Posts tagged as "Kem Sokha"

សម រង្ស៊ី សុំ​ឡើង​ក្ដី​ជាមួយ កឹម សុខា ពី​បទ​«ក្បត់​ជាតិ»

សម រង្ស៊ី សុំ​ឡើង​ក្ដី​ជាមួយ កឹម សុខា ពី​បទ​«ក្បត់​ជាតិ»

អតីតប្រធានគណបក្សសង្គ្រោះជាតិ លោក សម រង្ស៊ី បានអះអាងថា ប្រសិនជាមានសវនាការ កាត់ទោសលោក កឹម សុខ ប្រធានសព្វថ្ងៃ នៃគណបក្សសង្គ្រោះជាតិមែននោះ សវនាការនោះ ក៏ត្រូវមានការចូលរួម ពីរូបលោក សម រង្ស៊ី ផងដែរ។ បើគ្មានវត្តមានលោក សម រង្ស៊ី ទេ ការជំនុំជម្រះបែបនេះ នឹងគ្មានន័យអ្វីទាល់តែសោះ។

មេដឹកនាំប្រឆាំង បានពន្យល់ពីសំណើរ សុំឡើងតុលាការរបស់លោក ដោយមាន​មូលហេតុចំនួន៧ សរសេរជាភាសាអង់គ្លេស ដូចការដកស្រង់ទាំងស្រុង ជាខេមរភាសា មានសេចក្ដីថា៖

«១) ខ្ញុំធ្លាប់ជាប្រធានគណបក្ស តាំងពីគណបក្សចាប់កំណើត នៅឆ្នាំ២០១២ រហូតដល់ខែកុម្ភៈ ឆ្នាំ២០១៧ ដែលខ្ញុំបានលាលែង។»

«២) នៅពេលលោក កឹម សុខា ថ្លែងសុន្ទរកថា នៅខែធ្នូ ឆ្នាំ២០១៣ ក្នុងប្រទេសអូស្ត្រាលី ដែលពន្យល់ពីការទទួលការគាំទ្រ [...]

«កឹម សុខា នឹង​ត្រូវ ហ៊ុន សែន បង្ខំ​ចិត្ត​ដោះលែង​ឆាប់ៗ​នេះ​ដែរ»

«កឹម សុខា នឹង​ត្រូវ ហ៊ុន សែន បង្ខំ​ចិត្ត​ដោះលែង​ឆាប់ៗ​នេះ​ដែរ»

ការដោះលែង ក្រុមមន្ត្រី និងសកម្មជនគណបក្សសង្គ្រោះជាតិ កាលពីយប់ម៉ិញ ទទួលបានការអបអរសាទរ ពីសំណាក់លោក សម រង្ស៊ី អតីតប្រធានគណបក្សនេះ ជាមួយនឹងពាក្យពេជន៍ លើកសរសើរ ពី​«វីរភាព» នៃអស់លោកទាំងនោះ ដែលបានបង្ហាញ នូវ​«ភាពក្លាហាន ភាពអត់ធ្មត់ និងភាពស្មោះត្រង់» របស់ពួកគេ​ ចំពោះគណបក្សសង្គ្រោះជាតិ និងចំពោះប្រជារាស្ត្រខ្មែរ ដែលមេដឹកនាំប្រឆាំងរូបនេះ ស្រដីអះអាងថា កំពុង«ទាមទារ ឲ្យបញ្ចប់របបផ្តាច់ការសព្វថ្ងៃ»។

ប្រធានចលនាសង្គ្រោះជាតិ បានអះអាងដឹងច្បាស់ ថាមិនយូរប៉ុន្មាន ក្នុងពេលខាងមុខ លោក ហ៊ុន សែន ក៏ត្រូវបង្ខំចិត្ត ដោះលែងលោក កឹម សុខា ដែរ។ លោក សម រង្ស៊ី បានថ្លែងថា៖ «លោក កឹម សុខា ក៏នឹងត្រូវលោក ហ៊ុន សែន បង្ខំចិត្តដោះលែង ក្នុងពេលឆាប់ៗ ខាងមុខនេះផងដែរ ក្រោមសម្ពាធអន្តរជាតិ ដែលបានដាក់កាលបរិច្ឆេទ ឲ្យលោក ហ៊ុន សែន ដោះលែង អ្នកទោសនយោបាយទាំងអស់ ជាបន្ទាន់ និងដោយឥតលក្ខខណ្ឌ»។

[...]

អ.ស.ប នៅ​កម្ពុជា​ទទូច​ឲ្យ​ដោះលែង កឹម សុខា បន្ទាប់​ពី​ការដោះលែង​ជន​មួយ​ចំនួន​រួច

អ.ស.ប នៅ​កម្ពុជា​ទទូច​ឲ្យ​ដោះលែង កឹម សុខា បន្ទាប់​ពី​ការដោះលែង​ជន​មួយ​ចំនួន​រួច

សេចក្ដីប្រកាសព័ត៌មានមួយ ដែលចេញផ្សាយ ដោយការិយាល័យរបស់ស្នងការជាន់ខ្ពស់ អង្គការសហប្រជាជាតិ ទទួលបន្ទុកសិទ្ធិមនុស្ស (OHCHR) ប្រចាំក្នុងប្រទេសកម្ពុជា បានសរសេរឲ្យដឹងថា៖

«យើងសូមស្វាគមន៍ ការដោះលែង អ្នកស្រី ទេព វន្នី និងអតីតអ្នកយក​ព័ត៌មាន​វិទ្យុអាស៊ីសេរី​​ពីររូប កាលពីថ្ងៃចន្ទ​ និងថ្ងៃអង្គារ៍ ហើយយើងសង្ឃឹមថា អ្នកដទៃទៀត នឹងត្រូវដោះលែងឆាប់ៗ [ដោយ]ឥតលក្ខខណ្ឌ រាប់ទាំងលោក កឹម សុខា ដូចអនុសាសន៍​ក្រុុមការងារ អ.ស.ប ពីការឃុំខ្លួន​ដោយបំពាន ក្នុង​[បទ]​អត្ថាធិប្បាយ ​លេខ៩/​២០១៨​ ផ្សាយ​ថ្ងៃទី៥ ខែមិថុនាកន្លងទៅ»។

ការលើកឡើង របស់ការិយាល័យ អ.ស.ប ទទួលបន្ទុកសិទ្ធិមនុស្សខាងលើ ធ្វើឡើងស្របនឹងការបើកសវនាការ ក្នុងព្រឹកថ្ងៃទី២២ ខែសីហានេះ ពីសំណាក់តុលាការកំពូលកម្ពុជា តាមបណ្ដឹងជំទាស់ នឹងសាលក្រមសម្រេច បន្តឃុំខ្លួនលោក កឹម សុខា ដោយសាលាឧទ្ទរណ៍។

ប៉ុន្តែស្ថាប័ន អ.ស.ប អាចនឹងខកចិត្តជាថ្មី [...]

តុលាការ​កំពូល​បន្ត​ឲ្យ​ឃុំ​ខ្លួន កឹម សុខា ដដែល

តុលាការ​កំពូល​បន្ត​ឲ្យ​ឃុំ​ខ្លួន កឹម សុខា ដដែល

មិនមានអ្វី គួរឲ្យភ្ញាក់ផ្អើលទេ! បន្ទាប់ពីបានបន្តជំនុំជម្រះ លើបណ្តឹងសុំនៅក្រៅឃុំ ជាលើកទី២ ក្នុងព្រឹកថ្ងៃទី២២ ខែសីហា ឆ្នាំ២០១៨នេះរួច តុលាការកំពូលកម្ពុជា នៅតែសម្រេចបន្ត ឲ្យឃុំខ្លួនលោក កឹម សុខា ប្រធាននៃគណបក្សសង្គ្រោះជាតិ ឲ្យនៅក្នុងពន្ធនាគារដដែល ដោយតំកល់សាល​ដីកា​សាលា​ឧទ្ធរណ៍​ ក្នុងន័យថា ការបន្ត​ឃុំ​ខ្លួន​ មេដឹកនាំបក្សប្រឆាំង គឺដើម្បី​សាកសួរ​ និង​ការពារ​ កុំ​ឲ្យ​មាន​បទ​ល្មើស​​ថ្មី​កើត​ឡើង។

លោកតំណាងរាស្ត្រ កឹម សុខា ប្រធានគណបក្សប្រឆាំងធំ តែមួយគត់នៅកម្ពុជា ត្រូវបានកងកម្លាំងនគរបាល ចូលទៅចាប់ខ្លួន ទាំងមានអភ័យឯកសិទ្ធិសភា នៅវេលាម៉ោង ០០ និង៣៥នាទី យប់​រំលង​អាធ្រាត ឈានចូលថ្ងៃទី០៣ ខែកញ្ញា ឆ្នាំ២០១៧ ដល់ក្នុងគេហដ្ឋានរបស់លោក ដែលស្ថិតនៅក្នុងសង្កាត់បឹងកក់២ ខណ្ឌទួលគោក រាជធានី​ភ្នំពេញ។ មេដឹកនាំបក្សប្រឆាំងរូបនេះ ត្រូវបានបញ្ជូនទៅឃុំខ្លួន មកទល់នឹងពេលនេះ នៅឯពន្ធនាគារត្រពាំងផ្លុង [...]

គណៈកម្មការ​សិទ្ធិ​មនុស្ស​នៃ​សភា​អ៊ឺរ៉ុប ទាមទារ​ពន្លឿន​វិធានការ​ទណ្ឌកម្ម​ប្រឆាំង​​របប​​ក្រុង​ភ្នំពេញ

គណៈកម្មការ​សិទ្ធិ​មនុស្ស​នៃ​សភា​អ៊ឺរ៉ុប ទាមទារ​ពន្លឿន​វិធានការ​ទណ្ឌកម្ម​ប្រឆាំង​​របប​​ក្រុង​ភ្នំពេញ

គណៈកម្មការអ៊ឺរ៉ុប (នីតិប្រតិបត្តិរបស់សហភាពអ៊ឺរ៉ុប) ជាពិសេសការិយាល័យអ៊ឹរ៉ុប ដើម្បីសកម្មភាព​ខាងក្រៅ (The European External Action Service ហៅកាត់ EEAS - ហៅកាត់ជា​ភាសាបារាំង SEAE) គួរពន្លឿនរបាយការណ៍របស់ខ្លួន ស្ដីពីស្ថានភាពសិទ្ធិមនុស្ស នៅក្នុងប្រទេសកម្ពុជា និងចាត់វិធាការប្រឆាំងរបបក្រុងភ្នំពេញ ទាក់ទងប្រព័ន្ធអនុគ្រោះពន្ធ ដែលមានឈ្មោះថា «EBA (Everything but Arms - អ្វីៗទាំងអស់ លើកលែងតែអាវុធ)» របស់សហភាពអឺរ៉ុប។

ខាងលើនេះ ជាការលើកឡើង របស់លោក ព្យែ អង់តូនីញ៉ូ ប៉ងហ្សេរី (Pier Antonio Panzeri) ប្រធានអនុ-គណៈកម្មការ ទទួលបន្ទុកសិទ្ធិមនុស្ស របស់សភាអ៊ឺរ៉ុប ដែលជាប្រតិកម្មទៅនឹងការបោះឆ្នោតជាតិ កាលពីថ្ងៃអាទិត្យ ក្នុងប្រទេសកម្ពុជា ដែលលោកចាត់ទុក ថាជាការបោះឆ្នោត «មិនប្រជាធិបតេយ្យ»។

សេចក្ដីប្រកាសព័ត៌មានមួយ របស់អនុ-គណៈកម្មការ ដែលដឹកនាំដោយសមាជិកសភាអ៊ឺរ៉ុប [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...