ចោរ​ឆក់​កាបូប​វ័យ​ក្មេង​អស់​លក្ខណ៍ ព្រោះ​ដួល​ម៉ូតូ

ក្លាយជាចោរឆក់កាបូប ទាំងនៅវ័យក្មេង តែមិននឹកស្មានថា អស់លក្ខណ៍។ បន្ទាប់ពីធ្វើសកម្មភាពឆក់ មិនទាន់ទាំងផុតផង ស្រាប់តែម៉ូតូជនល្មើស បានប៉ះជាមួយរ៉ឺមកកង់បី ដែលជនរងគ្រោះកំពុងជិះ បណ្តាលឲ្យដួលម៉ូតូ ហើយត្រូវបានប៉ូលីសសណ្តាប់ធ្នាប់ចាប់បាន។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញ ថ្ងៃទី០៩ កុម្ភៈ ២០១៥
  • កែប្រែចុងក្រោយ: February 09, 2015
  • ប្រធានបទ: បទល្មើស
  • អត្ថបទ: មានបញ្ហា?
  • មតិ-យោបល់

ត្រឡប់​មក​ពី​ភ្ជាប់​ពាក្យ​កូន​គេ មិន​ទាន់​ទៅ​ដល់​ផ្ទះ​ផង មាន​ឧប្បត្តិ​ហេតុ​នៅ​កណ្តាល​ផ្លូវ ដោយ​ចោរ​វ័យ​ក្មេង​ឆក់​កាបូប ពេល​កំពុង​ធ្វើ​ដំណើរ​នៅ​លើ​រ៉ឺមក​កង់​បី ឬ​ហៅ​ថា​ទុកទុក។ តែ​មិន​មាន​អ្នក​ណា​ម្នាក់​រង​របួស និង​បាត់​បង់​របស់​អ្វី​ធ្ងន់ធ្ងរ​ទេ ដោយ​សារ​ជន​ល្មើស​ឆក់​មិន​បាន​សម្រេច។

ប្រភពព័ត៍មាន នៅកន្លែងកើតហេតុបានឲ្យដឹងថា ករណីនេះ កើតនៅវេលាម៉ោង ១និង៣០នាទី ថ្ងៃទី៨ ខែកុម្ភៈ ឆ្នាំ២០១៥នេះ បង្ករដោយជនដៃដល់ គ្នាពីរនាក់ ម្នាក់ឈ្មោះ ឆ្លូញ អាយុ១៣ឆ្នាំ និងម្នាក់ទៀត ឈ្មោះ រិទ្ធ មាន​អាយុប្រហាក់ប្រហែលគ្នា ជនល្មើសទាំងពីរ ជិះម៉ូតូម៉ាកសង់ឌ្រីមស៊េរី២០១៥ ពាក់ស្លាក់លេខភ្នំពេញ 1CS-2562។ អ្នកទាំងពីនាក់ ម្នាក់ជាអ្នកបើកម៉ូតូ ម្នាក់ជាអ្នកធ្វើសកម្មភាពឆក់ នៅពេល​កំពុងបើកម៉ូតូទាំងពីរ​គ្រឿង ក្នុងទិសដៅស្របគ្នា នៅចំណុចទល់មុខលាលាបឋមសិក្សា ចំរើនរដ្ឋ នៅតាមបណ្តោយផ្លូវជាតិលេខ​ប្រាំ សង្កាត់ស្វាយប៉ាក ខណ្ឌឬស្សីកែវ រាជធានីភ្នំពេញ។

តែអ្វីគ្រប់យ៉ាងមិនបាន ដូចដែលក្រុមចោរបានប៉ងទុកនោះទេ ព្រោះវាបានរលាយទៅវិញ ដោយ​សារម៉ូតូ​របស់​ក្រុមខ្លូនភ្លាត់ដួល នៅក្បែរផ្នែកខាងក្រោមរ៉ឺមកជនរងគ្រោះ បង្ករឲ្យមានកាភ្ញាក់ផ្អើល រហូតចាប់បាន​ជនល្មើស​ម្នាក់។

ជនរងគ្រោះ អ្នកស្រី សេង ឈុន្នី បានប្រាប់ទស្សនាវដ្តីមនោរម្យ.អាំងហ្វូថា គាត់ត្រឡប់មកពីភ្ជាប់ពាក្យកូនគេ វិលទៅផ្ទះវិញ ស្រាប់តែមានរឿងបែបនេះ នៅកណ្ដាលផ្លូវ។ ស្តី្ររងគ្រោះបញ្ជាក់ទៀតថា គាត់បានទាញ​កាបូប​នោះ ជាមួយចោរប្រតាយប្រតប់គ្នា។ ពេលនោះ គាត់បានស្រែកឡើងថា៖ «ជួយ !!! ចោរឆក់កាបូប» ពេលនោះ គ្នាវាបានបើកម៉ូតូបម្រុងរត់ តែម៉ូតូដួល ទើបបានប៉ូលីសចាប់បាន។

យុវជនម្នាក់ក្នុងចំណោមពីរនាក់ ដែលសម្ថកិច្ចចាប់បាននោះ មានឈ្មោះ ឆ្លូញ បាននិយាយថា ពួកគេមានគ្នា​ពីរ​នាក់ ហើយបច្ចុប្បន្នរស់នៅភូមិផ្សារលិច សង្កាត់ព្រែកភ្នៅ ខណ្ឌសែនសុខ រាធានីភ្នំពេញ។ ចោរម្នាក់នេះ ឲ្យ​ដឹងថា សព្វថ្ងៃគេនៅរៀនថ្នាក់វិទ្យាល័យ តែមិនបានដឹងថាវិទ្យាល័យណានោះទេ។

លោក ហ៊ឹង ថុន ជាសម្ថកិច្ចសណ្តាប់ធ្នាប់ ប្រចាំការនៅ សង្កាត់ស្វាយប៉ាក បានឲ្យដឹងថា លោកមកទាន់​ពេល​ដែលម៉ូតូជនល្មើស ដួលនៅពីក្រោមកង់បី ជិះដោយជនរងគ្រោះ។ លោកបានរាយការណ៍ជាបន្ទាន់ ទៅ​ភ្នាក់ងារ​​លោក រួចចាប់បានជនល្មើស។ លោកបញ្ជាក់ថា ម៉ូតូជនល្មើស បានយកទៅរក្សាទុក​នៅប៉ុស្ត៏​ស្វាយប៉ាក ដើម្បីធ្វើកាដោះស្រាយ។

អ្នករួមដំណើរជាមួយជនរងគ្រោះម្នាក់ អ្នកស្រី ធី បានប្រាប់ទស្សនាវដ្ដីដែរថា នៅក្នុងទីតាំង ក្រុមទី១០ ភូមិ​ក្រោលគោ សង្កាត់គីឡូម៉ែតលេខ៦ នេះសម្បូរការឆក់ប្លន់ណាស់ មិនថាថ្ងៃ ឬយប់នោះទេ។ អ្នកស្រីថា នៅក្បែរផ្ទះអ្នកស្រី បានបាត់ម៉ូតូអស់ពីរគ្រឿងនៅពេលយប់ ដោយសារចោរលួច អ្នកស្រីនិងអ្នកភូមិ​មាន​ការបារម្ភ​ខ្លាំងណាស់ ពីសុត្តិភាពទាំងអស់នេះ។ អ្នកស្រីបានសុំឲ្យមន្ត្រី ដែលជាប់ពាក់ព័ន្ធមេត្តា ជួយ​កាពារ​និងពង្រឹងសុវត្តិភាព នៅតាមភូមិឃុំផង។ អ្នកស្រីលើឡើងថា៖ «អ្នកភូមិដេកអត់បានទេឥឡូវ ព្រោះចោររុករាន​ពេក ពីមួយយប់ទៅមួយយប់»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...