុ ៦៥ឆ្នាំ ជា​ម្ចាស់​ដើម​បុណ្យ។

សម្រាប់ព្រះតេជគុណ ប៊ុត ប៊ុនតិញ ស្ថាបនិកបណ្តាញព្រះសង្ឃឯករាជ្យ ដើម្បីយុត្តិធម៌សង្គមវិញ បានឈ្វេង​យល់ថា សេចក្ដីសន្និដ្ឋានរបស់ក្រុមសមត្ថកិច្ច ដូចជាលឿនពេក ព្រោះគេត្រូវតែស៊ើបអង្កេតឲ្យអស់ពីលទ្ធភាព ដើម្បីវែករកមុខឃាតករ  មុននឹងធ្វើការសន្និដ្ឋានយ៉ាងនេះ។ ព្រះសង្ឃបានមានសង្ឃដីកាថា ឃាតកម្មបាញ់​សម្លាប់ព្រះសង្ឃ ម៉ឹង អុំ [...]

ប្រព័ន្ធ​តុលាការ​កម្ពុជា តាម​រយៈ​សាលា​ដំបូង​ក្ដី ឬសាលា​ឧទ្ធរណ៍​ក្ដី ក្នុង​ប៉ុន្មាន​ថ្ងៃ​ចុង​ក្រោយ​នេះ បាន​សម្រេច​ដោះ​លែង​ជន​សង្ស័យ​មួយ​ចំនួន ដែល​គេ​ស្គាល់​ថា​ជា​ជន​មាន​អំណាច និង​មាន​ប្រាក់ ក្នុង​នោះ​មាន​ទាំង​ការ​ដោះ​លែង ជន​សង្ស័យ​ផលិត​កាហ្វេ​ក្លែងក្លាយ​ចំនួន​បួន​នាក់ និង​ឪពុក​ម្ដាយ​លោក​ឧកញ៉ា ថោង សារ៉ាត់ នោះ​ផង។ ករណី​ដោះ​លែង​ទាំង​នោះ ខុស​គ្នា​ស្រឡះ ពី​ករណី​នៃ​សកម្ម​ជន​នយោបាយ សកម្ម​ជន​ពី​សហគមន៍​បឹង​កក់ និង​ព្រះ​សង្ឃ ដែល​ត្រូវ​បាន​តុលាការ​ចោទ​ប្រកាន់ និង​បន្ត​ឃុំ​ខ្លួន​ម្ដង​ហើយ​ម្ដង​ទៀត រហូត​មក​ដល់​ថ្ងៃ​នេះ។

ក្នុងកិច្ចសម្ភាសជាមួយទស្សនាវដ្តីមនោរម្យ.អាំងហ្វូ ស្ថាបនិកបណ្តាញព្រះសង្ឃឯករាជ្យ​ដើម្បីយុត្តិធម៌សង្គម​ព្រះតេជគុណ ប៊ុត ប៊ុនតិញ បានបង្ហាញការយល់ឃើញផ្ទាល់របស់ព្រះអង្គ ចំពោះការសម្រេចថ្មីៗរបស់​តុលាការ​កម្ពុជា ថាបានបង្ហាញនូវតម្លៃរបស់តុលាការ តម្លៃរបស់ថ្នាក់ដឹកនាំកម្ពុជា។ [...]