ជំនួបកំពូលអាស៊ាន៖ ជម្លោះដែនសមុទ្រចិនខាងត្បូង នៅជាបញ្ហា
ជម្លោះដែនទឹក នៅក្នុងសមុទ្រចិនខាងត្បូង ដែលសម្បូរដោយប្រេងឆៅ បានកើតមានឡើង តាំងពីច្រើនឆ្នាំមកហើយ រវាងបណ្ដាប្រទេស ជាសមាជិករបស់អាស៊ាន (រួមមាន៖ វៀតណាម ហ្វីលីពីន ម៉ាឡេស៊ី ឥណ្ឌូនេស៊ី និងប្រ៊ុយណេ) និងមហាយក្សចិន។ តែការប្រើយន្ដការអាស៊ាន មកដោះស្រាយបញ្ហានេះ មិនដែលទទួលលទ្ធផលអ្វី ជាដុំកំភួននោះឡើយ។ បញ្ហាសំខាន់នៅត្រង់ថា ប្រទេសដែលមិនមានជម្លោះ ដូចយ៉ាង កម្ពុជា ថៃ ឡាវ ភូមា និងសិង្ហបូរីជាដើម ត្រូវគិតពីផលប្រយោជន៍ របស់ផងខ្លួន ដែលខ្លួនមាន ជាមួយនឹងមហាយក្សចិន ហើយមិនចង់ឲ្យអាស៊ាន យកប្រទេសខ្លួន ធ្វើជាចំណាប់ខ្មាំង ក្នុងការដោះស្រាយបញ្ហា។
ជម្លោះនេះ បានជំរុញឲ្យប្រទេស ជាសមាជិកអាស៊ាន ដែលជាប់ពាក់ព័ន្ធទាំងនោះ ព្យាយាមឲ្យសហរដ្ឋអាមេរិកលូកដៃចូល។ ហើយអាមេរិកខ្លួនឯង ក៏ចង់លូកដៃចូលដែរ ដោយសារអាមេរិក មិនចង់ឲ្យមហាក្សចិន ចេះតែពង្រីកឥទ្ធិពលរបស់ខ្លួន ជ្រុលហួសហេតុ នៅក្នុងតំបន់ និងបានមើលឃើញថា [...]
