សមាជិកព្រឹទ្ធសភាបក្សសមរង្ស៊ី៖ ការចាប់ខ្លួន ហុង សុខហួរ មិនស្របតាមនីតិវិធីច្បាប់
ក្រុមសមាជិកព្រឹទ្ធសភាទាំង៩រូប មកពីគណបក្សសមរង្ស៊ី បានចេញសេចក្ដីថ្លែងការណ៍មួយ នៅប៉ុន្មានម៉ោងក្រោយការចាប់ខ្លួនលោក ហុង សុខហួរ សមាជិកព្រឹទ្ធសភា មកពីគណបក្សសមរង្ស៊ី និងជាអ្នកជំនាញខាងព្រំដែន របស់គណបក្សសង្គ្រោះជាតិ ដោយបានហៅការចាប់ខ្លួននេះ ថាជាការមិនបានអនុវត្តន៍ ទៅតាមនីតិវិធីនៃច្បាប់ ពីសំណាក់កងកម្លាំងអាជ្ញាធរ។
សេចក្ដីថ្លែងការណ៍ ចុះថ្ងៃទី១៥ ខែសីហានេះ បានសរសេរថា សមត្ថកិច្ចរបស់រដ្ឋាភិបាល បានចាប់ខ្លួនសមាជិកព្រឹទ្ធសភាគណបក្ស សម រង្ស៊ី ហុង សុខហួរ ទាំងមិនទាន់បានដកអភ័យឯកសិទ្ធិ ពីរូបលោកនៅឡើយ។ សេចក្ដីថ្លែងការណ៍ បានស្រង់សម្ដីអ្នកនាំពាក្យព្រឹទ្ធសភា មកសរសេរពន្យល់ទៀតថា ព្រឹទ្ធសភា ក៏នៅមិនទាន់ទទួលបានលិខិតណាមួយ ស្នើសុំព្រឹទ្ធសភា បើកកិច្ចប្រជុំដើម្បីដកអភ័យឯកសិទ្ធិ របស់លោក ហុង សុខហួរ នៅឡើយ។
«តាមស្មារតីរដ្ឋធម្មនុញ្ញ និងបទបញ្ជាផ្ទៃក្នុង របស់ព្រឹទ្ធសភា សមត្ថកិច្ចត្រូវធ្វើរបាយការណ៍ [...]