ស្រវឹងធ្លាក់ភ្នែក បើកម៉ូតូធ្លាក់ជង្ហុក មានគ្រោះថ្នាក់ជាទម្ងន់
នេះហើយ ជាអត្ថន័យនៃពាក្យពីរម៉ាត់យ៉ាងខ្លី៖ «បើផឹកកុំបើកបរ តែបើបើកបរកុំផឹក»។ តែក្នុងករណីនេះ អ្នកបើកបរមិនមែនថា គាត់មិនយល់ពាក្យពីរម៉ាត់ខាងលើនេះទេ ព្រោះគាត់ផឹកស្រវឹងជោគចខ្លួនរួច គាត់ជិះម៉ូតូធ្វើវាហី ដោយល្បឿនលឿនដូចព្យុះ ហើយបាន«បើកជ្រុល»ទៅធ្លាក់គ្រលុក បណ្ដាលឲ្យរបួសដាច់មុខដាច់មាត់ បងប្អូនញាតិមិត្តមើលសឹងតែមិនស្គាល់។
ហេតុការណ៍តូច តែរន្ធត់នេះ បានកើតឡើង នៅវេលាម៉ោង៤ និង៣០នាទី ល្ងាចថ្ងៃទី២៩ ខែធ្នូ ឆ្នាំ២០១៤នេះ នៅលើផ្លូវ៥៩៨ ត្រង់ចំណុចទល់មុខដីឡូត៍ ឧកញ៉ា លី ហួ ក្នុងសង្កាត់ទួលសង្កែ ខណ្ឌឬស្សីកែវ រាជធានីភ្នំពេញ។ ជនរងគ្រោះ ដែលជាអ្នកបង្កឡើងដោយខ្លួនឯង បានរងរបួសជាទម្ងន់ ហូរឈាមដាបទាំងខ្លួន។
ប្រភពព័ត៍មាននៅកន្លែងកើតហេតុ បានឲ្យទស្សនាវដ្តីមនោរម្យ.អាំងហ្វូដឹងថា ជនរងគ្រោះម្នាក់ [...]