សៀក ហ៊ន កូន​ស្រី​ស្ត្រី​បឹង​កក់​បង្ហូរ​ទឹក​ភ្នែក​ក្នុង​ទិវា​សិទ្ធិ​មនុស្ស

កញ្ញា សៀក ហ៊ន ដែលត្រូវជាកូនស្រីរបស់សកម្មជនដីធ្លី មកពីសហគមន៍បឹងកក់ម្នាក់ បានថ្លែងទាំងអួលដើមក ពី​ការ​លំបាក​របស់​ខ្លួន និង​ក្រុម​គ្រួសារ នៅបន្ទាប់ពីពេលដែលអាជ្ញាធរចាប់ខ្លួនម្តាយរបស់នាង យកទៅដាក់ឃុំ។
Loading...
  • ដោយ: ក. វិច្ចនី អត្ថបទ និងរាយការណ៍៖ ក.វិច្ចនី ([email protected]) - ភ្នំពេញ ថ្ងៃទី ១០ ធ្នូ ២០១៤
  • កែប្រែចុងក្រោយ: December 11, 2014
  • ប្រធានបទ: សិទ្ធិ
  • អត្ថបទ: មានបញ្ហា?
  • មតិ-យោបល់

នៅពេលទស្សនាវដ្តី​លើក​យក​ឈ្មោះ​នាង សៀក ហ៊ន មក​ជម្រាប​ជូន ប្រិយ​មិត្ត​ប្រហែល​ជា​មាន​ចម្ងល់ ដោយ​សារ​តែ​មិន​ដែល​លឺ​ឈ្មោះ​របស់​នាង ពី​មុន​មក​ឡើយ។ សៀក ហ៊ន ជា​កូន​ស្រី​របស់​អ្នក​ស្រី គង់ ចន្ថា សកម្មជន​ដី​ធ្លី​មួយ​រូប​ដែល​រស់​នៅ ក្នុង​សហគមន៍​បឹង​កក់ តែ​បច្ចុប្បន្ន គាត់​កំពុង​ជាប់​ឃុំ​ឃាំង​នៅ​ក្នុង​ពន្ធនាគារ​ព្រៃ​សរ។ សព្វ​ថ្ងៃ សៀក ហ៊ន កំពុង​មាន​បន្ទុក​ថែម​មួយ​ទៀត ក្រៅ​ពី​ជួយ​មើល​ការ​ខុស​ត្រូវ​ប្អូនៗ​ក្នុង​គ្រួសារ និង​ការ​សិក្សា នោះ​គឺ​នាង​បាន​ចូល​រួម​ក្នុង​សកម្មភាព​ស្វែង​រក​យុត្តិធម៌ ឲ្យ​សកម្មជន​ដី​ធ្លី​ដែល​ត្រូវ​បាន​ចាប់​ខ្លួន​ទាំង​អស់ រួម​ទំាង​ម្តាយ​នាង​ផង​ដែរ។

ទឹកភ្នែកកូនស្រី​សកម្ម​ជន​បឹង​កក់​ខាង​លើ​នេះ បាន​ធ្វើ​ឲ្យ​អ្នក​ចូល​រួម​ទាំង​ចាស់​ទាំង​យុវជន​ប្រមាណ​ជា​ជាង ៥០០០​នាក់ ក្នុង​ទិវា​សិទ្ធិ​មនុស្ស ថ្ងៃ​ទី១០ ខែ​ធ្នូ​នេះ មិន​អាច​ទប់​ទឹក​ភ្នែក​បាន។ ទឹក​ភ្នែក ដែល​សឹង​តែ​បាន​រៀប​រាប់​ជំនួស ពី​ការ​បាត់​បង់​ភាព​កក់​ក្តៅ​ពី​ម្តាយ និង​សិទ្ធិ​មួយ​ចំនួន​ដែល​នាង​ចង់​បាន និង​ខំ​ស្វែង​រក​ជា​យូរ​មក​ហើយ​នោះ។

សៀក ហ៊ន បានខំប្រឹងរៀបរាប់ទាំងអួលដើមកថា ម្តាយនាងបានជាប់ពន្ធនាគាចំនួនពីរដងមកហើយ កាល​ពីឆ្នាំ ២០១០ម្តង និងឆ្នាំ ២០១៤នេះម្តងទៀត ហើយការចាប់ខ្លួននេះពាក់ព័ន្ធ នឹងការតវ៉ាដីធ្លីនៅភូមិបឹង​កក់​ទាំង​អស់។ ខណៈពេលដែលនាង និងក្រុមគ្រួសារចង់ទៅជួប ចង់ឱបម្តាយ សមត្ថកិច្ចមិនផ្តល់ឱកាសឲ្យពួកគេ បាន​ជួបផ្ទាល់ជាមួយម្តាយនោះទេ។

រួមផ្សំនឹងកង្វះភាពកក់ក្ដៅ ព្រោះម្ដាយមិននៅក្បែរ តែនៅក្រោយពេលដែលមានការចាប់ខ្លួន ស្រ្តីសកម្មជន​ទាំង​អស់ទៅ កូនៗរបស់គាត់ ត្រូវជួបនឹងផលលំបាកជាច្រើន ដូចជាមានជំងឺ មិនបានទៅរៀនសូត្រ ឬពេល​មាន​ទឹកលិចម្តងៗ ត្រូវដេកក្នុងទឹកជាមួយមូស និងសត្វល្អិតផ្សេងៗទៀត គួរឲ្យខ្លាច។

រីឯ សៀក ហ៊ន វិញត្រូវបានបាត់បង់ឱកាសទទួលបានអាហារូបករណ៍ ផ្នែកច្បាប់ ដែលនាងទើបតែនឹង​ប្រឡង​ជាប់នាពេលថ្មីនេះ នៅសកលវិទ្យាល័យមួយក្នុងរាជធានីភ្នំពេញ។ នាងមិនបានបញ្ជាក់ពីហេតុផល ដែល​មិន​បានទទួលយកអារូបករណ៍ ដែលនាងបានប្រឡងជាប់នោះទេ គ្រាន់តែថាការដែលនាងបាត់បង់ឱកាសនេះ គឺ​មកពីរដ្ឋាភិបាលទាំងអស់ ហើយជំនាញដែលនាងចង់រៀន និងជាក្តីស្រមៃដែលខំប្រឹងស្វែងរក ត្រូវបាន​បាត់​បង់​នៅពេលដែលគ្រួសារកំពុងបាត់បង់ជំរក ហើយម្តាយត្រូវជាប់គុកទៀតនោះ។

នាងបានអំពាវនាវដល់ប្រជាពលរដ្ឋទាំងអស់ តស៊ូរកយុត្តិធម៍ដើម្បីជួយខ្លួនឯង និងទាមទារដល់រដ្ឋាភិបាល​ដោះលែងប្រជាពលរដ្ឋ រស់នៅភូមិបឹងកក់ ព្រះសង្ឃ និងម្តាយរបស់នាង ដោយគ្មានលក្ខខ័ណ្ឌ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...