៥លានរៀលឲ្យសន្តិសុខស៊ីឈ្នួល ជាទឹកចិត្តឲ្យធ្វើការបង្រ្កាបថែមទៀត?
ទឹកប្រាក់ចំនួន ៥លានរៀល និងគ្រឿងបរិភោគផ្សេងទៀត ត្រូវបានកាកបាទក្រហម ផ្តល់ជូនទៅក្រុមសន្តិសុខដែលរងរបួស កាលពីម្សិលម៉ិញ ក្នុងពេលប៉ះទង្គិចជាមួយប្រជាពលរដ្ឋ។ ដោយឡែកសកម្មជន និងអ្នកគាំទ្រគណបក្សសង្គ្រោះជាតិ ដែលបានរងរបួសក្នុងការប៉ះទង្គិចដែរនោះ ពុំត្រូវទទួលបានជំនួយពីកាកបាទក្រហមឡើយ។ ចំពោះការសម្រេចចិត្តរបស់កាកបាទក្រហមនេះ ត្រូវបានមជ្ឈដ្ឋានទូទៅលើកឡើងថា តើដើម្បីឱ្យក្រុមសន្តិសុខកាន់តែមានកម្លាំងចិត្ត ធ្វើការបង្រ្កាបអ្នកតវ៉ាឬយ៉ាងណា?
លោកស្រី ប៊ុន រ៉ានី ហ៊ុន សែន ប្រធានកាកបាទក្រហម។
តួនាទី - ក្រោយពីក្រុមសន្តិសុខ ត្រូវបានប្រជាពលរដ្ឋធ្វើការតដៃវិញ បណ្តាលឱ្យមានរបួសធ្ងន់ និងស្រាលជាច្រើននាក់ កាលពីសៀលថ្ងៃទី ១៥ ខែកក្កដា ឆ្នាំ២០១៤ [...]