«បើភ្នែកខ្ញុំខ្វាក់ តើមានអ្នកណាចិញ្ចឹមប្អូនៗរបស់ខ្ញុំទាំង៧នាក់»
សិទ្ធិ - ប៉ាង វន្នី អាយុ ៣៨ ឆ្នាំ ដែលជាកម្មករម្នាក់ក្នុងចំណោមកម្មករ២៣ ដែលសមត្ថកិច្ចបានវាយទ្រោមខ្លួន និងចងដៃស្លាបសេកដោយជ័រស្វិត ឲ្យដេកនៅតាមដងផ្លូវមុនបញ្ជូនខ្លួន ទៅទីបញ្ជារការកងរាជអាវុធហត្ថរាជធានីភ្នំពេញ ហើយដែលទើបតែមានសេរីភាពវិញ តែត្រូវស្ថិតនៅក្រោមការឃ្លាំមើលរបស់តុលាការ កាលពីថ្ងៃទី ៣០ ខែឧសភានោះ បានថ្លែងឲ្យដឹងថា ជំងឺរបស់លោក ពុំមានពេលធូរស្រាលឡើយ ចាប់តាំងពីថ្ងៃដែលសមត្ថកិច្ចវាយបង្ក្រាប រហូតដល់សព្វថ្ងៃនេះ។ លោកបានថ្លែងឲ្យដឹងថា៖ «ក្បាលខ្ញុំ ដែលគេវាយដំគ្រប់កន្លែងនៅតែឈឺ ហើយភ្នែកខ្ញុំស្រវាំង ពីមួយថ្ងៃទៅមួយថ្ងៃ ខ្ញុំកំពុងភ័យថា ខ្ញុំអាចខ្វាក់ទៅថ្ងៃក្រោយ ប្រសិនបើខ្ញុំមិនមានថ្នាំព្យាបាល»។
អង្គុយនៅក្នុងតូបតូចមួយ [...]