បារាំង៖ ផ្ទុះក្នុងរោងចក្រនុយក្លេអ៊ែរ របួស៥នាក់
ការផ្ទុះមួយ បានកើតឡើង នៅវេលាម៉ោង ១០ ព្រឹកថ្ងៃព្រហស្បត្តិ៍នេះ នៅក្នុងបន្ទប់ម៉ាស៊ីន នៃមជ្ឈមណ្ឌលនុយក្លេអ៊ែរ «Flamanville» ស្ថិតក្នុងតំបន់ ណ័រម៉ង់ឌី (Normandie) ភាគខាងលិច នៃប្រទេសបារាំង។ បន្ទាប់ពីការផ្ទុះនេះ អគ្គិភ័យមួយទៀត ក៏ត្រូវបានរាយការណ៍ឲ្យដឹងដែរ នៅផ្នែកកណ្ដាលនៃមជ្ឈមណ្ឌល។ នេះ បើតាមសេចក្ដីរាយការណ៍ របស់សារព័ត៌មានតំបន់ «Ouest France» របស់បារាំង។
ស្រង់សំដី ដោយទីភ្នាក់ងារព័ត៌មានបារាំង «AFP» លោក «Olivier Marmion» នាយខុទ្ទកាល័យស្នងការតំបន់ បានឲ្យដឹងថា មនុស្ស៥នាក់ បានរងគ្រោះស្រាល បណ្ដាលមកពីជាតិពុល ដែលបែកធ្លាយពីការផ្ទុះ ប៉ុន្តែមិនមានសេចក្ដីរាយការណ៍ ពីអ្នករបួសធ្ងន់ នៅក្នុងហេតុការណ៍នេះទេ។
លោកបានបញ្ជាក់ ប្រាប់សារព័ត៌មាន «Ouest-France» ដែរថា៖ «ជាបញ្ហាបច្ចេកទេស ដែលគួរឲ្យសិក្សាស្រាវជ្រាវឡើងវិញ ឲ្យបានហ្មត់ចត់។ តែវាមិនមែន [...]
