សៀក ហ៊ន កូនស្រីស្ត្រីបឹងកក់បង្ហូរទឹកភ្នែកក្នុងទិវាសិទ្ធិមនុស្ស
នៅពេលទស្សនាវដ្តីលើកយកឈ្មោះនាង សៀក ហ៊ន មកជម្រាបជូន ប្រិយមិត្តប្រហែលជាមានចម្ងល់ ដោយសារតែមិនដែលលឺឈ្មោះរបស់នាង ពីមុនមកឡើយ។ សៀក ហ៊ន ជាកូនស្រីរបស់អ្នកស្រី គង់ ចន្ថា សកម្មជនដីធ្លីមួយរូបដែលរស់នៅ ក្នុងសហគមន៍បឹងកក់ តែបច្ចុប្បន្ន គាត់កំពុងជាប់ឃុំឃាំងនៅក្នុងពន្ធនាគារព្រៃសរ។ សព្វថ្ងៃ សៀក ហ៊ន កំពុងមានបន្ទុកថែមមួយទៀត ក្រៅពីជួយមើលការខុសត្រូវប្អូនៗក្នុងគ្រួសារ និងការសិក្សា នោះគឺនាងបានចូលរួមក្នុងសកម្មភាពស្វែងរកយុត្តិធម៌ ឲ្យសកម្មជនដីធ្លីដែលត្រូវបានចាប់ខ្លួនទាំងអស់ រួមទំាងម្តាយនាងផងដែរ។
ទឹកភ្នែកកូនស្រីសកម្មជនបឹងកក់ខាងលើនេះ បានធ្វើឲ្យអ្នកចូលរួមទាំងចាស់ទាំងយុវជនប្រមាណជាជាង ៥០០០នាក់ ក្នុងទិវាសិទ្ធិមនុស្ស ថ្ងៃទី១០ ខែធ្នូនេះ មិនអាចទប់ទឹកភ្នែកបាន។ ទឹកភ្នែក [...]
