Posts tagged as "Self-Confidence"

រឿងរ៉ាវពិតប្រាកដ ទាក់ទងនឹងរូបថតនេះ នៅមានភាពស្រពិចស្រពិលនៅឡើយ។ បើតាម សារព័ត៌មាន «The Express» របស់អង់គ្លេស បានអះអាងថា រូបថតខាងលើ ទំនងជាត្រូវបានថត នៅថ្ងៃទី២៥ ខែវិច្ឆិកា ឆ្នាំ១៩៣៦ ដើម្បីអបអរសាទរ ការចុះហត្ថលេខា បង្កើតសម្ព័ន្ធមិត្ត រវាងប្រទេសអាល្លឺម៉ង់ និងចក្រភពជប៉ុន។

នៅចំពោះសំនួរ ដែលចង់ដឹងថា តើរូបថតនេះ ជារូបថតពិត ឬជារូបថតក្លែងក្លាយនោះ ក៏គេពិបាករកចម្លើយដែរ។ ក្នុងគេហទំព័រ «Theanswerbank» ដែលមានជំនាញខាងសួរឆ្លើយ ពីអាថ៌កំបាំងទាំងឡាយ នៅក្នុងពិភពលោក អ្នកប្រើប្រាស់ម្នាក់​បានអះអាងថា រូបថតនេះ ជារូបថតផ្លូវការពិតប្រាកដ ដោយសារតែគេបានមើលឃើញ សញ្ជាជាតិរូបសត្វឥន្ទ្រីយ៍ «Reichsadler» ដែលតំណាងឲ្យរដ្ឋអាល្លឺម៉ង់ មានបោះនៅលើរូបថត ពីរកន្លែង នៅត្រង់ដើមទ្រូង របស់លោក អាដុហ្វ៍ ហ៊ីត្លែ (Adolf Hitler)។

គេបន្តឆ្ងល់ទៀតថា តើមានមូលហេតុអ្វី ដែលតម្រូវឲ្យលោក ហ៊ីត្លែ [...]

ប្រកួតប្រជែងគំនិត ដើម្បីពង្រីកគតិបណ្ឌិតភាព ជាអ្នកដឹកនាំ ទទួលយកនូវភាពផ្សេងៗគ្នា និងកាត់បន្ថយ គំនិត​ខុសដាច់ខាត បណ្តុះស្មារតីចិត្ត ជាអ្នកកីឡា ហ៊ានប្រកួតហ៊ានចាញ់ និងកាត់បន្ថយ ភាពចាញ់​ឈ្នះ​ដាច់​ខាត ពង្រីកចំណេះដឹង ចំណេះធ្វើ និងការស្រាវជ្រាវ របស់ស្រ្តីខ្មែរ ដើម្បីការរីកចម្រើនគ្មានព្រំដែន។ ទាំង​នេះ ជាគោលបំណង នៃវេទិកាស្ត្រីជជែកដេញដោល ពីភាពជាអ្នកដឹកនាំ ដែលត្រូវបានរៀចំឡើង ជា​លើក​ដំបូង កាលពីរសៀលថ្ងៃទី១១ ខែវិច្ឆិកា ឆ្នាំ២០១៥កន្លងមកនេះ ដោយមជ្ឈមណ្ឌល រដ្ឋាលីដឌីង បាន​សហការ ជា​មួយ​ក្រសួង​កិច្ចការនារី មជ្ឃមណ្ឌល សហប្រតិបត្តិការ កម្ពុជាជប៉ុន (cjcc) និងសមាគមសហគ្រិន​ស្រ្តី​កម្ពុជា។

ពីក្នុងចំណោមវាគ្មិន ជាអ្នកដឹកនាំស្រ្តីកម្ពុជាចំនួន ១៦រូប មកពីស្ថាប័នផ្សេងៗគ្នានោះ អ្នកស្រី ច័ន្ទ សូរីយ៍ រដ្ឋ​លេខាធិការក្រសួងកិច្ចការនារី បានឲ្យដឹងថា វេទិកានេះ ធ្វើឡើងដើម្បីឲ្យស្រ្តី មានភាពក្លាហាន និងក្លាយជា​អ្នកដឹកនាំ [...]

«ទីក្រុងភ្នំពេញ គឺជាទីក្រុងសម្រាប់យើងទាំងអស់គ្នា ហើយវាជាទីក្រុង ដ៏ស្រស់ស្អាត ក៏ប៉ុន្តែមនុស្សមួយចំនួន មិនបាន​រស់នៅដោយសប្បាយចិត្ត នៅក្នុងទីក្រុងភ្នំពេញទេ ដោយសារតែ ពួកយើងមានការភ័យខ្លាច ក្នុងការធ្វើដំណើរនៅ​ពេល​យប់» នេះ ជាការលើកឡើងរបស់អ្នកស្រី ខារ៉ូរ៉ាយ នាយិការអង្គការ Action Aid។

ថ្លែងក្នុងកម្មវិធីយុទ្ធនារាំ ម៉ាឌីស្សូន នៅទីលានប្រជាធិបតេយ្យ នាល្ងាចថ្ងៃទី៨ ខែមិនានេះ អ្នកស្រីបានរៀបរាប់ថា រាជធានី​ភ្នំពេញ ត្រូវបានរកឃើញ និងបង្កើតឡើង ដោយស្រ្តីដែលមានឈ្មោះថា យាយពេញ។ ប៉ុន្តែរាជធានី ដែល​បង្កើត​ឡើងដោយស្រ្តីនេះ ហាក់មិនអាចផ្តល់សុវត្តិភាព ដល់ស្រ្តីឡើយ ជារឿយៗ ពួកគេតែងតែជួបប្រទះនូវបញ្ហា ជា​ពិសេសការបៀតបៀនពីបុរស។

អ្នកស្រីបន្តថា កាលពីឆ្នាំទៅ អង្គការ Action Aid បានធ្វើការសិក្សាស្រាវជ្រាវមួយ ដោយធ្វើការសម្ភាស ទៅលើស្រ្តី​ដែល​​រស់នៅទីក្រុងភ្នំពេញ [...]

ជាមួយនឹងការចូលរួម របស់និស្សិត សាស្ត្រាចារ្យ និងថ្នាក់ដឹកនាំសាកលវិទ្យាល័យ ប្រមាណជាង២០០នាក់ សាកល​វិទ្យា​ល័យស្វាយរៀង បានប្រារព្ធទិវាសិទ្ធនារី អន្តរជាតិ ៨មិនា នៅថ្ងៃទី០៧ ខែមិនាឆ្នាំ២០១៥ ដោយផ្តោតសំខាន់ទៅលើ ការ​លុបបំបាត់អំពើហិង្សាលើស្រ្តី និងកុមារ។កម្មវិធី ដែលចាប់ផ្ដើម ពីម៉ោង៩ព្រឹក និងបិទបញ្ជប់នៅម៉ោង១១និង៣០នាទី នេះ ក៏មានការប្រកួតប្រជែង សួរឆ្លើយទាក់ទងនឹងសិទ្ធិស្ត្រី ចូលរួមដោយនិស្សិត១២ក្រុម ដើម្បីទទួលរង្វាន់អនុស្សាវរីយ៍ នៅ​ថ្ងៃ​ដ៏វិសេសវិសាលរបស់ស្ត្រីនេះដែរ។

សាកលវិទ្យាធិការលោក គង់ សារ៉ាវុទ្ធ បានថ្លែងឲ្យដឹង ពីការដឹងគុណ និងភាពវិសេសវិសាល របស់ស្រ្តីក្នុងលោក ដែល​មានចំណុច ដែលបុរសមិនអាចធ្វើបាន តែនាងអាចធ្វើបាន។ ក្នុងនោះ លោកបានពន្យល់ណែនាំគរុនិស្សិត ដែល​នឹង​ត្រូវ​ចេញទៅបង្រៀន នៅតាមមូលដ្ឋាន នាថ្ងៃអនាគត ឲ្យផ្តោតទៅលើបញ្ហាស្រ្តី ជាពិសេសឲ្យរូបភាពទាំងនេះ ស្តែងចេញ​តាម​​រយៈការអប់រំ។

ប្រជាពលរដ្ឋកម្ពុជា ប្រមាណ ២៧% មាន​ជំងឺ​ធ្លាក់​ទឹកចិត្ត ហើយ​នេះ​ជា​ចំនួន​ដ៏​ច្រើន ដែល​ក្នុង​មួយ​ឆ្នាំៗ តែង​មាន​ការ​កើន​ឡើង​ជានិច្ច។ នេះ​បើ​តាម​ការ​អះអាង របស់​សាស្រ្តាចារ្យ​ផ្នែក​ចិត្ត​វិទ្យា នៃ​សាកល​វិទ្យាល័យ​ភូមិន្ទ​ភ្នំពេញ លោក កៅ សុវណ្ណតារា បន្ទាប់​ពី​លោក ធ្លាប់​បាន​ធ្វើ​ការ​សិក្សា​ស្រាវ​ជ្រាវ​កន្លង​មក។

លោក​បាន​ពន្យល់​ថា៖ «យើង​មើល​បញ្ហា​ផ្លូវ​ចិត្ត នៅ​ក្នុង​ប្រទេស​កម្ពុជា​មាន​ច្រើន។ មាន​ច្រើន​ដោយ​សារ​អី? មាន​ច្រើន ដោយ​សារ​តែ​គាត់​អត់​ដឹង​ថា មាន​បញ្ហា​ទេ ដោយ​សារ​តែ​គាត់​អត់​យល់។ (...) បញ្ហា​សម្លាប់​ខ្លួន មាន​៤២នាក់ ក្នុង​ចំណោម​ដប់​ម៉ឺន​នាក់ ដែល​សម្លាប់​ខ្លួន​ដោយ​សារ​បញ្ហា​ផ្លូវ​ចិត្ត។» សាស្រ្តាចារ្យ​ផ្នែក​ផ្លូវ​ចិត្ត​រូប​នេះ បាន​បញ្ជាក់​បន្ថែម​ថា ជន​រងគ្រោះ​ក្រោម​សម័យ​ខ្មែរ​ក្រហម ប្រហែល​៧,៦% ដែល​មាន​ជំងឺ​បាក់​ស្បាត ដោយ​សារ​ទទួល​រង​ឥទ្ធិពល ក្រោយ​សម័យ​ខ្មែរ​ក្រហម [...]