Posts tagged as "Différend Frontalier"

គណកម្មការអចិន្ត្រៃយ៍នៃព្រឹទ្ធិសភា មិនធ្វើការពិចារណា លើការដក់ ឬមិនដកអភ័យឯកសិទ្ធិ ពីលោក ហុង សុខហួរ នោះឡើយ ព្រោះជា«បទល្មើសជាក់ស្តែង»។ នេះបើតាមការអះអាង របស់អ្នកនាំពាក្យព្រឹទ្ធសភា ដែល​បានថ្លែង មកកាន់អ្នកសារព័ត៌មាន កាលពីថ្ងៃទី១៧ ខែសីហា ម្សិលម៉ិញ នៅក្រោយពីបញ្ចប់កិច្ចប្រជុំ គណៈកម្មការអចិន្ត្រៃយ៍ និងកិច្ចប្រជុំពេញអង្គដោយសម្ងាត់ នៃព្រឹទ្ធសភា ដែលមានសមាជិក មក​ពី​គណបក្ស​ប្រជាជនកម្ពុជាតែមួយ។

លោក ប៊ុននាង បានធ្វើការអះអាងថា ដោយគ្មានវត្តមានសមាជិកព្រឹទ្ធសភា មកពីគណបក្ស សម រង្ស៊ី សមាជិក​ព្រឹទ្ធិសភាផ្សេងទៀត ដែលបានវត្តមាន បានសម្រេចឲ្យអាជ្ញាធរ​មានសមត្ថកិច្ចកម្ពុជា បន្តនីតិវិធីរបស់ខ្លួន តាម​ករណីជាក់ស្តែង នៃបទល្មើសរបស់លោក ហុង សុខហួរ។ លោកបានបន្តថា ករណីនៃបទល្មើសជាក់ស្តែង មិន​បានទាក់ទងរំខាន ដល់«អភ័យឯកសិទ្ធិ»នោះឡើយ។

អ្នកនាំពាក្យរូបនេះលើកឡើងថា សមាជិកព្រឹទ្ធសភា ដែលប្រព្រឹត្តិបទល្មើសជាក់ស្តែង [...]

«អភ័យឯកសិទ្ធិ សមាជិកព្រឹទ្ធសភា» មិនអាចធ្វើការរារាំង ការចោទប្រកាន់ ការចាប់ខ្លួន ការឃាត់ខ្លួន ឬការឃុំ​ខ្លួន ក្នុងករណីប្រព្រឹត្តបទលើ្មស ព្រហ្មទណ្ឌ«ជាក់ស្តែង» ឡើយ។ នេះជាការថ្លែងឡើង របស់លោក គឹម សន្តិភាព អ្នកនាំពាក្យក្រសួងយុត្តិធម៌ ដោយបានអះអាង ពីរដ្ឋធម្មនុញ្ញ ត្រង់មាត្រា១០៤ថ្មី នឹងមាត្រា១២ នៃ​ច្បាប់​ស្តី​ពី​លក្ខន្តិកៈ នៃសមាជិកព្រឹទ្ធសភា។

ការថ្លែងរបស់អ្នកនាំពាក្យខាងលើ ជាការឆ្លើយតបទៅនឹងមេធាវីម្នាក់ ដែលបានលើកឡើងថា ការចាប់ខ្លួននេះ ត្រូវបានធ្វើឡើង ដោយរំលោភមាត្រា១០៤ នៃរដ្ឋធម្មនុញ្ញ។ លោក គឹម សន្តិភាព បានពន្យល់ថា សម្រាប់​ករណី​«បទល្មើសព្រហ្មទណ្ឌជាក់ស្តែង» គ្រប់បុគ្គលទាំងអស់ អាចចាប់ខ្លួនជននោះ ទៅប្រគល់ជូនមន្ត្រីនគរបាល​យុត្តិធម៌ ដែលនៅជិតបំផុត នេះបើយោងតាមមាត្រា៨៧ នៃក្រមនីតិវិធីព្រហ្មទណ្ឌ។

អ្នកស្រីមេធាវី ម៉េង សុធារី បានលើកឡើងបន្ទាប់ ពីក្រុមសមត្ថកិច្ច បាននាំខ្លួនលោក ហុង សុខហួរ [...]

លោក ម៉ម សូណង់ដូ ប្រធានគណបក្សសម្បុកឃ្មុំ ប្រជាធិបតេយ្យ និងជាប្រធានវិទ្យុសម្បុកឃ្មុំ បានធ្វើការ​ប្រៀបធៀបការចាប់ខ្លួន លោក ហុង សុខហួរ ដោយអាជ្ញាធរកម្ពុជានៅពេលនេះ ថាដូចទៅនឹងករណី នៃការ​ចាប់ខ្លួនលោក កាលពីប៉ុន្មានឆ្នាំមុន ដោយគ្រាន់តែលោក បានធ្វើការស្នើរដ្ឋាភិបាល ឲ្យយក«កោះត្រល់» ពី​ក្រោមការគ្រប់គ្រង ដោយប្រទេសវៀតណាម មកវិញ។ លោករំលឹកថា លទ្ធផលនាពេលនោះ លោកក៏ត្រូវ​បាន«ជាប់គុក» ឯកោះត្រល់ ស្ថិតនៅក្រោមការគ្រប់គ្រង របស់ប្រទេសវៀតណាមដដែល។

ថ្លែងមកកាន់អ្នកសារព័ត៌មាន នៅមុខសាលាដំបូងភ្នំពេញ កាលពីថ្ងៃអាទិត្យទី១៦ ខេសីហា ឆ្នាំ២០១៥ នេះ អតីតប្រធានស្ថានីយ៍វិទ្យុសំបុក្រឃ្មុំ បានបង្ហាញអត្ថន័យមួយចំនួន ដែលបានបង្ហោះ តាមទំព័រហ្វេសប៊ុក និង​ការចោ​ទប្រកាន់របស់តុលាការ ក៏ដូចជារដ្ឋាភិបាលថា ត្រូវធ្វើការសិក្សា និងស្វែងយល់ឲ្យបានស៊ីជម្រៅ​ជាង​នេះ លើពាក្យពេជ្រនីមួយ នៃការចោទប្រកាន់របស់ខ្លួន ដើម្បីជៀសវាងធ្វើការចោទប្រកាន់ [...]

សមាជិកព្រឹទ្ធសភា មកពីគណបក្ស សម រង្សី និងជាអ្នកជំនាញខាងព្រំដែន របស់គណបក្សសង្គ្រោះជាតិ លោក ហុង សុខហួរ អាចនឹងប្រឈមទល់នឹងបទចោទ ចំនួន៣ ដែលបទចោទណាមួយ ក៏សុទ្ធតែមានទោស ត្រូវជាប់ពន្ធនាគារ ជាច្រើនឆ្នាំ។ នេះបើតាមប្រភព ពីមន្ត្រីតុលាការ បានថ្លែងបង្ហើបដឹង នៅព្រឹកថ្ងៃទី១៦ ខែ​សីហានេះ។

នៅ​ព្រឹក​ថ្ងៃទី​១៦ ខែសីហា ឆ្នាំ​២០១៥ នេះ លោក ហុង សុខហួរ ត្រូវបានក្រុមអាជ្ញាធរ បញ្ជូនត្រឡប់មក​តុលាការ​វិញ ដើម្បីអនុញ្ញាឲ្យចៅក្រមស៊ើបសួរ លោក ​កោ វណ្ឌី ​ធ្វើការ​សាកសួរ​។ សមាជិកព្រឹទ្ធសភា មកពី​គណបក្សប្រឆាំងរូបនេះ ត្រូវបានអាជ្ញាធរ គ្រប់គ្រងដោយរដ្ឋាភិបាលលោក ហ៊ុន សែន ចាប់ខ្លួនកាលពី​ព្រឹក​ថ្ងៃ​ម្សិលម៉ិញ ពីក្នុងគេហដ្ឋានរបស់តំណាងរាស្ត្រ មកពីគណបក្សសង្គ្រោះជាតិ លោក យន្ដ ថារ៉ូ នៅ​ភូមិ​គោក​ឃ្លាង សង្កាត់​ភ្នំពេញ​ថ្មី ខណ្ឌ​សែន​សុខ។

ការចាប់ខ្លួនសមាជិកព្រឹទ្ធសភា ទាំងអភ័យឯកសិទ្ធិនេះ បានធ្វើឡើងតាមបញ្ជា លោកនាយករដ្ឋមន្ត្រី [...]

គេមិនដឹងថា លោកឧកញ៉ា ម៉ុង ឫទ្ធី សមាជិកព្រឹទ្ធសភា មកពីគណបក្សប្រជាជនកម្ពុជា ចង់សំដៅលើ​នរណា​ឡើយ។ ប៉ុន្តែការលើកឡើង នៅលើទំព័រហ្វេសប៊ុករបស់លោក ម៉ុង ឫទ្ធី នោះ ត្រូវបានមនុស្សភាគច្រើន ចាប់​អារម្មណ៍ និងគិតមមៃថា ជាការសំដៅទៅលើប្រធានក្រុមស្រាវជ្រាវ នៃរាជបណ្ឌិត្យសភាកម្ពុជា លោក សុខ ទូច ដែលកំពុងធ្វើការវិន្និច្ឆ័យ ទៅលើភាពស្រពិចស្រពិល នៃករណីផែនទីរវាងប្រទេសកម្ពុជា និងប្រទេសជិតខាង ដ៏ចម្រូងចម្រាស។ សម្រាប់លោក សុខ ទូច ខ្លួនឯង លោកបានយកខ្លួនមកដាក់ ហើយបានធ្វើការវាយប្រហារ ត្រឡប់ទៅ​លោក ម៉ុង ឫទ្ធី វិញ យ៉ាងចាស់ដៃ។

កាលពីរសៀលថ្ងៃទី១៤ ខែសីហា នៅលើទំព័រហ្វេសប៊ុក «ឯកឧត្ដមបណ្ឌិត ម៉ុង ឫទ្ធី H.E Oknha Mong Reththy» ដែលគេស្គាល់ថា ជារបស់លោកឧកញ៉ា ម៉ុង ឫទ្ធី នោះ បានបង្ហោះនូវរូបភាព នៃការ​ចូលរួម​ពិនិត្យ​ផែនទី របស់លោក ជាមួយនឹងក្រុមអ្នកស្រាវជ្រាវ នៃរាជបណ្ឌិតសភា ប្រមាណជា៦-៧សន្លឹក។ អមនឹង​រូប​ភាពនោះ លោក ម៉ុង ឫទ្ធី [...]