ចន ច័ន្ទលក្ខិណា ស្ដាយ នឹងធ្វើឲ្យ«កំពូលតារាបង្ហាញម៉ូដកម្ពុជា»ទទួលការចាប់អារម្មណ៍
«ស្តាយដែលធ្វើអោយកម្មវិធី ដែលមិនសូវមានអ្នកគាំទ្រ ត្រូវបានគេចាប់ផ្តើម ចាប់ផ្តើមចាប់អារម្មណ៍» នេះជាការលើកឡើង របស់តារាម៉ូដែលអ្នកនាង ចន ច័ន្ទលក្ខិណា ដែលបានសរសេរ នៅលើទំព័រហ្វេសប៊ុក របស់អ្នកនាង។ បើទោះបីជានាង មិនបានសរសេរបញ្ជាក់ថា ជាកម្មវិធីមួយណាក៏ដោយ ប៉ុន្តែ គេប្រាកដណាស់ថា គឺកម្មវិធីប្រកួតកំពូលតារាបង្ហាញម៉ូដកម្ពុជា របស់ទូរទស្សន៍ម៉ាយធីវី ដែលនាងបានធ្វើការរិះគន់ថា គ្មានភាពយុត្តិធម៌។
កន្លងមកតារាសម្តែង និងជាពិធីកររូបនេះ ធ្លាប់បានធ្វើការរិះគន់យ៉ាងចាស់ដៃ ចំពោះវិធីបង្ហាញម៉ូត លំដាប់អន្តរជាតិមួយនេះថា កម្មវិធីនេះធ្វើមិនស្មើភាព អយុត្តិធម៌ និងក៏ថាកម្មវិធីនេះ មានការរៀបចំអ្នកឈ្នះ ទុកជាមុនជាដើម។ អ្នកនាង ចន ច័ន្ទលក្ខិណា ក៏បានចោទប្រកាន់ គណៈកម្មការផងដែរថា មិនមានភាពសុក្រិត ក្នុងការជ្រើសរើស និងកែច្នៃរូបថត របស់បេក្ខនារី ដោយអ្នកនាងបាននិយាយថា គណៈកម្មការ និងអ្នកគ្រប់គ្រងផ្នែកថតរូប [...]