Posts tagged as "FIFA"

នៅទីបញ្ចប់នៃការប្រកួត គឺក្រុមបាល់ទាត់មាន់គក បារាំង ជាអ្នកលើកពានបាល់ទាត់ពិភពលោក ក្នុងឆ្នាំ២០១៨ សម្រាប់រយៈពេល៤ឆ្នាំទៅមុខ។ ក្រុមបារាំង បានបំបាក់ក្រុម ក្រូអាស៊ី ដោយគ្រាប់បាល់ ៤-២ នៅក្នុងការប្រកួតផ្ដាច់ព្រ័ត្រមួយ ប្រកបដោយភាពស្វិតស្វាញ ពីសំណាក់ក្រុមបាល់ទាត់ទាំងសងខាង នាកីឡដ្ឋានរដ្ឋធានី ម៉ូស្គូ ប្រទេសរ៉ូស្ស៊ី ក្នុងល្ងាចថ្ងៃទី១៥ ខែកក្កដា ឆ្នាំ២០១៨នេះ។

ជាពានរង្វាន់ ដែលគ្រូដឹកនាំក្រុមបារាំង លោក ឌីឌីយ៉េ ដេឆម (Didier Deschamps) ធ្លាប់បានលើកម្ដងហើយ កាលពី២០ឆ្នាំមុន (ឆ្នាំ១៩៩៨) ក្នុងឋានៈលោកពេលនោះ ជាកីឡាករមួយរូប។ សម្រាប់ព្រឹត្តិការណ៍បាល់ទាត់ពិភពលោក ឆ្នាំនេះទៀតសោធ លោក ដេឆម មិនបានបង្កើតយុទ្ធសាស្ត្រអ្វីខ្លាំងក្លា សម្រាប់ក្រុមបាល់ទាត់ជម្រើសជាតិ ដែលស្ថិតក្រោមការដឹកនាំ របស់លោកនោះទេ។ អ្វីដែលលោកធ្លាប់និយាយ ទៅកាន់អ្នកសារព័ត៌មាន គឺយុទ្ធសាស្ត្របាល់ទាត់របស់លោក ជា«ការសម្រប»ទៅនឹងក្រុមគូប្រជែង។

ក្រុមបាល់ទាត់ប្រទេសណា ដែលខ្លាំងជាងគេ? លទ្ធផល ចេញពីការប្រកួតផ្ដាច់ព្រ័ត្រ បានឲ្យដឹង​ជាផ្លូវការបណ្ដើរៗហើយ សម្រាប់ព្រឹត្តិការណ៍ បាល់ទាត់ពិភពលោក ឆ្នាំ២០១៨ ក្នុងប្រទេសរ៉ូស្ស៊ី៖ ក្រុម ប៊ែលហ្សិក ទទួលបានលេខ ៣ បន្ទាប់ពីប្រកួតឈ្នះក្រុម អង់គ្លេស ២-០ នៅល្ងាចថ្ងៃទី ១៤ ខែកក្កដានេះ និងបានឡើងលើវេទិកា ទទួលបានមេដាយស្ពាន់ សម្រាប់ប្រទេសរបស់ខ្លួន។

ក្រុមតោបី អង់គ្លេស បានខំប្រឹង​ស្ទុះងើបមកវិញ ក្នុងពាក់កណ្ដាលម៉ោងទី២ដែរ តែកង្វះប្រសិទ្ធិភាព របស់ខ្សែប្រយុទ្ធ ក្នុងការទាត់បញ្ចូលទី បានធ្វើឲ្យក្រុមតោបី ទទួលបានត្រឹមលេខ៤ និងត្រឡប់ទៅមាតុភូមិវិញ ជាមួយការសោកស្ដាយ។

គ្រាប់បាល់ប៊ែលហ្សិក ទាំងពីរគ្រាប់ រកបាននៅនាទីទី ៤ ដោយខ្សែការពារខាងស្ដាំ កីឡាករ តូម៉ាស មើនីញ៉េ (Thomas Meunier) ដែលកំពុងទាត់ឲ្យក្រុម ប៉ារីស [...]

ជាលើកទីមួយ នៅក្នុងប្រវត្តិបាល់ទាត់ នៃប្រទេសក្រូអាស៊ី ដែលមានចំនួនប្រជាជន តែ៤លាននាក់។ ផ្ទុយទៅវិញ ក្រុមបាល់ទាត់ របស់ប្រទេសអ៊ឺរ៉ុបកណ្ដាលមួយនេះ បានឡើងដល់វគ្គផ្ដាច់ព្រ័ត្រ នៃបាល់ទាត់ពិភពលោក ឆ្នាំ២០១៨។ ក្រុម ក្រូអាស៊ី នឹងជួបប្រកួត ទល់នឹងក្រុម បារាំង (មានចំនួនប្រជាជន ជិត៧០លាននាក់) បន្ទាប់ពីបានបំបាក់ ក្រុម អង់គ្លេស (មានចំនួនប្រជាជន ជិត៦០លាននាក់) នៅក្នុងការប្រកួត វគ្គពាក់កណ្ដាលផ្ដាច់ព្រ័ត្រ នាយប់នេះ ក្នុងកីឡដ្ឋានរដ្ឋធានី ម៉ូស្គូ។

ដំបូងឡើយ ក្រុម ក្រូអាស៊ី ត្រូវបានក្រុមតោបី អង់គ្លេស នាំមុខមួយគ្រាប់មុន (០-១) តាំងពីនាទីទី ៥ ដោយសារគ្រាប់បាល់ពិន័យមួយ ទាត់ពីចំងាយ ជាង៣០ម៉ែត្រ ទាត់ដោយខ្សែការពារអង់គ្លេស កីឡាករ «Kieran Trippier»។ គ្រាប់បាល់នោះ បានធ្វើឲ្យក្រុម ក្រូអាស៊ី ពិបាកនឹងរកឃើញ​​ព្រលឹងបាល់របស់ខ្លួន​ត្រឡប់​មកវិញ សឹងតែពេញ មួយពាក់កណ្ដាល​ម៉ោង​ដំបូង។

រហូតដល់នាទីទី ៦៨ [...]

ប្រសិនជាកីឡាករបារាំងមួយចំនួន បានសម្រេចប្រគល់ប្រាក់បំណាច់បន្ថែមពិសេស ដែលទទួលបាន បន្ទាប់ពីក្រុមខ្លួនរកបានជ័យជំនះ នៅក្នុងការប្រកួតនីមួយៗ ទៅឲ្យសមាគម ឬអង្គការមនុស្សធម៌នោះ កីឡាករ ប៉ូល ប៉ូកបា (Paul Pogba) ខ្សែបម្រើបារាំងវិញ បានជ្រើសរើសឧទ្ទិសជ័យជំនះរបស់ខ្លួន ទៅឲ្យកីឡាករបាល់ទាត់ វ័យក្មេងថៃ ទាំង១២នាក់ ដែលទើបនឹងត្រូវបានសង្គ្រោះ និងយក​ចេញ​ទាំង​អស់គ្នា ពីរូងភ្នំ​ស្ថិតនៅ​ភាគខាងជើង នៃប្រទេសថៃ ក្រោយពីពួកគេ បានជាប់គាំងខ្លួន អស់រយៈពេល១៧ថ្ងៃ នៅទីនោះមក។

ខ្សែបម្រើបារាំង បានបង្ហោះពាក្យពេជន៍ទាំងនេះ ជាភាសាអង់គ្លេស នៅលើទំព័រទ្វីសធើររបស់ខ្លួន ដោយមានអត្ថន័យ ជាខេមរភាសាទាំងស្រុង ដូចខាងក្រោមថា៖ «ជ័យជំនះ (កាលពីយប់ម៉ិញ ទល់នឹងក្រុម ប៊ែលហ្សិក) នេះ ត្រូវបានឧទ្ទិសទៅយុវកីឡាករ ដ័ក្លាហាន នៅថ្ងៃនេះ។ សូមអបអរសាទរ ដល់អ្នកទាំងអស់គ្នា! អ្នកឯងពិត​ជាអស្ចារ្យ​ខ្លាំង​ណាស់។»។

នៅទីបំផុត ក្រុមបាល់ទាត់​មាន់គក បារាំង ដែលប្រកបដោយវិន័យ និងមានថ្វីជើង ប្រកបដោយប្រសិទ្ធភាព បានឡើងឡើងវគ្គផ្ដាច់ព្រ័ត្រ នៃបាល់ទាត់ពិភពលោក ឆ្នាំ២០១៨ ដែលកំពុងប្រព្រឹត្តិទៅ ក្នុងប្រទេសរ៉ុស្ស៊ី។ ក្រោមការដឹកនាំ របស់គ្រូដឹកនាំ ឌីឌីយ៉េ ដេឆម (Didier Deschamps) ក្រុមមាន់គក បានបំបាក់ក្រុម ប៊ែលហ្សិក ដោយគ្រាប់បាល់ ១-០ ក្នុងការប្រកួត វគ្គពាក់កណ្ដាលផ្ដាច់ព្រ័ត្រ ដែលប្រព្រឹត្តិទៅ នាយប់នេះ ក្នុងកីឡដ្ឋាននៃក្រុង ស៊ាំង ភីធីស្បួរ (Saint-Pétersbourg - ភាគខាងលិចប្រទេស រ៉ុស្ស៊ី)។

គ្រាប់បាល់មួយគ្រាប់ របស់ក្រុមបារាំងនោះ រកបាននៅនាទីទី ៥១ ដោយខ្សែការពារ កីឡាក សាម៉ុយអែល អ៊ូមទីទី (Samuel Umtiti) ដែលកំពុងទាត់ឲ្យក្រុម បាសឺឡូន (Barcelone FC)។ មិនខ្ពស់ដល់ខ្សែការពារ ប៊ែលហ្សិក ទេ តែកីឡាករ អ៊ូមទីទី អាចលោតឡើងខ្ពស់ជាង ហើយប្រើក្បាលខ្លួន ទទួលបាល់ទាត់ពីជ្រុង​ខាងស្ដាំ និងរុញបាល់មួយគ្រាប់នេះ ចូលក្នុងទី ប៊ែលហ្សិក [...]