តារាបង្ហាញម៉ូដអ៊ីតាលីមួយរូប ក្លាយជាអាជ្ញាកណ្ដាលបាល់ទាត់
- ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី០៨ វិច្ឆិកា ២០១៤
- កែប្រែចុងក្រោយ: November 09, 2014
- ប្រធានបទ: សម្ផស្ស
- អត្ថបទ: មានបញ្ហា?
- មតិ-យោបល់
-
វិស័យកីឡាបាល់ទាត់ លែងនៅជាផ្នែកមួយផ្ដាច់មុខ របស់បុរសទៀត តាំងពីយូរមកហើយ បើសូម្បីតែតារាបង្ហាញម៉ូដអ៊ីតាលី នាង ក្លូឌីយ៉ាង រ៉ូម៉ានី (Claudia Romani) ក៏បានបោះបង់អាជីពរបស់ខ្លួន ពីអ្នកបង្ហាញម៉ូដ មកជាអាជ្ញាកណ្ដាលបាល់ទាត់ ក្នុងក្របខណ្ឌជួរមុខ របស់ប្រទេសអ៊ីតាលីដែរ។ នាងជាស្ត្រីលើកទីមួយហើយ ដែលបានជាប់ជាអាជ្ញាកណ្ដាល នៅក្នុងកម្រិតដ៏ខ្ពស់បែបនេះ ហើយនឹងត្រូវចាប់ផ្ដើមអាជីពថ្មី ជាអាជ្ញាកណ្ដាលរបស់នាង ចាប់ពីឆ្នាំក្រោយតទៅ។
ក្នុងអាយុ៣២ឆ្នាំ នាងកញ្ញាដែលគេឲ្យរហស្សនាមថា ជា«ស្ត្រីរូបឯកខាងឈុតខ្លីឆ្នាំ២០១២» រូបនេះ បានសម្រេចចិត្តធ្វើដូច្នេះ ដោយសារនាងមានគំនិតមួយចង់ «រត់ជាមួយកីឡាករផ្សេងទៀត និងចង់អនុវត្តន៍ច្បាប់បាល់ទាត់ នៅលើទីលានបាល់ទាត់»។ ហើយទីបំផុតទៅ នាងបានទទួលសញ្ញាបត្រខាងអាជ្ញាកណ្ដាល ដូចបំណងរបស់នាងមែន ពីសហព័ន្ធបាល់ទាត់នៃប្រទេសអ៊ីតាលី។
បើទោះជានាង បានទទួលសិទ្ធិជាផ្លូវការ ធ្វើជាអាជ្ញាកណ្ដាល ឲ្យការប្រកួតក្នុងកម្រិតខ្ពស់ក៏ដោយ តែនាងចាំបាច់ត្រូវចាប់ផ្ដើម អាជីពថ្មីនេះ ពីការប្រកួតតូចៗជាមុនសិន។ យ៉ាងណាក៏ដោយ ក៏កាលពីថ្មីៗនេះ នាង ក្លូឌីយ៉ា រ៉ូម៉ានី បានពាក់រួចជាស្រេចហើយ នូវសម្លៀកបំពាក់ជាអាជ្ញាកណ្ដាលរបស់នាង ដើម្បីចូលរួមក្នុងបុណ្យ ហាឡូវីន (Halloween)។
វីដេអូខាងក្រោមនេះ ជារបស់អ្នកតាមប្រមាញ់ លួចថតរូបរបស់នាង កាលពីរដូវក្ដៅឆ្នាំនេះ (ប្រយ័ត្នឈាមច្រមុះ)៖
